يوم التلات اللى فات روحت علشان صيانة ال 30000 لشاركتى فى التوكيل الجديد و طلعت بشوية انطباعات :المكان عبارة عن صالة عرض و مركز صيانة..الصراحة المكان نضيف اوى و التعامل كويس جدا مع مهندس الاستقبال و تقول مانا قاعد قادر اشوف بيعملوا ايه فالعربية عن طريق الازاز اللى كاشف مركز الصيانة كله و مفيش مانع ان الواحد يلعب شوية بالبلاى استيشن 2 لكن اسعارهم الصراحة مستفزة لانى كل اللى عملت فالعربية تغيير زيت و فلتر زيت و فلتر هوا دفعت بقا كام...... 940 بلبل !!!!!!!!!!!!!!!!!!!!!!!!!!!!!!!!!!!!!!!!!!!
تبص بقا على الفاتورة تلاقى :
1-زيت توتال 10000 ب 260 ج ...عادى
2-فلتر زيت 67 ج..و ماله
3-فلتر هوا 269 ج !!!!!!!!
4-مصنعيات 259 ج !!!!!!!!!!على اساس انى موديها عند الساحر مدحت !
طبعا دا غير الضرايب و المستنقعات...
دا غير اسعار قطع الغيار التانية زى مثلا :
-ريشة مساحات شمال 206 ج !!!!!!!!
-كارتيرة امامى 392 ج !!! وى كأنها مصفحة .
-طمبورة أمامى 730 ج !!
-تيل فرامل امامى 475 ج !
الواحد فالبلد دى يا يفتح بيت يا يصرف على عربية ...ربنا يتوب علينا