الموضوع: انقذوني يا جدعان انا واقع في ورطه

صح اركن دلوقتى لخاية ما تهدى شوية وتشوف هتعمل اية اانا حصل معايا الموضوع دة كان معايا عربية الصراحة مش زاى عربية يعنى عربية على ادها كانت مازدا 323 لكن كانت بنسبة لى حاجة كبيرة عشان كان عندى 20 سنة وننا الى كونت شاريها المهم المتور طلع بيخبط بعد ما اشترتها بكام يوم يعنى اضحك عليا لما عرفت كدة اتنرفزت تمام وقررت انى ابيع لكن بعد فترة ندمت انى بعت وبعدين ياعم ربنا يعوض عليك وان شاء الله تركب الى احسن منها ومدام اخوك بخير خلاص تعمل اية لو كان اخوك اتعور مش كدة احسن قول الحمد لله

ياةة يا رامى ..والله قلبى معاك
قدر الله وما شاء فعل
ولا يهمك الحمد الله انك انت و اخوك بخير ...دة بالدنيا

بص يا رامى العربية تعتبر لسة ماتلمستش قبل الحادثة دى ..
عشان كدة انا رايى ماتصلحش اى حاجة فيها ..كدة انت بتوة العربية .. وبتخلى الشارى يفتكر انها عملت كذا حادثة او مخبوطة كذا مرة
انما بحالتها دى ... انت بتبين انك بتبيع لحالة نفسية وصلتلها من العربية بس
وكمان بعد التصليح مش هايفرق معاك كتير و ممكن يخسرك فلوس من التصليح و مجهود على الفاضى

انا شخصياً بحترم جداً اللى بيبيع بعد حادثة لعربية جديدة من غير مايعمل هو الشغل عشان يسيبنى اعمل انا الشغل براحتى و بالطريقة اللى انا عايزها ... ودة اسلوب كل اللى بيفهموا فى البيع والشراء


ربنا معاك و يعوضك بأحسن خير قريب إن شاء الله

هون على نفسك يا استاذ رامى ...........قدر الله و ما شاء فعل .
اركن العربيه دلوقتى و ماتبيعهاش خساره .... لغاية ماتعرف تكاليف التصليح قد ايه .... يعنى شوف الاجزاء المتضرره الى محتاجه تتغير .. واسأل عليها فى التوكيل بكام , بره جديده بكام , استيراد بكام .
بس ماتجيبش اى قطعة غيار ميكانيكيه استيراد نهائى . العربيه لسة جديده حرام تحط حاجه نص عمر .
سؤال بس هو الشاسيه والموتور سليم ؟
لو الاتنين سُلام يبقى الموضوع سهل ان شاء الله والعربيه حترجع زى الاول واحسن .
*حاول تصور العربيه .... علاشان نعرف حجم الضرر قد ايه .... يمكن حد من الاغضاء يقدر يساعدك او يفيدك بمعلومه .

*اهم حاجه بس ماتتسرعش فى اى قرار وخصوصا موضوع البيع ده .

وخير ان شاء الله وماتقلقش كلو بيتصلح

الحمد لله الموتور سليم
الحوض فيه حته عايزه تترد انما الشاسيه سليم والتاكد لما ابدا فيها شغل ربنا يستر
وهنزل الصور كمان شويه