سؤال لو سمحتم ؟ هوندا سيفيك 2008 ولا أوبل فيكترا 2008؟

**ggabal** · 19-09-2011 05:07 PM

السلام عليكم
من فضلكم أنا جديد على الويب سايت ومحتاج استفسار....
انا هشترى عربية قريب ومحتاج رأى اهل الخبرة أذا كان الهوندا السيفيك افضل ولا الأوبل فيكترا نفس الموديل؟
ياريت الاجابة تكون بشرح الاسباب.... وياريت عايز أعرف متوسط السعر اللى المفروض يتدفع فى الهوندا أو الأوبل (ايهما أفضل).. يكون كام؟
وشكرا مقدما ....

**ggabal** · 20-09-2011 12:39 AM

السادة الاعضاء برجاء الافادة

**Yones** · 20-09-2011 01:21 AM

انا من رأيي السيفيك 2008 افضل وده بسبب حاجات كتير
بالنسبة للسيفيك 2008:
1-محرك 1600 سى سى 125 حصان مزودة بتقنية(V-Tech) وده نظام بيتحكم فى توقيت فتح الصبابات وفقا للسرعة وده بيطور الاداء والسحب واستهلاك البنزين
2- نظام ABS
3-الشكل العام رياضى وانسيابى وجذاب
4- ثبات عالى عشان العربية منخفضة ونعومة كبيرة
5- صالون رياضى واخر شياكة وعدادات ديجيتال

بالنسبة للاوبل فيكترا 2008:
1-محرك 1600 سى سى 105 حصان
2- نظام ABS
3- شكل فخم بس مش رياضى قوى
4- ثبات حلو بس مش نفس ثبات السيفيك لانها اعلى من الارض
5-صالون شيك بس مش بنفس روح السيفيك

**HISHAM80** · 20-09-2011 08:02 AM

على حسب استعمال حضرتك بس في المجمل هوندا سيفيك العربيه الوحيده الي ملهاش عيوب في الصناعه ده غير الاعتماديه العاليه اكثرهم ثبات وسحب اشيكهم في تصميم الداخلي والخارجي
الاوبل عائليه أكتر بس في كلام على الفتيس
.ممكن متكنش في نفس اعتماديه هوندا.
مكيف مش قوي زي اليباني بس عاليه عن الارض بس في راي الشخصي لو عايز تركب حاجه زي الاوبل يبقى خليك في أوكتافيا قطع غار ارخص و متداوله في السوق عن أوبل

**ggabal** · 20-09-2011 09:14 AM

شكرا للسادة الأفاضل.... انا بس فى ناس بيخوفونى من انها واطية قوى وان قطع غيارها غالية قوى ... بس انا عندى مبدأ ان كل ما هو فوق 2005 ومش كورى فهيكون قطع غياره غالية مع فروق بسيطة فى الأسعار...
أنا محتاج بس منكوا توضيح عيوب الهوندا بكل أمانة وتفصيل ؟

**Mahmode** · 20-09-2011 12:05 PM

أظن عيوب الهوندا بس إنها واطية (مش قوي على فكرة) وقطع غيارها غالية نسبيا (كل العربيات اللي في نفس الشريحة السعرية قطع غيارها غالية) وشنطتها واسعة بس في أوسع منها وطبعا قلة الأوبشنز.

في المقابل خد عندك موتور جبار وموفر في استهلاك البنزين وثبات وشكل ووسع وحركات

**HISHAM80** · 20-09-2011 01:07 PM

لو حضرتك بتحب الأداء العالي والسحب والثبات طبعا هوندا رقم واحد مع الاعتماديه العاليه لو مشاوير عائليه و حضرتك ساكن في منطقه الطرق فيها مكسره بلاش مع العلم انهـا في ارتفاع كورولا الجديده مش واطيه اوي

**ggabal** · 21-09-2011 04:55 PM

شكرا للأعضاء الجامدين قوى.... ربنا يسهل انا هتوكل على الله وادور على هوندا كويسة؟
بس فى سؤال للأستاذ Mahmode قصدك ايه قلة الأوبشنز؟ هيا مفيهاش اوبشنز كتير ولا ايه؟
وسؤال تانى للهونداوية: لو هوندا 2008 كويسة المفروض سعرها يتراوح بين كام وكام؟ وهل فى حاجات معينة أبص عليها فى الهوندا عند الشراء؟

**Horsepower** · 21-09-2011 08:48 PM

المشاركة الأصلية كتبت بواسطة ggabal

شكرا للأعضاء الجامدين قوى.... ربنا يسهل انا هتوكل على الله وادور على هوندا كويسة؟
بس فى سؤال للأستاذ mahmode قصدك ايه قلة الأوبشنز؟ هيا مفيهاش اوبشنز كتير ولا ايه؟
وسؤال تانى للهونداوية: لو هوندا 2008 كويسة المفروض سعرها يتراوح بين كام وكام؟ وهل فى حاجات معينة أبص عليها فى الهوندا عند الشراء؟

السلام عليكم،
توضيح شخصي ،،، السيفيك الجيل الثامن لا يعلى عليها في قوة الموتور لفئة ال 1600 سي سي ونعومة في الأداء ، الاوبل فيكترا عربية ثقيلة جداً و ابعد ما تكون عن الأداء الرياضي واكثر خشونة من السيفيك،،، قطع غيار للإثنين تقريبا واحد ،،، عزل الفيكترا للصوت افضل شوية من السيفيك ،،، السيفيك فيها مشكلة مش كبيرة بس لازم تعرفها، لاحظت ان نسبة كبيرة منها بيحتاج تغيير قاعدة الموتور (غالبا بعد ال 50،000 كم) بسبب خشونة الطرق في مصر، بتتعمل في التوكيل من خلال الضمان مرة واحدة ولا تظهر بعد كدة ،،، أخيرا انصح حضرتك لو اختارت السيفيك تجيب 2009 افضل شوية من 2008 (فرامل خلفية سكاكين - جنود الفابريقة 16 بوصة - صفارة التنبيه للسرعة فوق 120 كم/س في السيفيك 2008 بتفضل شغالة باستمرار طول ما العربية على سرعة اعلى من 120كم/س ودي مزعجة بصراحة ،،، موديل 2009 وما بعده الصفارة دي بقيت مرة واحدة لحظة تجاوز سرعة 120كم/س فقط.
بالتوفيق ان شاء الله..

**Horsepower** · 21-09-2011 08:50 PM

المشاركة الأصلية كتبت بواسطة HISHAM80

لو حضرتك بتحب الأداء العالي والسحب والثبات طبعا هوندا رقم واحد مع الاعتماديه العاليه لو مشاوير عائليه و حضرتك ساكن في منطقه الطرق فيها مكسره بلاش مع العلم انهـا في ارتفاع كورولا الجديده مش واطيه اوي

+1