كـــلام لانــســـراويـــة فــقــط

**Haitham10** · 14-09-2011 08:30 PM

السلام عليكم ورحمة الله بركاته

انا حابب افضفض معاكم في شوية حاجات محيراني

انا ركبت لانسر كتير جدا يمكن مبركبش غيرها حتي لو ايجار (اضمن) من حاجات تانية مببقاش راضي عنها

وامتلكت بومة كسر زيرو وكريستاله ومكواة

كل دة كويس بس البومة اللي كانت معايا مركبتش زيها ابدا ولا حتي صحابي الي ركبوها عارفين ينسوها للنهارده هي كانت سوبر اكشن 2008 وعملة 20 الف كيلو تقريبا

لغاية النهارده محتار كل مااركب لانسر مش زيها لا في السحب ولا في العفشه ولا الثبات ولا الفرامل

واقصد هنا الفرامل يعني كنت ببقي 170 وادوس بلاقي العداد نزل بسرعه جنونية وتكلبش في الارض من غير لا زحف ولا اي مشكلة
ولو جاي شايط بالعربيه ولاقيت اشاره واقفة بختار الحارة الي انا عايزها بسلاسه كل دة وانا بهدي ورجلي علي الفرامل تدريجيا لغاية مااقف في المكان
الموضوع دة ملقتوش ابدا تاني فغيرها سواء فيهم abs او لاء

الثبات .. العربيه دي علمتني كتير في السواقة والله لان ثباتها كان غريب مش بيديلك ايحاء بالخوف او عدم السيطرة ابدا ولا تنطيط حتي

السحب برضه DS كان جنون والي كان بيركب جنبي كنت بحب اضحك عليه لما راسه بتخبط في الكرسي من السحب ويفضل يزعقلي .....

كل دة مكنش تهيؤات بس تعبت من غيره مهما اشوف واركب وبتبقي عربيات زيرو الاقيها بتنعر ومفيش سحب ولا خطفه للواحد سواء بئه علي D or ds
والفرامل انسي المعامله الي قلتها فوق اخرك 80 100 بعد كدة متفكرش تكبس
وملفاتها قاسية ومقلقة بعد 120 والباور خفيف جدا
من بعد العربيه دي بعيش جو رعب في اي لانسر بركبها بعد ال120

انا مش من هواة السرعه وتبع الناس الي بتحط عقلها علي كرسي السواق قبل مااركب
بس اوقات الواحد بيسافر والطريق فاضي ويساعد للجري او مستعجل

هفضل ماشي 80 100 طول عمري

وهل دي هواجس ولا حد تاني بيشاركني فيها

وعشان محدش يقولي انت بتحكي علي 128 انا كل كلامي من لانسراوي للانسراوية يعني بدقق في الاداء للافضل مش اكتر

انا حتي بفكر بقالي سنة اغير اللانسر بشكل عام كمجرد تغيير ومش عارف اركب ايه هو اكيد الماني غالبا بس اعتمادية اللانسر ملهاش حل بقالي 4 سنين بركبها بمختلف موديلاتها مشفتش منها حاجة وحشه او عطل غير مفهوم او مفاجئ ابدا الحمدلله وحمالة آسية ويمكن من اغرب عربيات شفتها فمصر بعيدا عن الكريستاله .. بتجمع بين انها عالية وثابته فنفس الوقت

ياريت اسمع ارائكم وهل حد بيلاحظ حاجات زي كدة لاني متاكد ان الفرق مش انها كانت عربيه زيرو بس ومش مقتنع بكدة بس معرفش السبب

**devilishtigers** · 14-09-2011 10:11 PM

مش عارف والله اقولك ايه
ساعات بحس ان الواحد بيبقى بينه وبين العربية اللي متعود عليها زي كيميا بينهم وبين بعض.
وبردوا العربية ساعات بحس انها بمزاج
ساعات احس انها مش عايزة تجري وتقولي خليك هادي
وساعات احس انها طيارة ونفسها تجري مع طوب الارض
الحاجة الوحيدة اللي مش بتعجبني اوي في اللانسر البومة هي الفرامل بتاعتها مش اكتر. غير كدا العربية ما شاء الله عليها في كل حاجة.
وربنا يستر طريقك وطريقنا جميعا.

**HeRo_LaNCeR** · 14-09-2011 11:53 PM

دايما بيكون في حالة كده متربطه بينك وبين العربية اجمل حاجه في البومه عجبني انها مكسفتنيش في اي مكان دايما معايه في كل حاجه واقفه معايه جامد اوي والحقيقة انا شايفها منافس قوي امام الفئات اللي زيها او المتقرب ليها

**eldell** · 15-09-2011 01:22 AM

المشاركة الأصلية كتبت بواسطة hero_lancer

دايما بيكون في حالة كده متربطه بينك وبين العربية اجمل حاجه في البومه عجبني انها مكسفتنيش في اي مكان دايما معايه في كل حاجه واقفه معايه جامد اوي والحقيقة انا شايفها منافس قوي امام الفئات اللي زيها او المتقرب ليها

+1111111111111111

العربيه ديه بجد ابصم بصوابعى العشره عليها فى ناس مش بتحب شكلها بس انا بحب الشكل ده عن الشارك واكتر حاجه خلتنى اعرف قيمتها لما سوقت نيو النترا هههههه والله كنت هتقلب بيها بس فعلا الفرامل ضعيفه شويه

**nonnos5** · 15-09-2011 10:58 AM

بس ياباشا انا تقريبا حصل معايا كل اللى انت قولته بالملى وانا معايا لانسر 2007 رياضية من الزيرو ومعايا كريستاله 99 glx وكنت شاريها بحالة الزيرو ومازالت الحمد لله انا طبعا من يوم ما جبت البومة زيرو كنت مبهور بيها بس جايز وقتها كانت جامدة جدا بالنسبة لمنافسيها وقتها وكنت لما اقابل حد من اصحابى اللى ركبوا البومة اللى يقولى دى فراملها وحشة جدا واللى يقولى عفشتها وحشة وانا هبقى هتجنن ازاى الكلام ده وكل اللى يركب معايا من اصحابى ما بيصدقوش السحب لما تنقل بds على انها لانسر ومش بيصدقوا قوة الفرامل خاصة انى كنت بخليهم يسوقوا ويتاكدا من نفسهم بس موضوع ان ناس لسه بتقابلنى تقول بس خلى بالك فراملها مش اد كده ده كان بيجننى لحد ما قابلت تاجر جمبى هوه كل اسبوع بالكتير بيجيب عربية لانسر يااما رياضية يااما سوبر اكشن ولازم تكون بحالة الزيرو يعنى لو فيها خربوش ما يشتريهاش بتكلم معاها فى الانسر قالى حاجة غريبة الى انا بجيب العربيات عامله 5000 كيلو وساعات اقل وساعات اكتر ونفس المواصفات بس كلهم مش زى بعض لا فى العفشة ولا فى السحب ولا فى الفرامل ومن يوميها اتاكد ان الانسر الرياضية او السوبر اكشن توكيل المصرية موديل 2007 و 2008 وممكن 2009 كمان بس مش اكيد 2009 زيهم افضل العربيات فى السحب والاداء والفرامل انا عامل حاليا بالعربية 96 الف كيلو ولسه ما غيرتش مسمار فى العفشة ومفيش اى مشكلة اكنى لسه شاريها زيرو والحمد لله
واسف للاطالة بس دى تجربتى حبيت انقلها لانى كنت هتجنن زيك

**prisoner** · 15-09-2011 11:17 AM

المشاركة الأصلية كتبت بواسطة eldell

+1111111111111111

العربيه ديه بجد ابصم بصوابعى العشره عليها فى ناس مش بتحب شكلها بس انا بحب الشكل ده عن الشارك واكتر حاجه خلتنى اعرف قيمتها لما سوقت نيو النترا هههههه والله كنت هتقلب بيها بس فعلا الفرامل ضعيفه شويه

+1111111111111111 انا زيك مش بقبل الشارك خالص راى الشخصى والبومة احسن منها وعشقى الوحيد الكريستالة ومازلت احب البطة جدا ولكن افضلهم الكريستالة بالنسبة لى ثبات ولما عدلت الفرامل الحمد لله زى الفل كنت ماشى على الصحراوى 180 وبنتقل من حارة لحارة ولما كنت بفوجئ بواحد بيقف قدامى كنت بهدى من 180 - 100 -120 بسهولة ومفيش قلق الحمد لله

**prisoner** · 15-09-2011 11:28 AM

اما بقى بالنسبة للبومة فانا بحس انى راكب عربية 5 نجوم مريحة جدا وناعمة جربتها كتر ساعات لما باخد مطب احس ان هية بترزع وسعات الاقيها ناعمة جدا وفراملها مش وحشة قوى فى العدى انما فى السفر مجربتهاش كتيير سافرت بيها مرة واحدة وعلشان كانت عربيت صاحبى وكنت مسافرالمنيا كنت ماشر مرعوب خايف عليها معدتش ال100 بصراحة عربية حلوة ومحترمةو ياجماعة كفاية قوى انها يابانية دى لوحدها تطمن

**Haitham10** · 15-09-2011 03:26 PM

ارائكم حلوة بس معرفش انتو بتقولوا فراملها ضعيفه ازاي يمكن مبتمسكش جامد وتكحت وتزحف اه ودى ميزة يعني لو نفس ضربة الفرملة في عربيات تانية هتلاقي نفسك بتسابق الي جنبك وانتا زااااحف
يمكن عشان العربيه جرايه بتخلي الواحد محتاج فرامل اكتر ويمكن مركبتش حاجات عالية اوي عنها عشان احكم بس كله بسعره

وعموما موضوع الفرامل سمعت انك ممكن تركب طقم brembo فحدود 8الالاف وبيوصل ل12 الف .. طبعا ملعون ابو الفرملة هههههههه

**prisoner** · 15-09-2011 03:50 PM

ههههههههههههههههههههه فعلا انشا الله محد فرمل وعايز اقولك معلومة مهمة جدا ان الحاجات دى غالية فى مصر بس مش عارف ايه الموضوع هل برضوا موضوع الجمارك والا ايه وعلى فكرة من العوامل الرئيسية فى الفرامل الكاوتش ومدى صلاحيته وعرضه وكده ولا اعتقد ان البومة او ماشابه تحتاج لفرامل عالية فى البلد بتاعتنا دى .

**Haitham10** · 15-09-2011 04:06 PM

طب في حاجتين بيضايقوني في كل اللانسر بموديلاتها

عفشتها والكراسي .. مش مريحين بالمرة وناشفين .. ممكن حد يقولي نغير الكراسي بريكارو ... بعد الحل المكلف دة وبرضه الريكارو انشف
العفشه نحطلها ملبن ولا نعمل ايه هههههههه
الواحد بقي بيتوحم علي اسفلت في البلد دي