الموضوع: متردد في الزواج

رايي الشخصي قابل جدا انك متخدش بيه او ميعجبكش

من وجهه نظري وملاحظتي انا شايف انك حابب فكرة الزواج نفسها قوي ونفسك تتجوز

الصراحه ان السن مش بيفرق قوي قوي زي ما الناس متخيله شخصيه الراجل هي الي بتفرق في اي جواز شخصيته ولسانه وطريقه تعامله ودينه هو الي بيحدد طريقه تعامل الانثي الي بيتزوجها معاه او علاقته وبيته نفسه

انا شايف انك مقتنع بيها والله الحل والفيصل مش ف السن الفيصل ف دينها واخلاقها واحترامها وعلاقاتها الي قبل كده عليها عامل برده ياتري عاشت ال 30 سنه منغير علاقات او حياه قاعده في بيت اهلها

الاستخارة اخي العزيز وتوكل علي الله

علي النقيض اخي متزوج من انسانه اكبر منه بسنتين وفي مشاكل كتير

اهم حاجه شخصيتها واحترامها وعقلها وانت وشخصيتك وفرضك لرايك بالعقل وطريقتك في تمشيه بيتك وتعاملك مع الانثي الي معاك ك انثي

اتمني من ربنا انه يوفقك في اختيارك ويوفقك للاختيار الصح باذن الله

المشاركة الأصلية كتبت بواسطة دموع الثلج

اتقوا الله فى كلامكم

ايه السطحية دى والرجعية فى التفكير بعض التعلقيات وانا اقرائها حسيت باننا اسم فقط متعلمين ومثقفين وعارفين ما لنا وما علينا

اللى يقولك فكك من السن واللى يقولك اجرى واهرب ...... ليه يعنى هى جوازه ولا مصيبه

وبعدين اصلا صاحب الموضوع نفسه لا يعرف البنت جيدا فكيف لكم بالحكم عليها وعلى طباعها واخلاقها والنصايح بقت نازله ترف عن عدم معرفه بالشخصيه..... هتقولوا لى بناء على كلام العريس مش معلومات كفايه للحكم

وفى الاخر البنى ادم اللى بينوى من الزواج مرضاه الله هيعرف يختار زى ما وصانا الرسول عليه الصلاة والسلام
فاظفر بذات الدين .......... الدين الصحيح يعنى طيبه الخلق والسمعه والاصل والاخلاق والحياء اما موضوع السن تذكر سن ام المؤمنين خديجه كم كان عمرها حينما تزوجت برسول الله ... اه وخلى بالك ده النبى مش حضرتك وسمعته كانت سابقه للنبوه ليه ما تجوزش بنت صغيرة عنه ف السن
والناس اللى بتقول ان حضرتك لسا صغير مش فاهمه صغير ازاى 32 سنه اهاليينا وهم فى السن ده كانوا مخلفين 2 و3 اطفال

انا كنت بفكر ماردش عليك بس ماقدرتش امسك نفسى
انت داخل فينا شمال وناقص تمسك خرزانه وتمدنا على رجلينا

لما واحد بيسال بيقول السن مش عاجب الاهل وردينا عليه قولنا سيبك من السن واهم حاجه الدين والاخلاق والطباع يبقى ايه السطحيه والرجعيه والتخلف اللى احنا فيه واللى ماتقيناش ربنا فيه

هو بيستفسر بس عن موضوع السن وانا شايف انه مش مشكله
سن 32 سنه دلوقتى مش كبير للراجل على الزواج
واضح ان حضرتك مش عارف الظروف الاقتصاديه عامله ازاى دلوقتى ومش عايش فى البلد
الناس بتوع زمان اللى بيتجوزا وهما عندهم 16 سنه كانوا ايام الرخص
ياناس فكروا الاول انتم بتكتبوا ايه قبل ماتحرقوا دم العالم

المشاركة الأصلية كتبت بواسطة koheya

يا عم مصطفى صاحب التعليق واحدة مش واحد وانت اتغظت بسرعة لية كدة.
دى تجربة عملية لصاحب الموضوع اهو رد واحد خلى مصطفى وخلانى اتحرق دمنا وقرب يجلنا شلل رباعى. يبقلى لازم تخلى بالك وتعى الدرس

تصدق انا مخدتش بالى من انها واحده من حرقة الدم اللى واحد شافها لما قرا المشاركه

اصل احنا كلنا نصحنا الراجل بما يرضى الله وقولناله ركز على الدين والطبع والاخلاق
السن امره سهل
ولاقينا اتهام بالرجعيه والسطحيه وعدم اتقاء الله
تحس انها كانت مشاركه ولازم تتكتب وخلاص

المشاركة الأصلية كتبت بواسطة moustafa_saad

تصدق انا مخدتش بالى من انها واحده من حرقة الدم اللى واحد شافها لما قرا المشاركه

اصل احنا كلنا نصحنا الراجل بما يرضى الله وقولناله ركز على الدين والطبع والاخلاق
السن امره سهل
ولاقينا اتهام بالرجعيه والسطحيه وعدم اتقاء الله
تحس انها كانت مشاركه ولازم تتكتب وخلاص

تعليقا على رائى حضرتك دى وجهه نظرى وكل واحد حر فى الرائ اللى مقتنع بيه من حقك تكتبك رائيك ومن حقى اتفق او اختلف معاك وانت كذلك
اضافه الى ان الاعضاء اللى اعجبوا بتعليقك او اتحرق دمهم من تعليقى انا بعبر عن تفكير الجنس الاخر لما اجى ادور على عروسه لاخويا او اخويا يتقدم لبنت وتكون بنفس المواصفات اللى مذكورة ده كان هيكون ردى على اخويا ونصيحتى ليه من وجهه نظر نسائيه
واكيد رائى غير مسيئ لاحد منكم ومش فرض عشان يتحرق دم حضرتك