ما هي حقيقة زلزال يوم 26 سبتمبر ؟

**Egyzizo** · 26-09-2011 03:42 AM

حسب المعلومات المتاحة وحسب قدرتى المتواضعة على التحليل العلمى ، فالموقف بالفعل خطر جداً إلا فى حالة واحدة ، وهى معلومة لا أعرفها ولم أستطع الوصول إليها ، وأتمنى أن تكون صحيحة.

وهى أن تكون هناك زلازل كبيرة (أقوى من 5 ريختر) تحدث بصورة متواترة (كل يومين مثل على الأقاً) فى أنحاء مختلفة من كوكبنا ..

لأن دى الفرضية الوحيدة اللى تبرر ارتباط إلينين بالزلازل بهذه القوة.

وعشمنا فى ربنا كبير أن بكره يعدى على خير
يااااااااااااااااااا رب

**abou_ruqi** · 26-09-2011 04:14 AM

انا بالنسبالي يوم 26 ابتدا خلاص و الساعة دلوقتي تسعة و ربع الصبح

مفيش ملحوظات غير ان الدنيا كانت زحمة شوية و في اشارة بقف فيها دقيقتين كل يوم النهاردة و قفت بتاع ست دقايق , هل ده ليه علاقة بالمذنب ؟؟؟

**magyver** · 26-09-2011 04:25 AM

طيب مقاااااااااالوش السااعة كام ههههههه
سيبوها لله كلة خيير انشاء الله

**mido_soliman** · 26-09-2011 04:29 AM

على فكرة باة الخوف من مقابلة ربنا لوحدة كفيل انة يشيل زنوب كتير اوى فدى حاجة كويسة مش وحشة دة خوف بثواب
اهم حاجة تكون خايف من مقابلتة مش خايف من الموت لاننا حنموت حنموت
ومين عارف ممكن اشاعة زى دى تكون سبب لرجوع ناس كتير للطريق الصحيح

**MaZaGAngeE** · 26-09-2011 05:09 AM

المشاركة الأصلية كتبت بواسطة abou_ruqi

انا بالنسبالي يوم 26 ابتدا خلاص و الساعة دلوقتي تسعة و ربع الصبح

مفيش ملحوظات غير ان الدنيا كانت زحمة شوية و في اشارة بقف فيها دقيقتين كل يوم النهاردة و قفت بتاع ست دقايق , هل ده ليه علاقة بالمذنب ؟؟؟

هوه برضه هيجي على الصبح كده
لسه الفطار و الشايو ممكن يكون صاحب مزاج و يحب يضرب حجرين الأول

تصدق انا كنت قلقان و عايز آخد العيال و اخواتي و أجيب شوية بنزين كويسين و خزين أسبوعين و نكت على المنيا في الأدغال لحد ما يبانلها اصحاب .... رحت قلتلهم و عينك ما تشوف الا النور .. خد تريقة و تهريج و اشتغالات للصبح .

و بعدين قعدت أفكر كده شوية لقيت ان لسه بدري على يوم القيامة بس ممكن تكون الأرض زحمة شوية و فيها بتاع 3 ولا 4 مليار زيادة ...
برضه اللي خلاني مش قلقان ان السما عادية جدا و مفيش اي حاجة خالص , حتى القنوات الاخبارية الامريكية و الاوروبية مفيش اي حاجة ..

كده بقى اتأكدت ان البيه بتاع الفيديو ده ضارب برشامتين صراصير و طلبت معاه خراب

**mikho83** · 26-09-2011 09:40 AM

حتى الان (الساعة 8:35) بتوقيت القاهرة الجو كويس جدا،بس الملاحظ إن الطريق كان مش زحمة، اتوقعت إن الناس خافت تروح الشغل. فيه حاجة تانية غريبة حصلت، الراجل صاحب العمارة أجر المحلات اللي تحت في الأرضي لشركة وبدأو بالتكسير في الواجهات، هل ده ليه علاقة بالمذنب؟ سؤال يطرح نفسه وننتظر الجواب.

**icehearted girl** · 26-09-2011 10:57 AM

المشاركة الأصلية كتبت بواسطة wesam_salom

جهزتوا لبس الزلزال

ههههههههههههههههههههههههه هههههههههه

**Egyzizo** · 26-09-2011 11:05 AM

يوم 26-9 يا دوب بدأ الآن فى أمريكا ، موطن النظرية..

بس ان شاء الله خير.

**AirForces** · 26-09-2011 11:08 AM

وهى أن تكون هناك زلازل كبيرة (أقوى من 5 ريختر) تحدث بصورة متواترة (كل يومين مثل على الأقاً) فى أنحاء مختلفة من كوكبنا ..

ايوة يا باشا طبيعى كل يوم بيحصل زلازل من النوع دا بس ما بتوصلش ل6 ريختر إلا كل فترة

دا موقع فيه اخبار الزلازل اللى بتحصل يوميا
Latest Earthquakes in the World - Past 7 days

ودا موقع تانى World Earthquakes Live - Latest earthquakes, earthquake news, earthquakes today, earthquake predictions, earthquake statistics, seismic monitor, real-time earthquakes

إن شاء الله خير

الموضوع: ما هي حقيقة زلزال يوم 26 سبتمبر ؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حقيقة الاهرامات معجزة قرأنية جديدة حقيقة الأهرامات: معجزة قرآنية جديدة آخر اكت

زلزال

زلزال في العربيه

زلزال

زلزال؟ طيب كنت فين في الأولاني؟

الكلمات الدلالية لهذا الموضوع

المفضلات

المفضلات

ضوابط المشاركة