عاوز عربية للشغل

**eng/ahmed_go** · 15-09-2011 02:51 AM

رأيي المتواضع يا باشا انك تجيب نيسان صني (بس خليك في المانول +abs ) عشان استهلاك البنزين

**Sehsss** · 16-09-2011 10:47 AM

المشاركة الأصلية كتبت بواسطة ahmedzag1

رأيي المتواضع يا باشا انك تجيب نيسان صني (بس خليك في المانول +abs ) عشان استهلاك البنزين

**MaZaGAngeE** · 29-09-2011 11:28 PM

الاول طبيعة الشغل ايه ؟
هل هتشيل بضاعة مثلا في العربيات دي ؟
هل هتستخدم العربية في السفر و على طرق طوالي و لا داخل المدينة ؟
هل هتطلع مناطق جبلية زي المحاجر ؟
هل هيركب معاك ناس كتير ؟

كل ده قبل ما نحتار العربية

**benmatar** · 30-09-2011 12:35 AM

السلام عليكم
حضرتك ممكن تروح تتفرج على رينو سكالا كاملة وممكن تتفرج على بروتون بيرسونا وشوف التقفيل وقوة الموتور مع أنظمة فرامل abs & ebd صناعة ماليزي فوق الرائعة وسيبك من أي كوري ومن أي صيني. وبالتوفيق

**Mahmoud Nagieb** · 30-09-2011 01:58 AM

معلش يا جماعة مردتش عليكم ... اصلا انا نسيت انى عملت الموضوع ده

هو عموما الحمد لله والدى جاب عربية لوجان تانية 2012 بلاك لاين

احنا قعدنا حسبناها ... ده عربية للشغل ... المطلوب عربية عالية واستهلاك بنزينها قليل وتستحمل التحميل والسفر ويكون سعرها ميزدش عن 75 وتكون زيرو .... قعدنا نلف نلف وفى الاخر رجعنا للوجان

انا شايف انها احسن قيمة مقابل سعرها ... ده كمان البلاك لاين زودوا فيه مالتى فانكشن ورا الطارة وحطوا كاسيت ام بى ثرى جديد وحسنوا خامات التابلوه .... بصراحة هيا مناسبة للشغل تمام

وكمان انا فكرت برضه لو جبنا عربية موتورها عفى .... السواقين هيشدوا بيها وممكن كل شوية خبطة ... احنا قولنا موتورها على قدها وكافى خيرها شرها وخلاص ... وبصراحة اللوجان الاولى ما شاء الله عاملة 40 الف كيلو فى 8 شهور ومبتقولش لاه

شكرا يا جماعة على المساعدة ... بالتوفيق ان شاء الله

....ملحوظة : انا لسة عند رأيى بالنسبة لعيوب اللوجان اللى قولتها فى اول الموضوع وهى موجودة برضه فى ال 2012 ماعدا انهم حسنوا خامات التابلوه فى البلاك لاين .... بس عموما هيا عربية شغل واهم حاجاة انها تدى انتاجية مش رفاهية