الموضوع: ايه الفرق بين ال131 الكوبيه والعادى؟؟

بص يا برنس أنا كان عندى الموديل الكوبيه وعايز ألفت نظرك لحاجة مهمة أن الكوبية نزل منها الموديل 1300 سى سى وديه فى الغالب بتكون تركى والموديل الثانى وده إلـ كان عندى 131 ريسنج 2000 سى سى 2 كامة 124 حصان وهى فخر صناعة فيات فى السنوات 78 إلى 81 لأنها كانت تحصد بطولات رالى أوربا بالمركز الأول وكنت تشارك فى بطولات التراك ( حلبة سباق ) بموديل 031 وده موديل نزل بقوة 237 حصان وديه قوة جبارة فى هذا التوقيت وموديل Abarth131 بقوة 140 حصان وكانت هذه النسخة أكثر شهرة فى تاريخ فيات 131 مع العلم أننى أفتقد هذه السيارة كثيراً وكنت عايز أحتفظ بيها لكن مع الأسف قمت ببيعها لأنها وحش بنزين إلا أنها مقابل ذلك قوية جداً جداً لك أن تتخيل أنى أجيب بالسرعة الثانية 80 كيلو وهى مع العلم 5 سرعات شوف بقى لما تجيب بالغيار الثانى 80 كيلو ده غير صوت موتورها القوى شئ مازال يرن فى أذنى ده أنا أفتكر أنى فتأت ميتسوبيشى لانسر وصاحبها كان مندهش المهم أنا الأن معى فيات سيننا 1600 2 كامة 16 صباب أنا حبيت أجيب سيينا لأنه نفس نوعية الموتور الفير 1 وده موتور عبقرى إبتكار فيات طبعاً مع تقنية عالية فى السيينا 1600 16 صباب بس لك أن تتخيل جسم السيننا فى موتور 1600 سى سى 2 كامة ماشاء الله أداء عالى جداًَ .... أنا أعشق فيات لأنها سيارة متكاملة سواء جودة صناعة وسعر وتاريخ وتصميم يكفى أنك تشوف أخر موديلات فيات وعبقرية تصميم فيات برافو ..
فى النهاية أتمنى لك التوفيق

شكرا على التحليل الجميل يعنى المهم الاتنين واحد فرق الابواب فقط

كان معايا 131 موديل 1982 - 1600 cc مصري و كنت عربية كويسة بصراحة بس بعتها عشان خلاص الزمن تجاوزها ...و البرومة بأت تسرح فيها no تكييف الكورونا باظت و دفعت 2300 جنيه و شهرين تلاتة و هوب باظت! عربية عدا عليها أكتر من ربع قرن... كتر خير الدنيا والله. و متهيألي أي عربيه أديما تصرف عليها مهما تصرف بردو تفضل موديل أديم و التصليح يا إما يعد مدة أو إنت و حظك و تروح من مكانيكي لبهيجي لسمكري... من الاخر عذاب .. إلا لو تجيب عربية اديما بس حالتها استثنائية يعني و يكون ليها قطاع غيار أصلية. ربنا يعملك الصالح - أحمد سامي