عملت ألف كيلو ولسة ما رخصتش يا بلد

**Walidghali** · 13-05-2008 02:19 PM

الأخوة الأفاضل والمتخصصين الكمل
أنا عملت بالعربية 950 كيلو متر لغاية انهاردة ولسة ما أخدتش اللوحات المعدنية ، سيادة مدير الوحدة كل ما أروح يقول لي مافيش لوحات يا حضرة فوت علينا بكرة والكلام ده من شهر ونص

الخلاصة دلوقتي اقدر اروح اعمل صيانة الألف كيلو وانا لسة ما استلمتش الضمان ولا ورق الصيانة من المعرض ولا ايه النظام؟؟ ولو ينفع اروح فين ؟؟

شكرا لكم جميعا والسلام عليكم
امضاء
سيارة بدون لوحات

**theking2690** · 13-05-2008 02:21 PM

عادى جدا يا استاذ وليد الموضوع ده ده انا شفت واحد فى توكيل هيونداى جاى يعمل صيانة ال5000 و هو لسه ما اخدش لوح wellcome in egypt

**dr_3eshoo** · 13-05-2008 02:43 PM

عاااااااااااااااااااااااا ااااااااديه خااااااااااااااااااااالص خليك كول يا مان

**Walidghali** · 13-05-2008 04:08 PM

ماشي يا رجالة بس ماحدش رد عليا هقدر اعمل الصيانة ولا لأ واعملها فين؟؟
متشكرين على المجهودات
ن

**Mosmafa** · 14-05-2008 12:46 PM

ب 300 جنيه لموظف الشباك و انجز

**wisambasha** · 14-05-2008 07:55 PM

المشاركة الأصلية كتبت بواسطة Walidghali

ماشي يا رجالة بس ماحدش رد عليا هقدر اعمل الصيانة ولا لأ واعملها فين؟؟
متشكرين على المجهودات
ن

وليد يا غالي
متهيألي اكيد مش انت لوحدك اللي في الليلة دي
روح التوكيل وقايس واعمل عبده العبيط

حد قالك تركب عربية زيرو في البلد دي

**Walidghali** · 15-05-2008 09:54 AM

أنا رخصت امبارح والحمد لله يا رجالة دعواتكم جابت نتيجة ... بس كانت تجربة مريرة لكن أحسن حاجة حصلت فيها انها عدت من غير رشوة

الحمد لله باقي بقى الصيانة منتظر توصياتكم لأقرب مكان كويس أعمل فيه صيانة الألف كيلو

**Shiref_mohamed** · 15-05-2008 10:00 AM

انا كنت زى حالىتك كده من شهرين والحمد لله برضه رخصت بس موضوع نقص اللوحات ده في مصر كلها عشان خلاص هيغيروا اللوحات وهينزلو اللوحات الجديدة بس لما حصل مهايا كده وفضلت ماشي بالعربية ورق بس دخلت لرئيس الوحده فقالى احمد ربنا ان عربيتك عليها نمر ده في ناس ماشيه من غير نمر خالص بعربيات زيرو (انا كنت بنقل ملكيه من الجيزة للقاهرة) فقلتله واحنا مالنا انا المفروض ناخد نمر فقالى انهم بياخدو دلوقتى اسماء الناس في كشف وبنشوف عددهم كام ونبعت للمصنع يعمل على القد بس وفعلا بعدها بيومين رحت لاقيت النمر جت ورخصت

**Walidghali** · 15-05-2008 10:44 AM

كويس يا سيدي انهم عملوا نمر في المصنع انا مش عاوز اطول عليكم واقول لكم تجربة النمر بتاعة امبارح انا عملتها على ايدي "جبت صاج ورحت لخطاط ورجعت دمغتها في المرور وبعدين بدأت أرخص يعني لفة طويلة جدا جدا من 10 صباحا حتى 7.30 مساء

**wisambasha** · 15-05-2008 12:09 PM

طب يا عم الحمد لله انك خلصت والف مبروك يا غالي

يا تري ايه تقييمك للانوس حتي الان؟ يا ريت تقولنا عليه!!

الموضوع: عملت ألف كيلو ولسة ما رخصتش يا بلد

LinkBack

أدوات الموضوع

عرض

-

-

-

المواضيع المتشابهه

عملت 1000 كيلو

عملت كام كيلو بالسيراتو لغاية النهارده؟؟

الماروتى عملت 23000 كيلو

عملت صيانة ال 1000 كيلو

عملت كل اللي يتعمل ولسة الريحة موجودة؟

الكلمات الدلالية لهذا الموضوع

المفضلات

المفضلات

ضوابط المشاركة