مفيش غير الصينى اللى ينفع فى مصر

**yassin_samir** · 13-09-2011 01:15 PM

امبارح جربت هوندا 600 مش عارف الموديل اية بالظبط
ماجنا و لا اية بس نفسى افتكر نوعة اية هو شبة السى بى فو بس الشكمان جاى ورا الكرسى من الاجناب على فوق
الصراحة تجربة خلتنى مش عارف اتلم على اعصابى و عندى حالة غريبة جدا لمدة ساعه بعد ما نزلت منة و الغريب انى و انا بافرمل كان عرض منى على الجانب اليمين بس لميت نفسى و ضربت فرامل ادام خفيف بس بعد ما كونت ناوى اشترى موتو هوندا او اى حاجة عالية غير الصينى غيرت راى لان لو جبت تة لازم اجرى و انا اصلا بحب الجرى و كدة هيكون سبب فى موتى ربنا يستر

**BRAZILI** · 13-09-2011 01:29 PM

المشاركة الأصلية كتبت بواسطة yassin_samir

امبارح جربت هوندا 600 مش عارف الموديل اية بالظبط
ماجنا و لا اية بس نفسى افتكر نوعة اية هو شبة السى بى فو بس الشكمان جاى ورا الكرسى من الاجناب على فوق
الصراحة تجربة خلتنى مش عارف اتلم على اعصابى و عندى حالة غريبة جدا لمدة ساعه بعد ما نزلت منة و الغريب انى و انا بافرمل كان عرض منى على الجانب اليمين بس لميت نفسى و ضربت فرامل ادام خفيف بس بعد ما كونت ناوى اشترى موتو هوندا او اى حاجة عالية غير الصينى غيرت راى لان لو جبت تة لازم اجرى و انا اصلا بحب الجرى و كدة هيكون سبب فى موتى ربنا يستر

تحليل غريب !!!!!!!!!!!!!

**yascro** · 13-09-2011 02:10 PM

الموضوع مبيتقاسش كده الموضوع ليه كذا جانب
1=جوده التصنيع
2=جوده الخامات
3=الاعتماديه

**MaZaGAngeE** · 13-09-2011 02:23 PM

عشان متجريش هتجيب الصيني بدال ما تجيب هوندا !!!!!!!!! لا تعليق لأن وجهة نظرك مش مفهومة بالمرة

**Mik_t4** · 13-09-2011 02:57 PM

ههههههههههههههههههههههه يا عمنا انت لو راكب صيني وماشي علي سرعة 60 اخطر ماتكون راكب هوندا ولا هارلي وماشي 120 لان الصيني في الضياع
ياعم دا الجنزير وهو ماشي يبيق بيحك في الشاسية وممكن يتقطع او يعمل كارثة ولا صوت الجنزير بيبق مسخرة
وبعدين هتقارن 150 سي سي بحاجة 500 او 600 وتوصل معاك لحد 1300؟؟؟؟؟؟؟؟؟

**alfath8** · 13-09-2011 06:55 PM

انتا كونت راكب هورنت 600 وده بايك جميل بس انا ليا رأى موضوع الصينى ميزته ان البايك 150 سى سى واخره 100 كيلو فى الساعة بالكتير اوى والناس كل يوم بتعمل بيه حوادث رهيبة مش شرط هو اللى ينفع فى مصر انتا لو خايف تجرى هات حاجة صغيرة مثلا ريبل 250 اوcbr 250 ال top speed بتاعه 180 اخر والريبل 120 تقريبا وبكده تكون ريحت نفسك من السرعات العالية ومجبتش صينى لأن الصينى فعلا فى الضياع

**nktis** · 13-09-2011 09:11 PM

المشاركة الأصلية كتبت بواسطة yascro

الموضوع مبيتقاسش كده الموضوع ليه كذا جانب
1=جوده التصنيع
2=جوده الخامات
3=الاعتماديه

كلام مظبوط لانك عايز تجيب حاجه تصنيعها نطيف ومتقرفقش مكانيكيه واعطال كتير اما بالنسبه للسرعه فديت ترجع لحضرتك لانك اللي بتحدد وثانيا هات حاجه يباني سي سي صغيره 150 مثلا....وبالتوفيق ان شاء الله..

**mohm82** · 13-09-2011 09:36 PM

مع إن أنا بفكر أجيب فسبا صينى , بس ده عشان الفلوس, لو معايا يكفى حنزل أجيب مكنة هوندا وّش ومش حفكر فى الصينى أبداً.
لكل شيئ مزايا و عيوب و ميزة الصينى الوحيدة...السعر.
و عيب اليابانى ... السعر برضه. لو بنقارن فى نفس المجال.
يعنى زى ما كل الناس هنا قالتلك.
وربنا يرزقنا خيراً إن شاء الله
سلام

**mahgary** · 14-09-2011 12:34 AM

معلش انت قلت كده على الهوندا طيب ممكن حضرتك تجرب الصينى بس بنفس الطريق والسرعه وتجربه وشوف الفرق

فى السرعه الفرامل والوزن واحكم بنفسك انك عتحوض رقبتك على مكنه صينى ولا يابانى وربنا يوفقك فى الاختيار