الموضوع: التريلات والطرق السريعة

المشاركة الأصلية كتبت بواسطة Eng:mohamed

والله إنت عشره على عشره..
بس المهم فعلا تكون مقتنع باللي حتعمله..
لأني مش حيسبك شتايم..أنا واحد من الناس بحب أرخم على سواق المكروباص البلطجي..

بص هو انا مش مقتنع اوي ان اللي عملته صح لأن منكرش اني عرضت نفسي للخطر ومنكرش اني حسيت بالخوف من قرب التريلا من العربية وشعرت انه في أي لحظة ممكن ينط في عربيتي ويشيلني أساسا خصوصا ان سواقين التريلات بيضطروا انهم يسوقوا لمسافات طويلة وبيتعاطوا منبهات كتيرة جدا فتركيزهم بيكون قليل جداااااااااااااااا
بس منكرش برده اني مبحبش اسيب حقي!
بس لما عدا الموقف خلاص قلت مانا كان ممكن اكظم غيظي واعديه
يارب ان شاء الله اقدر في المرات الجاية ماعملش كدة تاني !

المشاركة الأصلية كتبت بواسطة AutoTycoon

انت اكيد بتهرج .. حد يهزر مع الديناصور برضه دا لو عورك عربيتك باظت
مش معاك بصراحة خصوصاً انك ممكن تعرض ناس تانية للخطر

ولا انا معايا في اللي عملته بس العند بقا نقول ايه
ان شاء الله ميتكررش تاني باذن الله

المشاركة الأصلية كتبت بواسطة elpasha1

اوعى تعمل كدة تانى
لانى مرة على نفس الطريق الزبالة دا تريلا ماشية شمال وانا عاوز اعدى بعد ما ادينة نور وفتحلى الطريق وانا عند المقطورة رمى عليا ونزلنى فى الرمل (والله هذا حصل) بس ربنا ستر
خد بالك بيبقوا شاربين ومش حاسين بحاجة
ربنا يستر طريقنا جميعا

عملها فيا قبل كدة بس انا كان جنبي حاجز خرساني كنت هدخل فيه لولا ستر ربنا
هو خد مرايتي وكمل في طريقه واحاول اوقف فيه ميقفش
الكلام دا كان قبل الثورة
بالصدفة لقيت دورية بوليس ماشية قلتله النقل دا خبطني وكسرلي المراية ومش راضي يقف !
قلي دا قلتله اه!
المهم جري وراه يوقفه البيه مش راضي يقف
فبدأ يقفل عليه الطريق وجه قدامه ووقفه لقيت بتاع النقل عايز يطلع من شمال البوكس قمت جاي انا من شماله وموقفه ونزلتله بقا
اتاري البيه سايق برخصة خاصة ومتهرب من التجنيد وكان عنده شوية بلاوي تحبسه اساسا والظابط اتسلى عليه بقا وعملتله محضر وكان يوم لذيذ
خصوصا اني كنت لسة مستلم العربية وكان دمي حامي بقا على اي لمسة فيها

المشاركة الأصلية كتبت بواسطة asemx1

انا بعمل كدا على طوووووووووول لما الاقى سواق تيرلا مش عاجبنى
بس ركز على الى محمل فقط علشان الى مش محمل هيحصلك وهيجيبك

ياريت كلنا ناخد حقنا ونعلمهم الادب بادينا

هو فعلا انا بحب اخد حقي
بس ربنا بردو بيقول ولا تلقوا بأيديكم إلى التهلكة !

المشاركة الأصلية كتبت بواسطة dr_radioooooo

يا عم حرام عليك نفسك
الناس عندها لا مبالاه
كان ممكن يشيلك من على الطريق بمنتهى البساطة

فعلا كان ممكن دا يحصل !
حسيت اني سايق موست وونتيد وحكاية اني اسقط عربيتي في وسط المرسيدس والنقل دي كانت مغامرة معرفش عملتها ازاي
الحمد لله ربنا سترها الحمد لله

المشاركة الأصلية كتبت بواسطة Elawany13

بصراحة تصرفك غلط
أنت راجل دكتور محترم
وهوه بنى آدم متخلف وأشك انه بنى آدم اصلا
تعمل عقلك بعقله وتعرض نفسك وغيرك لكوارث لاقدر الله
انا فى الحالات ديه
بقوله روح فى ستين داهيه وابعد عنه
وبكبر دماغى

معلش يا علواني انا عارف اني غلطان
ان شاء الله المرات الجاية اقدر اسيطر على نفسي باذن الله

المشاركة الأصلية كتبت بواسطة love7amada

+11111111111111
يس تعرف الموضوع ساعات بيكون عند من القرف بتاعهم
كنت ع كوبري اكتوبر و الطريق واقف و ورايا واحد بلادا نيفا كلاكسات و مركب نور فوق العربيه عمال يرعش بيه راح عماني و متفهمش عايز ايه
عملت نفسي اطرش و لما الكبري مشي فرملت قدامه و قافل عليه و رفعت فرامل اليد و قعدت ارغي مع اللي جنبي

فعلا بتبقا فيه مواقف بتوصلك انك عايز ترد لصاحبها اللي بيعمله دا





*طيب دلوقتي المفروض ان الدولة تعمل طرق خاصة للنقل التقيل دا وتمنع انه يمشي في طرق الملاكي أساسا دا غير انها تلغي ما يسمى بنظام المقطورتين دا نهائيا !
المفروض نحترم آدمية المواطن ونحافظ على حياته شوية بقا !

المشاركة الأصلية كتبت بواسطة shadygalal669

على فكره السواق بتاع التريلا غليان
انا اعرف منهم لو عملت معاه كدا يجيبك بين الراس و المقطوره على طول

انا اعرف واحد كان سايق تريلا و واحد رخم عليه بس بعربيه نص نقل سابه يعدي و اول ما بقي في نص العربيه عند نص المقطوره زنق عليه جابله الجمب الشمال للعربيه بالكااااااااامل و لبسه في السور و هو مقطورته متخربشتش
ابقي خد بالك بقي لان برضو في منهم مركبين اكصدام حديد مخصوص للي بيعمل معاهم كدا بيدور جاااااااز و يكمل عليه يزقه قدامه

التريلا كانت بلا مقطورة
جرار واحد فقط لا غير مفيش مقطورة وراه
واكيد انا مش هسيبه لحد ما يجيبلي جنب العربية