الموضوع: كشاف فوج لايت وزينزن للجميلة بى واى دى

المشاركة الأصلية كتبت بواسطة sv065

مبروك عليك د/ شريف وعقبال التركيب إن شاء الله


وإذا سمحت لي حضرتك بملاحظة



الحمد لله الجميلة f3 مجهزة بفيشة بالضفيرة قرب مكان تركيب الفوانيس لتوصيلها بفانوس الشبورة الأمامي (أرجو من سيادتك تصوير وارسال مكان تثبيت الفيشة بفانوس الشبورة للمقارنة بالفيشة الموجودة بالسيارة) وبذلك تتصل بدائرة السيارة الكهربائية مباشرة دون أدني تعديل بها وكذلك يوجد مبين خاص لنور الشبورة الأمامية بلوحة عدادات التابلوه يشبه مبين الشبورة الخلفي ليوضح لك حالة الشبورة مفتوح ام مغلق
لكن هناك جزء مكمل نفتقده ألا وهو زرار التشغيل لنور الشبورة الأمامية



وللعلم هذا الزرار موجود في الـ f3 الموديل المزود بنور الشبورة أصلا بذراع النور الأمامي لذلك يلزم تغيير زراع النور الأمامي بالكامل بآخر به هذا الزرار ولقد علمت ايضا أنه مشابه لذراع نور الشبورة الخاص بالتويوتا كورولا لكن لست متأكد من التطابق التام



فالسؤال الذي أبحث عن إجابته هل يمكن أن يتطابق ذراع الكورولا ويصلح للتركيب في الجميلة أم لا ؟؟ وذلك يتطلب فك ذراع الجميلة ومطابقته مع ذراع الكورولا والتحقق من التطابق التام سواء في الحجم او في الفيشة وكنت انوي القيام بذلك إلا أنه لم يتاح لي لضيق الوقت



ولي صديق اشتري هيونداي الانترا زيرو موديل ليس مزود بنور شبورة واول شيء عمله انه اشتري فوانيس شبورة وطقم زراعات نور أمامي جديدة النترا من التوفيقية كانت سعرها تقريبا 150 جم فالموضوع ده بيتم عادي جدا مايعتبرش تعديل في العربية لكن المهم هو عدم اللعب في دائرة السيارة الكهربائية الأصلية أو تحميل الضفيرة بحمل أعلي مهما كان من يقوم بذلك محترف



لذا أرجو من سيادتك أن تقوم بتركيب ذراع سواء تويوتا (إذا تحققت من تطابقه) أو byd (غير متوفر بمصر) مستغلا الدائرة الأصلية للسيارة لأنها مؤمنة جيدا للعمل لذلك ولها فيوز خاص بها وليس كما يفعل البعض بتوصيل دائرة بمفتاح إضافي من علبة الفيوزات مباشرة أو حتي التوصيل بالتوازي مع نور الشبورة الخلفي لأنه غير مصمم لهذا الشأن ولكي يتم إستعمال مبين النور بلوحة عدادات التابلوه الخاص بالشبورة الأمامية




لسيادتك خالص تحياتي وتقديري

الاخ الفاضل الكريم حياك الله
اود ان اشكر سعادتك جزيل الشكر على هذه النصائح الغالية والملاحظات الدقيقة
ثانيا بالنسبة للسيارة سعادتك عارف انى مقيم بالسعودية والاشياء اللى اشتريتها لم تصل كلها مرة واحدة ولكن على دفعتين ولذلك فنور الزينون وكشافات الشبورة وصلت بعد سفر الاولاد وانا محتفظ بيها لحين ما انزل مصر ان شاء الله فى يناير القادم لتركيبها
بالنسبة للدى فى دى والحساسات ووحدة الرفع والكاميرا الاولاد اخدوها معاهم قبل السفر والحمد لله تم تركيبهم والذى قام بذلك كان هو الاخ طه الميكانيكى والذى حكيت لكم عنه من قبل وهو اخ وصديق عزيز لى هنا فى مكة وعنده سيارة بى واى دى فى مصر ربنا يبارك فيه لانه كان نازل مصر فى اجازة بعد رمضان واتصل بالاولاد وذهب بنفسه اخذ السيارة وترك لهم سيارته مكانها وذهب بها بنى سويف (بلده الاساسية)حيث يمتلك ورشة اخرى يعمل بها احد اقربائه وركب لى الدى فى دى والحساسات والكاميرا ووحدة رفع الزجاج فربنا يجزيه خير لانه كان خايف حد تانى يلعب فى ضفيرة السيارة ويخرب فيها والحمد لله حسب كلامى المدام الحاجات دى شغالة زى الفل وبالذات وحدة رفع الزجاج بتقوم برفع الزجاج كل نافذه على حدة وليس الاربعة مع بعض وشغالة بكفاءة عالية جدا
بالنسبة لنور الشبورة بالذات الاخ طه كان نبهنى بالفعل لوجود افياش خاصة بيها فى ضفيرة السيارة لانه كان عايز يركب كشافات فى سيارته ولكن لم يسعفه الوقت لذلك وانا ان شاء الله هاعرض عليه الموضوع ده وموضوع تغيير الدراع المتحكم فى النور وهل ينفع بتاع الكورولا عليه واوافيكم بالرد فور الوصول الى نتيجة بخصوص هذا الموضوع
بس انا عندى فى الكورولا مفتاح نور الشبورة موجود على الشمال فى التابلوه بجانب زرار التحكم فى المرايات وليس فى الدراع على فكرة ولما بتفتح فى الدراع اول تكة الخاصة بنور التابلوه بتشتغل معاها نور الشبورة لو زراره مضغوط عليه
على اى الاحوال هو الاخ طه ماشاء الله عليه محترف جدا (ميكانيكا وكهربا) ودايما باخد رايه قبل ما اعمل اى حاجة وان شاء الله هاسأله واتناقش معاه فى الموضوع ده واكتب لكم خلاصة الموضوع ده ان شاء الله
تقبلوا تحياتى جميعا

سلام عليكم
ألف مبروك يا دكتور وتيجى بالسلامة إن شاء الله

معلش سامحونى والله موش فاضى خالص بكرة ان شاء الله ارفعها

مبروك عليك التركيب ... وعقبال الباقى ... وكمان عايزين تقرير وافى وحلو .. زى باقى تقارير حضرتك بعد تركيب كل الاشياء اللى جبتها للجميلة ... وكمان بالصور زى ما حضرتك عودتنا ... يمكن لعل وعسى اتشجع واعمل زى حضرتك ..
ومبروك مرة تانية ... وربنا يديك خيرها ويكفيك شرها

أولاً ألف مبروك على فوانيس الشبورة


ثانياً عندي كذا إستفسار


1- مدام ركبه على الفيشة اللي في ضفرة العربية ، بتشغل فوانيس الشبورة من أي مفتاح ولا عملت مفتاح منفصل ؟؟
2- الزنون 44 أمبير جبته منن و بكام؟؟