حصريا علي ..::: نايل موتورز :::.. تفاصيل g3 الجديدة بالصور فور وصولها مصر لدي الوكيل

**bassem.naguib** · 18-09-2011 12:47 PM

المشاركة الأصلية كتبت بواسطة ehabpopo

صور حلوة وموضوع حلو يا استاذ وليد ... شكرا ليك ... واعتقد يا باسم انها بالاوبشن دة ... وبالسعر ده ... ممكن تنافس كويس كمان ... وماتنساش ان ال f3 بقت ب 72000 جم ......

كلامك مظبوط .. بس مش عارفين الموتور حيبقى أداءه عامل أزاي بصفة عامة .. وخاصة زي ما قالة أ/ هوجان في مشاركته .. وهل حتبقى صيانة الموتور معروفة وسهلة ولا حتبقى التكنولوجيا اللي فيه جديدة ومعقدة للفنيين .. وبالنسبة للسعر فأنا شايف أنها مناسبة بالنسبة للإمكانيات اللي فيها وبالمقارنة مع سعر F3 الجديد اللي عمال يغلى كل شوية .. بس على الله دي متغلاش هي كمان .

المشاركة الأصلية كتبت بواسطة hugan

هي جميله
لكن موتور 1500
الثقافه السائده عند المصريين يا 1600 او 1300

المشاركة الأصلية كتبت بواسطة CryptonX

للاسف الشديد مفيش منها اوتوماتيك ... و دي حتضيع عليها مبيعات كتير.

خاصة لو نزلت بالفتيس DCT حتبقى حكاية .

**elmanahry** · 18-09-2011 03:13 PM

شكرا جزيلا وليد باشا على الخبر ولكن يوجد سؤالين هل سيطرحون الموديل 1800 سى سى او توماتيك فيما بعد ونوع الاتوماتيك والطلب الثانى ياريت سيادتك تعمل لها test drive وتعطى تقرير عنها وشكرا جزيلا

**bassem.naguib** · 18-09-2011 05:27 PM

ومن أمتى وكلاء السيارات في مصر بيعملوا تست درايف للسيارات الجديدة اللي بيطرحوها .. إلا قلة من التوكيلات .

**sv065** · 18-09-2011 08:43 PM

المشاركة الأصلية كتبت بواسطة ziabassem

موضوع جامد يا وليد باشا .. تسلم أيديك عليه وعلى الصور .. بس كنا عاوزين أنطبعاتك الشخصية عنها .. وإذا كانت حتقدر تنافس في السوق من عدمه .

العفو يا باسم ياخويا.... ده من بعض ما عندكم

أصلي كنت مراقب الموديل ده من فترة ومترقب وصوله بشدة

والسيارة بدون مبالغة إن صح التعبير بتتكلم عن نفسها وكل شوية أعدي من عند المعرض في إنتظار تشريف حضرتها فلقيت الهانم مشرفة إمبارح زي العروسة ...

و الإنطباع الأول بيدي إحساس غني بالجودة سواء كخامات أو تقفيل يعني ممكن أقول أكثر شوية من F3 الصيني وبالنسبة لحوض الماتور تحس بأنه ملموم جدا والدنيا رايقة فيه وبراح وهو نفس ترتيب حوض ال f3 في علبة الفيوزات وفلتر الهواء ومكان البطارية وسوائل التبريد وزيوت الباكم والباور ومياة المساحات ولكن وضع الماتور أتعكس عن الـ F3 بقي فرن الشكمان جهة الصالون مش جهة الراديراتير زي F3 بس صغنون كده ومحندق هو والفتيس

تحياتي
وياريت حد من الزملا الأفاضل يدينا تقرير ولو مبسط إذا عاينها عالطبيعة

**sv065** · 18-09-2011 08:47 PM

المشاركة الأصلية كتبت بواسطة ehabpopo

صور حلوة وموضوع حلو يا استاذ وليد ... شكرا ليك ... واعتقد يا باسم انها بالاوبشن دة ... وبالسعر ده ... ممكن تنافس كويس كمان ... وماتنساش ان ال f3 بقت ب 72000 جم ......

بالظبط يا إيهاب باشا يا صديقي العزيز

وعلي فكرة غالبية الأعضاء توقعوا السعر في حدود 90000

وده أعتقد السعر المنتظر لأنها لسة أول القفص وأكيد مهديين السعر شوية

وانا علي فكرة بافكر فعلا أبيع الجميلة f3 علشان خاطر عيون الساحرة الـ g3 بس مش عارف حد يقدر علي مهرها؟؟

**sv065** · 18-09-2011 08:52 PM

المشاركة الأصلية كتبت بواسطة shiko85

العدادات عاجبنى جدا
انا شايف ان العربيه مزيج من عربيات تانيه
وش الرينو سيمبل و شنطه الشيفوليه كروز و الجزء بتاع التكيف و الكاسيت من مازدا 3 القديمه و الهويات من سوزكى sx4
المفروض فعلا العربيه دى تنتشر فالسوق لان byd خلاص معروفه و مطلوبه و معظم الناس بتفضل التاكسى f3 عن اى نوع تانى للوسع و الراحه و بالتالى المفروض العربيه تحقق انتشار خصوصا لان فيها كماليات و عوامل امان كتير

العربية دي موجودة من زمان لكن مش في مصر وظهرت تقريبا بعد الـ f3 لما ظهرت بحاجة بسيطة لكن ماكانتش بتيجي مصر يعني الموديل ده تم إختباره بره جيدا ومراعاة أي تعديل او تظبيط من مدة وهو جديد بس كأول إطلاق رسمي لها في مصر ونتمني وأعتقد كلنا لاحظنا غن التوكيل أصبع يتعامل مع السوق بنظرة مختلفة تماما عن ذي قبل ونتمني النجاح سريعا للموديل ده

**sv065** · 18-09-2011 08:56 PM

المشاركة الأصلية كتبت بواسطة cryptonx

للاسف الشديد مفيش منها اوتوماتيك ... و دي حتضيع عليها مبيعات كتير.

بالرغم من كوني من أكتر الناس طلبا للموديل الأوتوماتيك بتاعها إلا أني علي ثقة كبيرة إنها حتحقق إنتشار عالي جدا قبل ما الأوتوماتيك يظهر خصوصا إن الأوتوماتيك فتيس cvt وبمحرك 1800 سي سي يعني حيكون سعرها عالي جدا

**ashouhdy** · 18-09-2011 08:59 PM

المفروض تبقى فى نفس سعر f3 لأن هى تقريبا موديل جديد منها

بعدين عايز الفت النظر لحاجة ... لو العربية ب 79الف مانيوال ممكن تزود 8الاف جنية وتجيب نيسان صنى مانيوال !! سعرها غالى جدااا

-

-

الموضوع: حصريا علي ..::: نايل موتورز :::.. تفاصيل g3 الجديدة بالصور فور وصولها مصر لدي الوكيل

LinkBack

أدوات الموضوع

عرض

-

-

-

-

-

-

-

المواضيع المتشابهه

حصريا على نايل موتورز وبس، اول تقرير عن بيجو 508 الجديدة

حصريا على ارض نايل موتورز بالصور والمعلومات نكشف الستار عن نيسان قـاشـــقـاى

فيات جياجيو سيدان الجديدة بالصور-حصريا نايل موتورز

حصريا علي ..::: نايل موتورز :::.. تفاصيل g3 الجديدة بالصور فور وصولها مصر لدي الوكيل

الكلمات الدلالية لهذا الموضوع

المفضلات

المفضلات

ضوابط المشاركة