الموضوع: التريلات والطرق السريعة

شيء سيء جدا يسمى التريلات او النقل بالمقطورة !
النهردة كنت في الاسماعيلية بقدم على دبلومة دراسات عليا
المهم ربنا أراد ان المشوار يكون سهل وأثناء الرجوع -انا من الناس اللي بتلتزم لالسرعات المقررة -
ماشي على سرعة 100 عادي جدا
المهم انا شايف في المراية تريلا جاية ورايا بسرعة مفيش مشكلة انا وسعتله الطريق عادي جدا
اول ما الكابينة بتاعته عدت من عربيتي لقيته قام رامي يمين عليا انا !
اضطريت اني افرمل طبعا واهدي جامد واعدي البيه طبعا مع الكلاكسات ولكن لا حياة لمن تنادي!
بضايق جدا لما احس ان حد بلطج عليا
قمت مسقط غيار وقمت كابس بالعربية بعد ما سبته يعدي وقمت معدي منه
هو ماشي بالظبط 110/ 120 المهم عديت منه
وقمت جاي قدامه وبدأت أهدي -طبعا مش تهدئة مفاجئة- لأني معرفش ظروفه ايه
المهم نزلت 90/80/70 والبيه كابس عليا وأكاد اجزم اني بيني وبين التريلات ما يقل عن نصف متر
المهم ييجي يمين اجيله يمين ييجي شمال اجيله شمال طلعت عينه وألزمته انه يمشي 70
جت عربية مرسيدس على الشمال فأنا بعدي منها على اليمين واتزنق ما بينا احنا الاتنين
حسيت ان بتاع المرسيدس قلق وبدأ يزود وبتاع التريلا لحم في المرسيدس بس مسبتهوش برده
قمت كابس جنب المرسيدس وبدأت أسقط العربية بتاعتي بينه وبين التريلا عشان افضل مسيطر على الطريق وبالفعل نزلت قدام التريلا ونزلته ل 70 تاني
لحد ما جينا طالعين كوبري وهنا كانت القشة اللي ضايقته اوي !
هديت زيادة وانا عارف انه محمل وان دا يضر موتوره ويطلع عينه في طلوع المطلع
وقمت نازل ل 40 كمان!
بعد كدة قمت نازل يمين وقمت فاتح الازاز وقلتله ادخل !
ولسان حالي بيقله لو كنت عديت بادب مكانش كل دا حصل وكان زمانك ماشي انت في حالك وانا في حالي
هذا ما حدث !
طبعا بتحصل معانا مواقف من دي كتير بسبب التريلات وأتمنى انها يتمنع انها تمشي على الطرق العادية ويكون ليها طرق مخصصة ليها هي بس لتفادي كم الضرر الناتج منها