سؤال عن الشبكة ؟

**ehab** · 15-09-2011 11:25 AM

السلام عليكم

دلوقتي في الخطوبة معظم الاهل بيطلبوا الشبكة تكون في الخطوبة
لو مثلا هاجيب شبكة برقم معين عل دا بيتضمن الدبل و لا بيكون اضافي عليهم

حالة تانية
علي اساس مثلا اني لو عايز اجيب دبل و محبس و الاول و بعد سنة اجيب شبكة و انا بردة ساعتها الدبل و المحبس هتكون خارج و لا داخل سعر الشبكة الي انا محدده ؟

**Miss_Pharma** · 15-09-2011 11:38 AM

عادي بالاتفاق اصل الدبلة هتكون في حدود 1000 - 1500 بالكتير لو دهب مش سوليتير او ممكن تعدي شوية لو حاجة ماركة بلغاري او الخ ..
بس غالبا بيكونوا خارج سعر الشبكة ..

**ehab** · 15-09-2011 11:49 AM

المشاركة الأصلية كتبت بواسطة miss_pharma

عادي بالاتفاق اصل الدبلة هتكون في حدود 1000 - 1500 بالكتير لو دهب مش سوليتير او ممكن تعدي شوية لو حاجة ماركة بلغاري او الخ ..
بس غالبا بيكونوا خارج سعر الشبكة ..

اولا احب اشكر حضرتك لردك
الفكرة انا كنت بفكر اجيب دلوقتي دبلة و محبس و خاتم مثلا الحاجات ديه مش هتقل عن 6 الاف و بعد كدا اجسيب شبكة مع الفرح
بس هما عايزين شبكة مع الخطوبة فبفكر اجيب مثلا كله دلوقتي في حدود كويسة بنفس الرقم الي كنت ممكن اجيب بيه بعدين و كان ال هجيبه دلوقتي ب ال6 دول غير الي هجيبه بعد كدا بس عشان هما عايزين دلوقتي بفكر اخلص الموضوع بالمبلغ ال كنت راصده للشبكة

**virus2007** · 15-09-2011 12:13 PM

الدبلة والمحبس والكلام دا داخل سعر الشبكة وليست خارجة

حضرتك تقدر تعمل اى حاجة طالما فى اتفاق بنكم

**احمد المصرى** · 15-09-2011 12:32 PM

انت بتجيب دهب على بعضه ودا هو دا سعر الشبكه دبله محبس خاتم كل دا من ثمن الشبكه على بعضه يا باشا

وخلى بالك الجرام حاليا تقريبا اصبح اكتر من 300 جنيه يعنى علشان تجيب دبله ومحبس وخاتم و3 غوايش مثلا يبق حوالى 65 جرام يبق 65 × 320 بالمصنعيه مثلا

20800 يعنى مبلغ مش قليل اطلاقا على فكره كل الارقام دى تقريبيه

**أحمد كمال** · 15-09-2011 12:37 PM

جوة الشبكة

برة الشبكة

تعددت المسميات و اللبس واحد

**Ayman-Ahmed** · 15-09-2011 01:23 PM

من جوا الشبكة وده حاليا وبيرجع ليك فى الاول والاخر بمعنى انك لو شايف تمن الدبل مش كتير عليك + تمن الشبكة والعروسة عاجباك ومتمسك بيها وباهلها ومطمن وزى ما فى ناس بتقول شارى يبقى قولهم الدبل هدية للغالية والشبكة حاجة تانية مع العلم ان سعر الدهب مش رخيص حاليا تماما.

ونصيحة من متزوج خليك دايما صريح يعنى معايا 10 يبقى معاك 10 ومتقولش ممكن ازودهم.لانك لسة هتجهز وتوضب.وان كان معاك زيادة خليها لاى ظروف : اسبوع عسل فى مكان حلو (قابل للزيادة)-حاجة عجبتك للبيت وعاوز تشتريها مش متفقين عليها(غسالة اطباق-مكنسة كهربا-تيلفزيون lcd-الخ)

زى ما فيه عضو فاضل حسبلك تقريبيا هتخش فى 15000-20000 مرتاح وده مش قليل.وطالما انت مش عارف هما هيقولوا ايه او لسة متفقتوش يبقى احسب فلوسك وامكانياتك ووضح ان ال10 مثلا شاملين الدهب كله.

اهم حاجة الشبكة مش هتتلبس كتير ولكنها فلوس متشالة ولو انت او العروسة من اللى بتحبوا تشيلوا فلوس =دهب يبقى احسب ميزانيتك كويس.

ربنا يوفقك ويتم على خير بامره ومتنسناش فى الجاتوه او سبوع النونة.

**AutoTycoon** · 15-09-2011 04:44 PM

المشاركة الأصلية كتبت بواسطة أحمد كمال

جوة الشبكة

برة الشبكة

تعددت المسميات و اللبس واحد

ههههههههههه

-

الموضوع: سؤال عن الشبكة ؟

LinkBack

أدوات الموضوع

عرض

-

-

-

-

المواضيع المتشابهه

تحكم في الشبكة

الشبكة

تعديل الشبكة الامامية

جريدة السقف بدل الشبكة

تغيير لون الشبكة

الكلمات الدلالية لهذا الموضوع

المفضلات

المفضلات

ضوابط المشاركة