حصريا علي ..::: نايل موتورز :::.. تفاصيل g3 الجديدة بالصور فور وصولها مصر لدي الوكيل

**boshbosh** · 05-01-2012 02:55 PM

اولا مشكووووور جدااا على الموضوع الرااائع ده بجد العربيه تحفففه وانا شاايف انها هتناافس وبقوه كماان اووبشنز عااليه اووى وسعر مش موجووود فى اى عربياات خااالص بس المهم انها تثبت وضعها فى الثبات بتاعها على سراعت عاليه وقوتها فى الصاج بتاعها كمان دى حاجات مهمه برضه,وكان ليا كام سؤال كده ياريت يكون عندك اجابات ليهم:
هل فيها مثبت سرعه؟
هل فيها فتح الشنطه وتنك البنزين؟ ولا حضرتك نسيت تذكرهم فى الاوبشنز بتاعتها؟
هل فيها وصله يو اس بى؟
ويعنى ايه 4 مرايات كهرباء هما فين الاربعه دول؟
ويعنى ايه بوصله ديجيتال فى مراية السائق؟

**halrazek** · 06-01-2012 12:12 AM

اولا احب اشكرك على زوقك
العربيه الثبات بتعها على السرعات العاليه ممتاز
الصاج متين
فتح الشنطه وتنك البنزين من داخل السياره ةلاكن لايوجد فتح من الرموت
المرايات كهرباء بس هما اتنين بس
البوصله الديجيتال فعلا موجوده بس بصراحه ملهاش لازمه لانها بتحدد االاتجاهات فقط (شمال وجنوب وشرق وغرب )
وبصراحه كده انا معرفش يعنى ايه مثبت السرعه يريت حضرتك تشرحهولى جايز يكون موجود وانا معرفش

**boshbosh** · 06-01-2012 01:19 PM

ميرسى اووى على الرد,
وبالنسبه لمثبت السرعه ده لينك خاص بالموضوع بالكامل ويشرحلك كل حاجه فى مثبت السرعه
http://www.nilemotors.net/Nile/263018-a.html
معلش بقى هوم سؤال تانى هتعبك معايا:
هو حضرتك معاك العربيه دى او جربتها من حد تانى او عملت تيست درايف؟ قصدى ان حضرتك بتتكلم فى العربيه عن تجربه؟
السؤال التانى :
العربيه اساسا لما نزلت مصر نزلت امتى يعنى موديلها سنة كام وهل لو قديمه هتنزل منها 2012 مثلا؟

**halrazek** · 07-01-2012 11:42 PM

مفيش تعب ولا حاجه حضرتك تامر فى اى استفسار
بالنسبه لمثبت السرعه الى حضرتك وضحتهولى مش موجود فى السياره
العربيه دى نزلت قبل العيد تفريبا بشهر وهى موديل 2012
العربيه فعلا معايا من قبل العيد بيومين وهى عامله دلوقتى 3000 كيلو متر
بالمنسبه العربيه مفهاش وحدة رفع زجاج لانى نسيت ا\كر ده قبل كده انا مش عارف ليه مفهاش مع ان وحدة الرفع مش مكلفه بس انا انشاء الله هركبلها وحدة رفع قريب لو فى فى التوكيل

**mamdouhrms** · 18-01-2012 04:55 PM

بشكرك جدا على المعلومات دة
انا اشتريت العربية من اسبوع ومش عارف عدادت الكيلو مترى بتشتغل ازى ومنين ممكن اصفرة
وكمان ازى اضبط العداد الى فى الساعة
وازى الراديو بيشتغل وشكرا يا منجدى

**alsakr** · 21-01-2012 05:44 AM

السلام عليكم هل قطع غيار g3 متوفره وهل التوكيل مهتم بالصيانه وتوفير قطع الغيار
وبالنسبه للسياره هل فى تقرير عن استخدامها يعنى مثلا هل العربيه متينه تتحمل الطرق بتاعتنا مش بتزيق متماسكه فى التقفيل أسافر بيها وأنا مطمن الجوده العامه يعنى من الأخر الفلوس اللى تدفع فيها كسياره وخدمة بعد البيع تستحق الشراء ولا نو وشكررررررررررررررررررر

**alsakr** · 21-01-2012 06:35 AM

ماهى ال byd تكنولوجيا ايه حضرتك 2020؟
مش عارف

**mshaheen1** · 05-02-2013 10:50 PM

BYD G3 - YouTube

**merodived** · 27-02-2013 06:54 PM

انا حجزت عربيى byd 3gr كنت عايز اعرف مواصفاتها وعيوبها وقطع غيارها موجودة واسعارها وكل حاجة عنها ياريت

**muslem** · 13-03-2013 03:25 PM

انا اهم حاجة خلتنى اشترى الbyd f3 بالذات انى لو ملقتش قطع غيار لها فى التوكيل اقدر اشترى قطع غيار بديلة لها من خارج التوكيل فهل الg3 نفس الحكاية ولة لا؟؟