الموضوع: كشاف فوج لايت وزينزن للجميلة بى واى دى

الشراء تم من موقوع aliexpress وللامانة كشافات الشبورة موش موجودة فى الموقع بس لما كلمت الاخت المسؤلة فى المبيعات وجدتها متوفرة عندها ومن نوع جيد جدا fright light وتمنها لوحدها 30 دولار باللمبات الداخلية
اما بالنسبة للزينون فهو عبارة عن 4 وحدات modulator مع 4 لمبات من نوع AC وليس DC حيث من المعلومات اللى عرفتها انه الزينون نوعين والنوع AC اغلى تقريبا 50% لكن نوره اقوى جدا وعمره الافتراضى اطول والزينون اتكلف 90 دولار يبقى كله 120 دولار بمصاريف الشحن بالبريد العادى لانه DHL غالى جدا لانه الوزن تقيل ووصل فى خلال 3 اسبابيع
تقبلوا تحياتى

مبروك يا دكتور شريف الف مبروك وعقبال التركيب ان شاء الله قريبا

شكرا يا ستاذ عماد دايما كلك زوق وسباق للخير والله حضرتك كنت على بالى وكنت يمكن اتصل بيك تلفونيا ولكن طالما كدة اسال حضرتك فى المنتدى علشان الكل يستفيد
دلوقت هل فى امكانيه انه اركب كل الحاجات اللى اشتريتها دى فى التوكيل زى الدى فى دى ووحدة الرفع والحاجات اللى فى المشاركة دى كمان واتحمل مصاريف التركيب؟

الدكتور شريف

ساقوم بالرد على سيادتك فى اقرب فرصه لعدم اعطاء ردود ممكن تحقيقها او فى غير الامكان تحقيقها لكن لمعرفه وجود من يقوم بالعمل والتركيب من عدمه لاءن كل فتره يوجد تغييرات وسوف اوافيك بما وصلت اليه فورا

مشكور يا استاذ عماد وفى انتظار رد سعادتك
تقبل تحياتى

د.شريف
اولا الف مبروك علي الزينون والشبوره
بعد اذنك كنت محتاج استفسر عن شويه حاجات بخصوص الشراء من علي السايت ده
1-هل يوجد جمارك ام مجرد ثمن الشراء والشحن فقط
2-طريقه الدفع بالفيزا اكيد .... اضمن منين لو دفعت بالفيزا انه اكيد هايوصل
3-لو لاقدر الله لاقيت في السلعه ديه مشكله ما هى طريقه ارجاع السلعه ( هل يوجد ضمان )
اسف للاطاله واعزرني اصلي عايز اشتري كاسيت من علي نفس الموقع
وقلقان جدا وعمري ما اشتريت من علي النت واسف للاطاله مره اخري

المشاركة الأصلية كتبت بواسطة kimo-nubira

د.شريف
اولا الف مبروك علي الزينون والشبوره
بعد اذنك كنت محتاج استفسر عن شويه حاجات بخصوص الشراء من علي السايت ده
1-هل يوجد جمارك ام مجرد ثمن الشراء والشحن فقط
2-طريقه الدفع بالفيزا اكيد .... اضمن منين لو دفعت بالفيزا انه اكيد هايوصل
3-لو لاقدر الله لاقيت في السلعه ديه مشكله ما هى طريقه ارجاع السلعه ( هل يوجد ضمان )
اسف للاطاله واعزرني اصلي عايز اشتري كاسيت من علي نفس الموقع
وقلقان جدا وعمري ما اشتريت من علي النت واسف للاطاله مره اخري

اخى الكريم حياك الله
اود ان اعرفك بانى مقيم بالسعودية وسيارتى فى مصر والاشياء دى وصلتنى على عنوانى بالسعودية وتقريبا لا يوجد جمارك على الاشياء البسيطة للاستخدام الشخصى اللى زى كدة
ثانيا معظم الاسواق الاليكترونية الان مثل aliexpress and ebay and dhgate يوجد بها سياسة لحماية المستهلكbuyer protection plicy حيث ان هناك شركة اسمها على بابا هى التى تدير عملية الشراء بين البائع والشارى وتتحفظ على المبلغ الذى قمت بدفعه ولا يمكن تسليمه للبائع الا بعد استلام السلعة وموافقتك عليها على الموقع انها مطابقة للمواصفات التى اتفقتم عليها ولا يوجد بها اى عيوب وده بيتم فى حسابك على الموقع confirm order received ولو موش عاجباك السلعة بتعمل open dispute وتشرح فيها ايه اللى حصل للشركةولو كان عندك حق بترجع لك فلوسك على حساب بطاقة الفيزا مرة تانية
معظم السلع عليها ضمان وخلال الضمان بتكلم البائع وبترجعها ليه للصيانة او الاستبدال وبتتحمل الشحن ذهاب بس
على فكرة الصينيين فى التجارة الاليكترونية عندهم امانة غير عادية وانا على فكرة باشترى حاجات بالتحويل المباشر للفلوس على حسابهم وبيرسلوا لى السلعة على افضل ما يكون وده خبرتى من سنوات فى الموضوع ده وحصل معايا اكتر من موقف منهم اشتريت تليفون وطلع فيه عيب بس ارسلت له ايميل بالكلام ده ارسل واحد تانى على طول وقال لى احتفظ بالتلفون اللى فيه العيب وبعدين صلحته بعد كده
ومرة تانية السلعة لم تصل لانه فيه حد من بتوع البريد طمع فيها بالرغم انها وصلت وده بيكون موثق لما بتعمل عليها tracking فى موقع البريد ولما بلغت البائع بالكلام ده ارسل لى نصف المبلغ وتحمل هو نصف الخسارة ولما عملت مشكلة لبتاع البريد رجعها بعد شهر وادعى انها كانت ضايعة فرجعت للراجل فلوسه تانى اللى دفعها
يعنى الامانة فى الموضوع ده اهم شئ سواء من البائع او المشترى
تقبل تحياتى
واى سؤال انا تحت امرك

الف شكر لردك وشرحك الوافي د. شريف