الموضوع: محتاج تقييم للشغل دة

المشاركة الأصلية كتبت بواسطة ibnelfared

الحمد لله عايز أظبط شوية حاجات فى الميكانيكا عندى وهاروح للميكانيكى السبت أن شاء الله والعربية محتاجة الأتى :
1- أويل سيل كرنك خلفى .
2 - مسمار الكاتينة .
3 - مسمارين كفة أمامى .
4- رفع الماتور عشان الفتيس بيخبط فى مشترك الشكمان .
5- تظبيط الفرامل والدبرياج .
هو عايزى أشتريلة تيل فراما وخراطيم ألى داخلة على الكاوتش عايز أعرف أحسن نوع أيه من التيل وسعرة والفردة الشمال فى العربية فيه ونة تقريبا بلى والغربية بتنزل زيت وبينقص فقالى هايعمل حاجة عند الطنبورة.
أنا كتبت كل ألى فى العربية ومحتاج تقيمكم لأنى حاسس أنى بيضحك عليا لأنى قبل كدة ركب بكتين وسير السرعه خد 40 جنية والكل قالى كتيير

1- تمنة 5 جنية ومصنعية 10 جنية
2- مش عارف اية مسمار الكتينة دا-ولكن لو سكس بلف 20 جنية ولو شداد حوالى 50 جنية-مصنعية 10 جنية
3- مش عارف اية مسمارين كف امامى دا-ولكن لو المسمار الطويل الى من الكفة لحد ما يدوس على ماستر الدبرياج -ومستر الفرامل -الواحد هيعمل من 5 الى 7 جنية مصنعية من 5 الى 10 جنية
4- يعنى ايةرفع المتور -ازاى -انا اعرف لو مشترك الشكمان مش مظبوط بيسخن علية بتاع الشكمان ويظبط عشان ما يحكش فى المناول او فى الموتور و دى ب 20 جنية -اما لو قاعدة المتور عايزة تتغير مش عارف تمنها كام -ولكن اشترى الاصلى عشان هى قطعة مهم وضررها وحش
5-تيل الفرامل ماشى مهم لو بيصفر معاك او فى مشكلة -اشترى النوع الى بتباع عند حمدى لادا
هو تركى من 40 الى 45جنية /ولكنة 10/10 ومش بيصفر
الخرطوم غيرة لو فى مشكلة يعنى ضيق او مخروم -انا جربت النوع الايطالى وطلع فستك وكان طقم
فى نوع مصرى كويس وانضف من الصينى بحوالى الواحد 10 جنية اشترى الاتنين وغيرهما مع بعض عشان مستوى ضخ زيت الفرامل ميكونش فى عجلة اكتر من التانية وتحدف
وبعد ما يغيرهم ياخد هوا لفرامل ادام عشان الفرامل تظبط معاك

ونة دى ممكن تكون بلية ودى النوع الرومانى منها بحوالى 35 جنية وكويس والايطالى كويس برضة -دى نقطة -اى بقى الزيت الى بينقص دا وزيت اية دا

ومن كتابت حضرتك مش عارف سير اية بتاع السرعة الى غيرة عشان اقول لحضرتم كتير والا تمام
ثم لو كان ارفك غيرة وهتعد شوية كدة لم تلقى ميكانيكى يرايحك
تصدق انا لى فى كل حتة ميكانيكى وكل واحد يشتغل فى حتة فى العربية معينة يعنى الى يلف يام يشوف
وربنا يعينك ويعنا

الفتيس حضرتك نازل على مشترك الشكمان فبعمل صوت .
أما تيل الفرامل مش بيصفر العربية بتربط فرامل بعد فترة والطقم ألى عند حمدى لادا بيبقى كام واحدة 4 ولا الأتنين ألى قدام بس معلش سامحنى على الأسئلة .
ممكن أعرف نوع أو أسم الخرطوم دة أيه ألى هاشترية .
طيب تركيب البلية دى بكام أخى العزيز .

مساء الخير ا/حمد لو حبيت تعمل مركز صيانه هكون اول واحد عندك
البلف بتاع الادا من سنتين 60جم وسامع اخر سعر له80جم وتركيبه 10جم
اويل سيل كرنك خلفى ماشى السعر لا كن لبزم ينزل الموتور
طقم الفرامل الى عند حمدى لادا ده تركى وممتاز فعلا وتمنه 40
بخصوص الفتيس ممكن يقصد قاعده الفتيس ودى تمنها 25
الفرده الشمال فيهاونه اكيد البليه والزيت الى نازل من خرطوم الباكم وحضرتك اشرت عليه باجابه كويسه وتغيير الخراطيم
لاكن سير السرعه ده هو عندنا فى الادا سير سرعه مخدنهاش فى المدرسه لسه
الشداد الكبير 25 الروسى والصغير12
اجمالى مصنعيه الشغل يتراوح مابين 150 الى 170 لان هينزل الموتور على شان اويل سيه الكرنك وكمان شغل التيل وخراطيم الزيت وفك غطاء التكيهات لتركيب الشداد اما البلف بيركب من الخارج
بس العربيه ماشيه الزاى كده ربنا معاك اهم حاجه انك تحافظ عليها ويكون الى هى عايزاه تعمله اول باول على شان متصرفش عليك كتير وربنا المستعان

أنا أسف يا جماعه ألى هايتغير أويل سيل الكارونة مش الكرنك معلش أسف جدا وأشتريتة أنهاردة ب 10 جنية

اويل سيل عمود الكردان

المشاركة الأصلية كتبت بواسطة mekawy2000

مساء الخير ا/حمد لو حبيت تعمل مركز صيانه هكون اول واحد عندك

تشرفنى

البلف بتاع الادا من سنتين 60جم وسامع اخر سعر له80جم وتركيبه 10جم

باشا انا مغيرتوش قبل كدة واعتمدت على كلام الصنايعية وشكر على الاضافة

اويل سيل كرنك خلفى ماشى السعر لا كن لبزم ينزل الموتور

انت صح وانا اختلط علية الامر فى اولسية الكرنك الامامى وعملت سيرش وكانت النتيجة
يوجد عدد 2 اويل سيل للكرنك واحد اماماى ودة تغييرة سهل جدا بيتفك وش الكاتينة وطنبروة الكرنك وبيتم تغييرة بمنتهى السهولة
اما اويل سيل الكرنك الخلفى بيكون فى الجانب الخلفى للمحرك وبعدة على طول بيكون راكب الحدافة او ترس الفولام ثم الاسطوانة ثم الدسك وبيركب فوق كول دول الفتيس
اذن عشان تغير اويل سيل الكرنك الخلفى لازم تسقط الفتيس وتفك الدسك والاسطوانة
ووظيفة اويل سيل الكرنك الخلفى والامامى هو احكام الزيت الموجود بالمحرك

منقول





لو تأملت فى الصوره التى أمامك

ستجد أن كل عمود كرنك لمحرك ما يتواجد له

1 - أويل سيل كرنك أمامى أى front crank shaft seal

2 - أويل سيل كرنك خلفى rear crank shaft seal


----------------------------------

ونظرا لأن عمود الكرنك يوضع داخل جوف المحرك

مغمورا فى الزيت

ف للحفاظ على الزيت ولمنع تسريبه إلى خارج المكنه

من حول عمود الكرنك

يتم وضع حوابس الزيت المسماه بأويل سيل عمود الكرنك

سواء أمامى أو خلفى

-------------------------------------

ويوجد الأويل سيل الخلفى من جهة الدبرياج والفتيس


منقول

اجمالى مصنعيه الشغل يتراوح مابين 150 الى 170 لان هينزل الموتور على شان اويل سيه الكرنك وكمان شغل التيل وخراطيم الزيت وفك غطاء التكيهات لتركيب الشداد اما البلف بيركب من الخارج

تمام 10/10

بس العربيه ماشيه الزاى كده ربنا معاك اهم حاجه انك تحافظ عليها ويكون الى هى عايزاه تعمله اول باول على شان متصرفش عليك كتير وربنا المستعان

شوية شوية علية والله المستعان -كمان هو ممكن يكون لس جديد والصنايعية بتقوم بالواجب

الساره لما يكون فيها حاجه غلط ومش قادر اوصل لها واعملها بتبقى ربكه دماغى الى ان تخلص على شان كده انا بقول ان السياره عامله زى العيل الصغير لما يتعب يقلقك معاه وان بقول لن كل الى فى العربيه يتعمل ويحافظ عليها على شان يلاقيها فى الوقت المناسب وده راىى وكل شيخ وله طريقه

ـــــــــــ
امال انا بقلك انا غيرت الشمبر على50000 على شان اريح الدماغ واشوف شغلى ولا ايه رايك وكمان للاستاذ احمد فكر فى مركز صيانه ولا مكتب استشارات وانت هتلقى الدويه عليك ايه

المشاركة الأصلية كتبت بواسطة mekawy2000

الساره لما يكون فيها حاجه غلط ومش قادر اوصل لها واعملها بتبقى ربكه دماغى الى ان تخلص على شان كده انا بقول ان السياره عامله زى العيل الصغير لما يتعب يقلقك معاه وان بقول لن كل الى فى العربيه يتعمل ويحافظ عليها على شان يلاقيها فى الوقت المناسب وده راىى وكل شيخ وله طريقه

ـــــــــــ
امال انا بقلك انا غيرت الشمبر على50000 على شان اريح الدماغ واشوف شغلى ولا ايه رايك وكمان للاستاذ احمد فكر فى مركز صيانه ولا مكتب استشارات وانت هتلقى الدويه عليك ايه

ربنا يبراك ليك فيها /وانت صح /يمكن انا مش فاضى دلوقتى عشان طقم شنبر
ولكن المسكن الوحيد مع الزيت المحترم الى انت قولت علية /علبة زيت سشمبر
وهى 1/2 كيلو تضاف مع الزيت (يعنى لو مش هيغير فلتر يعنى عايز 3.5زيت يبقى يحط 3كيلو زيت + علبة الشمبر )

ثم يا ريس نجى اية من غير حضرتك /وانا فى راى مركز الصيانة فكرة حلو مع التدعيم العلمى على حد تجرابنا /يعنى
اسال لادواى ولا تسالش طبيب ههههههههه