رابطة ملاك كيا سبكترا وقطع غيارها

**AYMAN4PLUS** · 07-05-2013 02:19 PM

السلام عليكم ورحمة الله وبركاته ،

سيارة كيا سبكترا 2003 - مانيوال - اللون نبيتى

العربية محتاجة شغل فى الآتى :

- تغيير الكمبيريسور لان الحالى بعد الكشف عليه مش شغال (انا لاأحب تكييف السيارة وعلشان كده لم أغيره)
- بعض السمكرة .
- تغيير وحدة مفاتيح الزجاج.

يعنى ممكن نقول العربية محتاجة مصاريف من 1000 الى 1500 جنيها.

سبب البيع الرئيسى والله أعلم بذلك ، انى بطلت اروح بيها الشغل وأفضل المترو.

السعر المطلوب ، أعلى سعر سوف يتم عرضه .

بالمناسبة السيارة معايا من سنة 2007 ، وكنت اشترتها من أحد أفراد العائلة لانه كان مسافر ، يعنى العربية بيتى ولم تستهلك .

العربية عاملة 114000 كيلو متر (مائة واربعة عشرة الف كيلو )
العربية رشة بره فقط

أرجو ان يكون الاتصال من الجادين فقط ، وانا ساكن فى مدينة 15 مايو يعنى ان شاء الله اللى يحب يشوف العربية يتفضل يشرفنى أى يوم جمعة أو سبت .

رقم تليفونى : 01113949964

**Karim_Mohy** · 07-05-2013 05:09 PM

الافضل تعمل حضرتك اعلان كامل منفصل وممكن تسيب اللينك بتاع الموضوع هنا علشان اكبر عدد ممكن يشوف الاعلان

اما عن الشغل اللي قي العربيه.......عند حضرتك حاجتين:
ياتعمل الشغل اللي فيها وساعتها هاتبيع من غير ماتخصم مصاريف تصليح
او تسحب التكلفه وتخصمها من اجمالي السعر

وعن السعر...فحضرتك اكتر واحد عارف عربيتك...شوف رنج الاسعار في السوق حاليا...وخلي سعر في دماغك تحسبا للفصال

وربنا يوفقك في البيع ان شاء الله

**mohamedkaouh** · 10-05-2013 04:29 PM

لو سمحتوا يا جماعه في حد عمل تنظيف للرشاشات قبل كده و هل ممكن ميكانيكي اللي يعملها ولا لازم مركز متخصص ؟ و يا ريت لو حد عملها يقولنا ايه الاعراض اللي كان شايفها ؟ و هل تنظيف البوابه بتكون مرحله اولى قبل تنظيف الرشاشات ؟

**mohmmedzohier** · 10-05-2013 05:13 PM

انا نظفتهم قبل كدا 100 جنيه بجهاز الالترا سونيك فى المعادى

وبيقولوا فى واحد فى عين شمس

ولو انت عندك خبره فى الفك والتركيب ممكن تعملها وانا معاك

المفرض انك تنظفهم لما تحس ان العربيه بتاخر فى الدواره .العربيه بتلت .العربيه بتطلع دخنه سودا \

وممكن ادلك على ميكايكى كويس يعملهملك بس معندوش جهاز

البوابه نظفها كل 5000 الاف على شرط اك تفكها

منطفهاش وهى راكبه

على العموم قولى الاعراض اللى عندك وانشاء الله افيدك

**mohamedkaouh** · 10-05-2013 06:22 PM

المشاركة الأصلية كتبت بواسطة mohmmedzohier

انا نظفتهم قبل كدا 100 جنيه بجهاز الالترا سونيك فى المعادى

وبيقولوا فى واحد فى عين شمس

ولو انت عندك خبره فى الفك والتركيب ممكن تعملها وانا معاك

المفرض انك تنظفهم لما تحس ان العربيه بتاخر فى الدواره .العربيه بتلت .العربيه بتطلع دخنه سودا \

وممكن ادلك على ميكايكى كويس يعملهملك بس معندوش جهاز

البوابه نظفها كل 5000 الاف على شرط اك تفكها

منطفهاش وهى راكبه

على العموم قولى الاعراض اللى عندك وإن شاء الله افيدك

ايه سرعة الرد ده

بص يا فندم انا مشكلتي اني عندي خنقه ف العربيه و ساعات بتكون كويسه بس قليل اوووي لما تكون كويسه و حاطتها على كمبيوتر بس مفيش مشكله ظهرت الحمدلله و انا حاططت المنظف للانجكشن مرتين و غيرت فلتر البنزين بس بعد المره الاولى و البوجيهات كنت مغيرها قبل الموضوع ده بحوالي 1000 كم و الميكانيكي و الكهربائي قالولي طلاما مفيش مشكله ع الجهاز يبقى كده طرمبة البنزين بس انا بصراحه مش مقتنع و خصوصا ان العربيه الحمدلله مش بتتعبني في التدوير و مش بتاكل بنزين ففكرت في موضوع تنظيف الانجكشن و البوابه

في حاجه تانيه ان انا الحمدلله بعرف اوصل ل 120 و ممكن ازود كمان و الكتمه بتقل كل مالسرعه زادت....

**menz2005** · 16-05-2013 03:22 PM

مركز الصفا موجود في جسر السويس اخر شارع المصانع تقسيم عمر بن الخطاب ودا احسن مركز بينظف الرشاشات الترا سونيك 150 + 75 البوابه التكلفه من 225 إلى 250 حسب المهندس أما يولك يعني إجمالي التكلفة من 225 إلى 250 جنيه

**mohmmedzohier** · 21-05-2013 10:42 AM

المشاركة الأصلية كتبت بواسطة menz2005

مركز الصفا موجود في جسر السويس اخر شارع المصانع تقسيم عمر بن الخطاب ودا احسن مركز بينظف الرشاشات الترا سونيك 150 + 75 البوابه التكلفه من 225 إلى 250 حسب المهندس أما يولك يعني إجمالي التكلفة من 225 إلى 250 جنيه

75 جنيه تنظيف البوابه !!!!!!!!!!!!!!!!

تعلالى يا باشا انظفهالك وكفايا عليا انك تدعيلى بس

بوابه الاسبكترا من اسهل البوابات اللى ممكن تشتغل فيها

**mohmmedzohier** · 21-05-2013 10:46 AM

المشاركة الأصلية كتبت بواسطة mohamedkaouh

ايه سرعة الرد ده :s_thum1[1]: بص يا فندم انا مشكلتي اني عندي خنقه ف العربيه و ساعات بتكون كويسه بس قليل اوووي لما تكون كويسه و حاطتها على كمبيوتر بس مفيش مشكله ظهرت الحمدلله و انا حاططت المنظف للانجكشن مرتين و غيرت فلتر البنزين بس بعد المره الاولى و البوجيهات كنت مغيرها قبل الموضوع ده بحوالي 1000 كم و الميكانيكي و الكهربائي قالولي طلاما مفيش مشكله ع الجهاز يبقى كده طرمبة البنزين بس انا بصراحه مش مقتنع و خصوصا ان العربيه الحمدلله مش بتتعبني في التدوير و مش بتاكل بنزين ففكرت في موضوع تنظيف الانجكشن و البوابه

في حاجه تانيه ان انا الحمدلله بعرف اوصل ل 120 و ممكن ازود كمان و الكتمه بتقل كل مالسرعه زادت....

انشاء الله هقولك على حبت حاجات تعملها ومش مكلفه وانشاء الله تدعيلى

بحد انا مبسوط ان الرابطه شغاله والناس بتساعد فيه

**mohamedkaouh** · 22-05-2013 01:00 PM

المشاركة الأصلية كتبت بواسطة mohmmedzohier

إن شاء الله هقولك على حبت حاجات تعملها ومش مكلفه وإن شاء الله تدعيلى

بحد انا مبسوط ان الرابطه شغاله والناس بتساعد فيه

شكرا يا كبير على الرد .... انا التوكيل و قاللي بعد الكشف بالكمبيوتر ان مفيش مشكله و العربيه تمام الحمدلله و اصلا يوم لما كنت رايح كانت مظبوطه المهم قولتلوا لازم تقولي ايه الحكايه فقاللي لازم تجيبها و المشكله فيها و حد تاني هناك قاللي ممكن تغير علبتين الشكمان اللي قدام فقولتلوا متهيالي لو في مشكله العربيه هتسخن و السحب هيفضل وحش علطول فقاللي مش شرط ...

قولت للراجل ممكن حد يمشي بيها و يجربها فقاللي ماشي وواحد فعلا خد العربيه و جربها ولما رجع قاللي المشكله اللي عندك ان العربيه الر بي ام بيعلى و مفيش سحب على قد ارتفاعه و ده علشان في بداية تفويت في الدبرياج و كده هتحتاج تغير المجموعه كامله بس قاللي ممكن تكمل بيها كده شويه لحد لما تبدأ في المطالع تتعبك جاامد ....

انا لسه معملتش اي حاجه فيها لحد دلوقتي :) .... بس يارب بعد التغيير المشكله تتحل بقى علشان انا زهقت من الموضوع ده بصراحه و بفكر كمان اني اغير علبتين الشكمان الأول بس ولا ايه رايك ؟

**mohmmedzohier** · 22-05-2013 08:46 PM

هات لغيار التانى وخلى الrpm على 3 بالظبط وفولى السرعه كام وهات التالت وهات الرابع وكل مره شوف السرعه كام على 3 rpm

وقولى

العربيه عمله كام كيلو وغيرت قبل كدا اسطوانه ولا لا

وانشاء الله افيدك