الموضوع: مبروك ال rankings الجديده للاعضاء

المشاركة الأصلية كتبت بواسطة Nader

التصنيف يا جماعة مش على حسب الاقدمية، لا على

حسب نشاط العضو وتفاعلة في المنتدى.


في اعضاء قديمة جداً ومشاركاتها معدودة ... واعضاء

جداد ولكن لهم نشاط ومتفاعلون مع المنتدى فلذلك

تصنيفهم اعلى من القدماء الغير متفاعلون.


اما بالنسبة للاخ العزيز اللي بيتكلم على اللون الاحمر فدى

قاعدة موجودة ضمن قواعد المنتدى،، ولو لقيتها غير مفعلة

فمن واجبنا اننا نعمل تقرير مشاركة المثلث دة "" ناحية

اليسار باعلى اي مشاركة ونبلغ عن اي مخالفة احنا شايفينها.


احنا بسم الله ما شاء الله هندخل على 11,000 قريب فالله

يكون في عون المشرفين اللي طالع عينهم معانا في المنتدى

واعتقد عيب نقول عليهم انهم رخمين ولا فرحانين باقلم الاحمر

وبيشخبطوا بة ... عيب هما مش اطفال ولا عيال صغيرة وبتلعب،

دي ناس بتستقطع من وقتها لخدمة الاخرين ولا يبتغى الا وجة الله، و

حتى اسمائهم مش معروفة لحد.

اولا انا مغلطش ف حد بعينة لان الادارة مش معروفة بالنسبالى ( اسمى عامة يعنى)

انت لو ركزت فى كلامى كنت هتعرف انو اقتراح بخصوص اللون الاحمر مش تريقه لانى مخصتش حد

و انا مغلطش و قلت عيال او اطفال كل اللى قلتة ان فى حاجات متيرة انا شايفها عادية لكن الادارة شيفاها خارجة و من كتر م هى عادية حاسس انو فرحان بالقلم ..... بس كدة هو دة قصدى

المشاركة الأصلية كتبت بواسطة memo_hefnawy

إستجابة للإقتراح المنطقى تم تغير اللقب من عضو جديد إلى عضو خــــامل

-------------------

بالنسبة للعضو المحترم solycar ياريت تراجع قواعد المنتدى مرة أخرى لأنك بكلامك ده بتكسر القواعد مرة تانية و هاتشوف الشخبطة بالأحمر إللى إنت معترض عليها

أنا لا دخل لى فى المهام الإشرافيه لكن أنا بوضح ليك كلامك ده مكانه مش هنا - مكانه فى قسم الشكاوى

عندك حق
مكانة مش هنا بس انا قلت فرصة عشان الكلام يبقى بمشاركة الناس
عشان ممنوع غير العضو صاحب الموضوع غلط

المشاركة الأصلية كتبت بواسطة karim_monir

تصدق يا solycar انا مش مستوعب كلامك ده
انت ببساطة جدا بتوصف مجهود ما يقرب من 20 مشرف بانة واحد ماسك ورقة وبيشخبط بالاحمر
واللون الاحمر ده بينزل ديفولت في السوفت وير بتاع المنتدي ولو انت عايز توضح حاجة ممكن تحطها بلون تاني وخلاص مش لازم احمر
وكون انك تشوف مشاركات بالاحمر وماتبلغش عنها ده تقصير منك في حق المنتدي اللي انت قاعد فيه وبتستفاد منه
زمان علمونا في المراسلات واسلوب الحوار انك لما تتخن الخط كانك بتكلم اللي قدامك بلهجة جامدة شوية ولما تكبرة تبقي بتزعق في وشة
ولما تكتب باللون الاحمر تبقي بتشتم مباشرة وتدخل في حيز الاهانة
معلش اصلي اكاديمي شوية ومتعلم على ايدين ناس من بتوع زمان اللي ما بيتعوضوش

اولا انا مكنتش اعرف ازاى ابلغ غير لما الاستاذ نادر قال فى مشاركة سابقة عن طريق "
ثانيا انا اول مرة اعرف الحاجات دى كلها
يلا
منك نستفيد
و حضرتك و الستاذ نادر كمان فهمتونى غلط خالص

حسستونى انى بطالب بتغير الادارة مثلا

انا كل قصدى ان فى مشاركات الادارة بتشيلها من غير سبب منطقى لذلك(مش عندى عند كل الناس)
و كنت فاكر ان زى الادارة مديا نفسها الحق انها تشيل مشاركات و تبدى وجهة نظرها
تستقبل النقد و الشكوى ب صدر رحب

عموما انا بعتذر لكل شخص من الادارة حس انى جرحتة او اهنتة