انا شديت انهرده مع فيرنا والنترا 2011 و bmw 318

**moh19227** · 17-09-2011 11:19 PM

طب معلش ممكن تفاصيل اكتر عن العربيه علشان الواحد بيسمع بس لكن مشفتهاش قبل كده ولا مره يعني ممكن صور للعربيه الاوبشن اللي فيها اقصي عزم واقصي اتش بي والتسارع بتاعها من صفر لميه والكلام ده
وبتنزل من موديل كام لموديل كام
وشكرااا

**ahmedsamir5edr** · 18-09-2011 12:16 AM

راجع الموضوع و انت تعرف كل حاجه

**moh19227** · 18-09-2011 03:06 AM

المشاركة الأصلية كتبت بواسطة ahmedsamir5edr

راجع الموضوع و انت تعرف كل حاجه

قصد حضرتك المعلومات اللي موجوده فيه عن العربيه -- قليله فعلا --
ولاا ان ادور في قسم الهوندا ؟

**SAMEH_FOUAD** · 18-09-2011 04:00 PM

المشاركة الأصلية كتبت بواسطة aboomar22

والله يا سمسم احنا حبناك وحبينا الهوندا بسببك

ياباشا ربنا يخليك دة كلة من ذوقك ونتمنى نشوفك فى القسم عندنا

**SAMEH_FOUAD** · 18-09-2011 04:18 PM

المشاركة الأصلية كتبت بواسطة moh19227

طب معلش ممكن تفاصيل اكتر عن العربيه علشان الواحد بيسمع بس لكن مشفتهاش قبل كده ولا مره يعني ممكن صور للعربيه الاوبشن اللي فيها اقصي عزم واقصي اتش بي والتسارع بتاعها من صفر لميه والكلام ده
وبتنزل من موديل كام لموديل كام
وشكرااا

السيارة نفس الشكل الخاص بموديل من 1993-2000 يعنى مش اشكال مختلفة

نفس الكماليات يزيد عليها 2air bag-abs

القوة الحصانية : 170 حصان

العزم : 16 كجم

التسارع من صفر الى 100 : 7 ثوانى ( 6.7 ثانية تجربة شخصية )

السرعة القصوى : 260 كم ( انا جيبت فعلى 260 كم )

ال SiR بداية نزولها كان سنة 1988 ونزلت فى فئتين ( CRX - EF9 ) والاتنين دول هاتشباك , ودة كان فيها محرك الجيل الاول B16A بقوة 160 حصان او فعلى 158 حصان

بعد كدة تم نزول الجيل الجديد من هذة المحركات وقد اختلف بنسبة كبيرة جدا عن الجيل القديم وقوتة اصبحت 170 حصان ولكنة اغلبيتة ذات ناقل حركة اتوماتيك واول ظهور لة فى موديل 1992 الى 1995 سيفيك

بعد كدة تم التطوير ونزل الجيل الثالث بنفس القوة ولكن بكفاءة اكتر ونعومة اكتر ونزل فى موديل 1996-2000 ودية كانت اخر اجيال ال B SERIES

وتم استبدالها بعد ذلك بمحركات ال K SERIES التى اصبحت 2000 سى سى وقوة حصانية 197 حصان واقصى سرعة هية 235 كم والتسارع فى 6.5 ثانية وسميت بال TYPE R

هناك ايضا محركات من ال B SERIES اقوى وهية نسخ مخصصة للسوق الامريكى وقوتة 174 حصان ويسمى B16A4- B16A5 والفرق مابينهم هو واحد بينزل اتوماتيك فقط والتانى مانيوال فقط

واى اسفسار بوضوح اكتر قسم هوندا مفتوح للجميع

**SAMEH_FOUAD** · 19-09-2011 02:35 AM

المشاركة الأصلية كتبت بواسطة Seifmando

تصدق يا سمسم انا بدأت افكر انى اغير بكرة للهوندا بسببك
انا عاوز اعرف الموتور sir اللى هو 1600 سي سي بيطلع الاحصنة دي من غير تريو او نشارجر يعنى ستوك من الاخر؟
طب هو محتاج بنزين 95 مثلاُ او بوجيهات معينة ولا برضه كله ستوك
ولو عاوز اجيب حاجة نضيفة تعمل فى حدود كام

ياباشا ربنا يخليك

بالنسبة للمحرك فهو طبعا بيحتاج بنزين 95 عشان يخرج الطاقة كاملة لكن شغال عادى ب92 وبردة هيقطع عربيات كتير بس طبعا الصوت بيبقى اعلى شوية والسحب مابيبقاش زى ال95 طبعا

وطبعا المحرك بيخرج القوة دية من غير اى شواحن او تيربو بس نظام ال vtec بيبقى شبية بالتيربو لانة بيعتمد على سحب كمية هواء وبنزين اكبر اثناء فتح صمام ال vtec

بالنسبة للبوجيهات فهو لية بوجيهات بكود معين ومتوافرة جدا وسعرها اصلى خارج التوكيل ب95 جنية ويابانى ب50 جنية ولية بوجيهات سبليت فاير ب120 جنية وطبعا بتبقى صاروخية مع المحرك دة

بالنسبة لاستهلاك المحرك دة هو بيعمل 200 كم فى الصفيحة فى حالة المشى الطبيعى , طبعا التكييف مبيأثرش فى السحب نهائى ومعدل الاستهلاك بردة مش بيتأثر , لكن لو زودت عن 130 كم سرعة هتلاقى الاستهلاك بدأ يعلى واول لما تفتح ال vtec متسألش انت عملت كام فى الصفيحة

النظيف منها بيعمل من 53 الى 55 الف واقل من كدة يبقى العربية محتاجة حاجات متعدلة غلط او مستقطة غلط وفيها مشاكل

**yasserelsayad** · 19-09-2011 03:01 AM

هو عامة فى حاجة غلط لان الـ 318 مش شديدة يعنى والالنترا الجديدة ممكن تزعلها عادى يعنى .. لان الـ 318 بتحتاج حوالى 40 ثانية عشان توصل لـ 180 يعنى وقت باردوا مش قليل.