الموضوع: كـــلام لانــســـراويـــة فــقــط

المشاركة الأصلية كتبت بواسطة haitham10

السلام عليكم ورحمة الله بركاته

انا حابب افضفض معاكم في شوية حاجات محيراني

انا ركبت لانسر كتير جدا يمكن مبركبش غيرها حتي لو ايجار (اضمن) من حاجات تانية مببقاش راضي عنها

وامتلكت بومة كسر زيرو وكريستاله ومكواة

كل دة كويس بس البومة اللي كانت معايا مركبتش زيها ابدا ولا حتي صحابي الي ركبوها عارفين ينسوها للنهارده هي كانت سوبر اكشن 2008 وعملة 20 الف كيلو تقريبا

لغاية النهارده محتار كل مااركب لانسر مش زيها لا في السحب ولا في العفشه ولا الثبات ولا الفرامل

واقصد هنا الفرامل يعني كنت ببقي 170 وادوس بلاقي العداد نزل بسرعه جنونية وتكلبش في الارض من غير لا زحف ولا اي مشكلة
ولو جاي شايط بالعربيه ولاقيت اشاره واقفة بختار الحارة الي انا عايزها بسلاسه كل دة وانا بهدي ورجلي علي الفرامل تدريجيا لغاية مااقف في المكان
الموضوع دة ملقتوش ابدا تاني فغيرها سواء فيهم abs او لاء

الثبات .. العربيه دي علمتني كتير في السواقة والله لان ثباتها كان غريب مش بيديلك ايحاء بالخوف او عدم السيطرة ابدا ولا تنطيط حتي

السحب برضه ds كان جنون والي كان بيركب جنبي كنت بحب اضحك عليه لما راسه بتخبط في الكرسي من السحب ويفضل يزعقلي .....

كل دة مكنش تهيؤات بس تعبت من غيره مهما اشوف واركب وبتبقي عربيات زيرو الاقيها بتنعر ومفيش سحب ولا خطفه للواحد سواء بئه علي d or ds
والفرامل انسي المعامله الي قلتها فوق اخرك 80 100 بعد كدة متفكرش تكبس
وملفاتها قاسية ومقلقة بعد 120 والباور خفيف جدا
من بعد العربيه دي بعيش جو رعب في اي لانسر بركبها بعد ال120

انا مش من هواة السرعه وتبع الناس الي بتحط عقلها علي كرسي السواق قبل مااركب
بس اوقات الواحد بيسافر والطريق فاضي ويساعد للجري او مستعجل

هفضل ماشي 80 100 طول عمري

وهل دي هواجس ولا حد تاني بيشاركني فيها

وعشان محدش يقولي انت بتحكي علي 128 انا كل كلامي من لانسراوي للانسراوية يعني بدقق في الاداء للافضل مش اكتر

انا حتي بفكر بقالي سنة اغير اللانسر بشكل عام كمجرد تغيير ومش عارف اركب ايه هو اكيد الماني غالبا بس اعتمادية اللانسر ملهاش حل بقالي 4 سنين بركبها بمختلف موديلاتها مشفتش منها حاجة وحشه او عطل غير مفهوم او مفاجئ ابدا الحمدلله وحمالة آسية ويمكن من اغرب عربيات شفتها فمصر بعيدا عن الكريستاله .. بتجمع بين انها عالية وثابته فنفس الوقت


ياريت اسمع ارائكم وهل حد بيلاحظ حاجات زي كدة لاني متاكد ان الفرق مش انها كانت عربيه زيرو بس ومش مقتنع بكدة بس معرفش السبب

انت كدة يا باشا معتش باقيلك غير الشارك جربها وانت تنسي البومة خالص بس تجرب شارك فايقة وموتورها متفتح وانت تشوف الاداء عامل ازاي

انا ركبتها 1300 مايفيك بجد طيارة و1600 مايفيك مقولكوش العربية بتجري ازاي انا جبت في 1300
سرعة 190 في 51 ثانية بس خفت اجري ب 1600

المشاركة الأصلية كتبت بواسطة haitham10

انا من قبل مااجرب الشارك حاببها جدا ومتاكد انها تكنولوجيا حديثه من ميتسوبيشي وهيبقي في فرق مش بسهولة الواحد يحكم عليه لكن انا بثق في ميتسوبيشي عموما
وبحب شكلها اكتر من كل الموديلات التانية ومبحبش شكل البومة حتي بعد ما اشتريتها يمكن حاليا المكواة شكلها ارحم ودي طبعا اذواق

انما الشارك ليها شكل فخم وجذاب بجد مع انه فات عليه 3 سنين وداخلين في ال4 لكنه لسه عصري وبينافس في رأيي وتقريبا دة الي حصل مع البومة ومازالت ناس بتفضل شرائها حتي الأن بالشكل الي من 2004
وان شاء الله اكيد لو ليا نصيب هشتري الشارك برضه بس مش زيرو عشان اكتر من 130 في السبورت هنا مستغليه بجد


وعلي فكره .... صعب حد يحس بقيمة اللانسر الا لما يكون امتلكها وعاش معاها فترة علي شرط تكون حالة نضيفه ويكون جرب قبلها حاجات تانية .... ودة هيبقي برضه كلامنا الجاي ايه الحاجات الي انت نسيتها من ساعة ما ركبت لانسر .....زي فتح الكبوت يوميا او حتي اسبوعيا..تغيير كبالن عمال علي بطال مصاريف عالفاضي والمليان

كلامك صح مية في المية و فعلا محدش هيحس بقيمة اللانسر الا اللي امتلكها وعايز اقولك اني اخترت الشارك من وسط
فولكس جيتا و سكودا اوكتافيا و اوبل فكترا وتيوتا كورولا و هوندا سيفيك و مازدا3 و النترا
وبجد بعد المقارنة بين الشارك وكل العربيات اللي قولتها دي سنة 2008 اخترت الشارك و عن اقتناع والحمد لله كل يوم بيزيد حبي واقتناعي بالعربية دي بجد اللي بيركب الشارك بالذات بيحبها لدرجة مش عادية بتحس كدة انك ملك الطريق ومسيطر عليه