الموضوع: العربية بتقطع وتنتش.... ايه السبب؟

يا جماعة انا عندى العربية بومة 1600 بتقطع وتنتش وسحبها قل اوى وبقت اغلب الوقت مخنوقة
المهم قلت يمكن فلتر البنزين
كنت فاكك فلتر اصلى عندى ركبته بدل اللى كنت شاريه من سنه تقريبا و التنتيش والتقطيع زاد
قررت اعمل تغيير لكل حاجة يمكن تفوق
جبت فلتر بنزين جديد
وفلتر هواء جديد
وطقم بوجيهات ان جى كى يابانى
وغيرت زيت وفلتر زيت

ولكن بردو بعد ما امشى بالعربية شوية ربع ساعه ولا حاجة ترجع تنتش وتقطع خصوصا مع التكييف
مش عارف اعمل ايه تانى
جبت منظف لدورة الوقود من محطة البنزين موبيل وحطيته وبردو معملش حاجة
الملحوظة الوحيدة ان الميكانيكى وهو بيركب فلتر البنزين لقى فى رواسب جامده فى التنك
ونظف التنك قبل ما نركب الفلتر الجديد
بس بردو العيب موجود
والمفروض بعد ما غيرت كل حاجة العربية تفوق وتسحب جامد ومتقطعش
ايه الحل يا خبراء البومة

طيب اتأكد ازاى قبل ما اتورط واشترى حاجة وتطلع سليمة