افيدونى: السقف نشع مياه

**IronHead** · 13-09-2011 11:44 PM

انهردة كنت بغسل العربية عند واحد وكان فيه بقعة فى الكاوتش بتاع فتحة السقف, فا قولت للراجل يطلعها, فا الراجل اتوصى اوى بمسدس المياه والنتيجة ان مع ضغط المياة الشديد المياه دخلت مفين الكاوتشة والصاج, لقيت المياة نشعت على السقف من جوه.
مش عارف اعمل ايه وخايف السقف يهبط

**M.Al-Hefnawy** · 13-09-2011 11:56 PM

ان شاء الله ما فيش مشكلة بس ممكن تروح لحد من بتوع الكار كير ينشفها بهوا أو بخار ساخن.

**basemsaeed** · 14-09-2011 12:20 AM

السلام عليكم

حصل خير
ممكن فعلا زي ما العضو المحترم egy77 قال تعمله حضرتك
او تروح عند حد يفكلك السقف و يسيبه ينشف و بعدين يركبه تاني,,بس ده محتاج حد كويس و محترف عشان يركبلك السقف زي الاول
و ان شاء الله خير

**IronHead** · 14-09-2011 11:14 AM

شكرا جزيلا يارجالة على الافادة, انا نزلت الصبح لقيت الحمد لله السقف نشف عشان كنت سبت العربية مركونة فى حته منقوعه فى الشمس, بس اللى خت بالى منه ان الشحم اللى فى مجرى فتحة السقف راح مع المياه
حد عندو فكرة ينفع استعمل اى نوع شحم ولا فى نوع معين

**prisoner** · 14-09-2011 11:22 AM

انا بقى ظهرت معايا مشكلة غربية وهى ان الواد ابن البواب كان بيغسل العربية من جوة بالصابون والمياه طبعا حصل وحذرته علشان الزراير والكنترول بتاع الكهرباء اللى فى الباب وطبعا مشيت عادى ومجربتش لانى كنت مشغل التكييف بس وانا ماشى اسمع صوت تكتكة جوة العربية ومش عارف جاية منين طنشت وقولت حاجة فى الشنطة وركنت العربية وجاى اطلع انهاردة الصبح الريموت مرضيش يفتح العربية قولت عادى افتح بالمفتاح اكيد الحجارة خلصت جيت ادور ملقيتش غير نور ضعيف جدا جدا يكاد لا يرى اصلا حاولت اشوف فيه ايه لقيت البطارية نايمة خالص ولقيت صوت تكتكة جاى من الباب الكنترول بتاع السواق طبعا كنت على الصبح مقفل على الاخر قفلتها ورحت الشغل بتاكسى وربنا يستر من اللى مخبياه

**mohammedabdallh** · 14-09-2011 12:01 PM

العربيه لما يدخلها ميه فى السقف وقفها فى الشمس ساعة الظهر سعتين اتنين وهتلاقى كل حاجه رجعت لاصلها
مصطفى باشا
كام مرة قولتلك اغسل العربيه على ايديك مفيش فيده فيك