رابطة ملاك كيا سبكترا وقطع غيارها

**wma_eg** · 29-09-2013 12:11 PM

المشاركة الأصلية كتبت بواسطة mohamedkaouh

السلام عليكم
أولا احب اقولكوا كا سنه و انتوا طيبين و يارب تعود علينا الأيام بكل سعاده و خير دايما يارب و ربنا يصلح الأحوال ...
انا عندي طلب صغير , انا ناوي اغير فردين كاوتش للعربيه علشان اللي موجودين قدام من 2009 و في كاوتش مطبطب "مش مستوي في سطحه " وكنت حابب اعرف الانواع اللي انته جربتوها في العربيه علشان ده اول مره اغير فيها كاوتشه للعربيه و اللي راكب دلوقتي اشيل اندونيسي مقاس 195/60 و طبعا 14 و هم ماشاء الله مش خذلوني في اي مشوار بره بس مش عارف حكاية ان الكااوتش مش مستوي في سطحه مقلقاني اني اشتري نفس النوع تاني فياريت تشاركوني بارئكم و تجاربكم علشان انا سالت ناس كتير و شوفت مواضيع كتيره و كل واحد براي....
شكرا

انا مركب كاوتش جديد لعربيتى 14" 195/60 بريدج ستون صناعة يبانى الفردة ب 680 جنيه ... اه صحيح هى غالية لكن نضيفة جدا ومريحة للعفشة ومافيش صوت وحلوة فى الفرملة

كلم توكيل بريدج ستون fit & fix واعرف منهم الانواع والمقاسات والاسعار

**rodina mahmoud** · 29-09-2013 02:41 PM

انا غيرت القاعده اللي فوق وجبتها ب 220 من محل شركه النصر -شارع مجلس الامه

**ahmed bashandy** · 29-09-2013 03:49 PM

المشاركة الأصلية كتبت بواسطة ahmed2r3

عايز جوان غطي تكيهات بس الاصلي الاقيه عند مييين وسعره ايه ... من فضلكم سبكترا 2004 الرفيع عشان سمعت ان في نوع سميك

جوان غطاه التكيهات هو نفسه بتاع كيا ريو 2 ,,,,,, انا لسه مغيره

**mohamedkaouh** · 30-09-2013 03:40 PM

المشاركة الأصلية كتبت بواسطة wma_eg

انا مركب كاوتش جديد لعربيتى 14" 195/60 بريدج ستون صناعة يبانى الفردة ب 680 جنيه ... اه صحيح هى غالية لكن نضيفة جدا ومريحة للعفشة ومافيش صوت وحلوة فى الفرملة

كلم توكيل بريدج ستون fit & fix واعرف منهم الانواع والمقاسات والاسعار

متشكر جدا على رد حضرتك ... انا غيرت العجلتين ب 2 اكلس اندونيسي 195/ 60 و اشتريت جنوط حديد مستعمل و رفعتها على مجرى عند عفشجي و لقاها تمام الحمدلله و مفيش حاجه اتكسرت بس الزوايا على الكمبيوتر كانت مترحله جامد و ظبطها كمبيوتر بس في حاجه تانيه ظهرت عندي في الثبات بقيت العربيه مش زي الأول و الدريكسيون بحس انه ممكن يلف على الفاضي شويه قبل مالعجل يلف و على المحور بحس ان العربيه مش ثابته على الطريق فمش عارف ايه ممكن يكون السبب ؟

**mohamedkaouh** · 30-09-2013 03:57 PM

المشاركة الأصلية كتبت بواسطة mohamedkaouh

متشكر جدا على رد حضرتك ... انا غيرت العجلتين ب 2 اكلس اندونيسي 195/ 60 و اشتريت جنوط حديد مستعمل و رفعتها على مجرى عند عفشجي و لقاها تمام الحمدلله و مفيش حاجه اتكسرت بس الزوايا على الكمبيوتر كانت مترحله جامد و ظبطها كمبيوتر بس في حاجه تانيه ظهرت عندي في الثبات بقيت العربيه مش زي الأول و الدريكسيون بحس انه ممكن يلف على الفاضي شويه قبل مالعجل يلف و على المحور بحس ان العربيه مش ثابته على الطريق فمش عارف ايه ممكن يكون السبب ؟

معلش في تفاصيل مفقوده في الكلام اللي فوق :) :

متشكر جدا على رد حضرتك ... انا غيرت العجلتين ب اكلس اندونيسي 195/ 60 من ممدوح غطاطي ب 400 جنيه للفرده و اشتريت جنوط حديد مستعمل " علشان كنت خبط في رصيف على المحور قبل هايبر و انت نازل على لبنان على سرعة 70 او 80 و الحمدلله ربنا سترها وعجلتين فرقعوا و اتنين جنوط اتنوا " و رفعتها على مجرى عند عفشجي و لقاها تمام الحمدلله و مفيش حاجه اتكسرت بس الزوايا على الكمبيوتر كانت مترحله جامد و ظبطها كمبيوتر بس في حاجه تانيه ظهرت عندي في الثبات بقيت العربيه مش زي الأول و الدريكسيون بحس انه ممكن يلف على الفاضي شويه قبل مالعجل يلف و على المحور بحس ان العربيه مش ثابته على الطريق فمش عارف ايه ممكن يكون السبب ؟

**ahmed2r3** · 30-09-2013 11:49 PM

سالت عند الجندي ملقتش الاصلي قالي في كوري بس مش اصلي وهيرشح زيت وسعره كام ؟؟

**ahmed2r3** · 30-09-2013 11:57 PM

المشاركة الأصلية كتبت بواسطة ahmed bashandy

جوان غطاه التكيهات هو نفسه بتاع كيا ريو 2 ,,,,,, انا لسه مغيره

من عند مييين وبكام واصلي ولا لأ ؟

**ahmed bashandy** · 01-10-2013 05:52 PM

المشاركة الأصلية كتبت بواسطة ahmed2r3

من عند مييين وبكام واصلي ولا لأ ؟

الجوان كان كوري بس مش فاكر السعر كان كام ... لو عاوز الأصلي اتصل بالتوكيل نفسه و اسال على جوان ريو 2

**ahmed bashandy** · 01-10-2013 05:56 PM

المشاركة الأصلية كتبت بواسطة rodina mahmoud

انا غيرت القاعده اللي فوق وجبتها ب 220 من محل شركه النصر -شارع مجلس الامه

يا ريت حضرتك تكتب رقم التليفون و العنوان بالتفصيل عشان اي حد ممكن يستفيد منه

**ahmed bashandy** · 01-10-2013 06:02 PM

المشاركة الأصلية كتبت بواسطة amr mohammed k

يا جماعة عاوز اسال عن رمان البلى لكيا سبكترا يعملو كام وهل دة لما بيتغير بيتغير للاربع عجلات ولا اية وممكن تركيبة يكلف كام تقريبا وشكرا

انا اشتريته من عند حلمي سليمان للفردتين الامامين ب 320 جم و كان كوري , خلي بالك لازم يتركب عن مخرطة عشان ما ينفعش يدق عليه لان ده هيكسر البلي اللى جواه