مشكله غريبه جدا فى سيفيك 2007

**dr_ahmed1983** · 20-09-2011 03:18 AM

السلام عليكم ورحمة الله وبركاته
انا بيحصل معايه مشكله هتجننى فى عربيتى سيفيك 2007 خليجى 1800 سى سى مانيول . العربيه ماشيه 110 الف كيلو انا محافظ عليها جدا ومتابع كل الصيانات فى التوكيل ومحصلش فيها والحمد لله اى مشاكل تذكر انا سيبت العربيه حوالى شهر بدون استخدام لما جيت استخدمها تانى لقيت العربيه بتترجرج بشكل ملحوظ جدا بعد 30 ثانيه بالظبط من دورانها الصبح وكأنها هتفصل لو دوست بنزين تظبط ولو العربيه بس الحراره فيها ظهرت اول علامه تظبط ولا كأن كان فيها حاجه وطول اليوم ماشيه كويس وكل حاجه تمام والمشكله ده مبتظهرش غير الصبح بس يعنى لو سبت العربيه وسط اليوم 5-6 ساعات ونزلت وهيه بارده جدا مبيحصلش حاجه انا وديتها التوكيل وعرفتهم العيب ده من يومين قلولى كل حاجه تمام بس قاعدة الماتور فيها مشكله وخليتهوم يغيروها ولسه المشكله موجوده وتغير القاعده ده محستش بيه فى اى فرق . لو يقدر حد يفيدنى فى المشكله ده يبقى ربنا يكرمه بجد لانى خايف ان الماتور يكون حصل فيه حاجه او ده بدايه مشكله فيه لان الموضوع بيتكرر معايه بشكل يومى لدرجة انى بقيت بدور العربيه وامشى على طول بدون تسخين علشان ميحصلش العيب ده وابقى متضايق طول اليوم بسببه . واحد صاحبى قالى ممكن تكون البوجيهات مع انها لسه متغيره فى صيانة 100 الف واللى اعرفوه انها بتتغير كل ثلاث سنين او كل 100 الف لانها غاليه جدا بحوالى 500 ريال بس لو هيه سبب المشكله اغيرها . اسف للاطاله وشكرا

**Ghamrawy** · 20-09-2011 03:28 AM

بوجيهات سيئة او كويلات بتشاور عقلها
و الله اعلم

**OmaR_FekrY** · 20-09-2011 03:50 AM

ممكن تكون فى بوجيه او اتنين خد رطوبه يا باشا ... بس استنى برضو باقى مشاركات العصابه ... هيفيدوك اكتر

**tarekzein** · 20-09-2011 09:34 AM

برضوا نضف فلتر الهوا

وشوف النتيجه

مش هتخسر حاجه

**raouf** · 20-09-2011 09:39 AM

مشكلتك سهلة ان شاء الله عادة كويل او بوجيه مش مربوط كويس او فلتر الهواء عايز يتغير وده ب40 ريال

**dr_ahmed1983** · 20-09-2011 10:00 AM

شكرا جدا للمساعده والاهتمام من جميع الاعضاء .. جميع الردود تقريبا اتجاه البوجيهات والكويلات وفعلا وارد انهم يكونوا اللى اتغيروا فى صيانة المائه الف مش بنفس جودة الاصلى او فيهم مشكله عامة الصيانات ده مفروض انها مضمونه وفى اى حال انا هغير البوجيهات ويارب تكون هيه السبب . بالنسبه للكويلات هقولهم عليها اكيد عندهم حاجه بتبين اى مشاكل فيهم . وشكرا جزاكم الله خير

**mido1987** · 20-09-2011 04:53 PM

فى سينسور بيعلى العربية وهى باردة لحد متسخن وبعد كده بيفصل احتمال يكون بايظ وبيفصل بدرى حاول تكشف بالجهاز فى مركز الخدمة

**SAMEH_FOUAD** · 20-09-2011 10:33 PM

حضرتك المشكلة دية متعلقة عندك ببلف الايدل كنترول لانة مش بيخلى العربية تعلى فى الصباح وهية بتكون محتاجة فى الوقت دة نسبة بنزين وهواء اعلى من اى وقت تانى والدليل ان المشكلة بتروح معاك
بمجرد مالحرارة بتترفع شوية اى خلاص مابتبقاش محتاج للنسبة العالية من البنزين والهواء فاى كمية بتخلى المحرك مظبوط

يبقى حضرتك كل اللى هتعملة هتروح التوكيل وتقولهم عايز تنظيف للبوابة وان شاء الله المشكلة تتحل