مساعدين "koni" للابيزا

**msami** · 21-09-2011 02:35 AM

السلام عليكم
انا من كام يوم قررت اني اصلح كل يومين تلاته حاجه في العربيه
بعد ماروحت الحرفين و حطيت العربيه علي الكمبيوتر و ظبت الموتور الحمد لله قررت ابدا بالعفشه ...
نزلت جبت جلب مقصات كبيره و صغيره و بارات دريكسيون و بيض مقصات و ركبتهمو كانت اسعارهم
جوز جلب كبيره و جوز جلب صغيره للمقصات 95 جنيه مكتوب عليهم الماني
جوز بيض مقصات 100 جنيه
جوز بارات دريكسيون 100 جنيه
دا بعد لما الراجل اتخنق مني و كان حيسيب المحل و يمشي بسببي من كتر الفصال و التباته
المهم كنت حجيب كمان اربع مساعدين كانو عاملين 1200 جنيه ففكرت اني اجيب عفشه رياضيه احسن علشان انا كمان مسقط موتور 2000 cc
اصحابي نصحوني ب كوني بس معرفش منين و بكام
و سمعت انها بتيجي بالسوست
فياريت اللي يعرف منين و بكام او عنده معلومات عنها يقوللي
و اجبها و لا اجيب بتاعت العربيه
معلش طولت عليكو و شكرا

**ahmedtunning** · 21-09-2011 10:59 PM

ربنا يكرمك ان شاء الله لل صح بس نصيحه مني سيبك من العفشة الاسبور لانها نشفة اووووي و هتبهدلك الدنيا ركب بتاعت الجولف 3 هتظبط معاك هي اطري من الكوني و الاستيبل بتعها حلوووو جدا انا لسه عامل كده شيلت الكوني من قدام بس خليت اللي ورا وركبت عفشة جولف 3 العربية بقيت مريحه جدا ومفيش هبد ولا تخبيت الحمد لله

**blazer** · 22-09-2011 01:01 AM

لو بتجرى خليك فى الكونى الاسبورت
وانا شايف انك تبدا بتعديل الفرامل اهم من المساعدين
ويسلام لو تركب ebc kit قوه الفرمله هتزيد عندك حوالى 30% على الاقل ودا فرق كبير جدا جدا جدا

**msami** · 22-09-2011 01:36 AM

انا كده ان شاء الله حركب كوني
بس عايز اعرف اعمل ايه بالظبت في الفرامل و اروح لمين؟
ومعلش بردو معرفتش فكره عن اسعار العفشه علشان سمعت كلام مش عارف صح و لا لاء
كلام وصل ل 7000 جنيه و شكرا

**blazer** · 22-09-2011 12:59 PM

يأما هتغير نظام الفرالم عندك كله بواحد استيراد قطر الفرامل اكبر والكاليبرات عدد البساتم فيها اكبر " هيكون طالع من ابيزا اللى ماتورها ibiza vr6"
يأما تغير الطنابير اللى عندك والتيل ب طنابير مخرمه او مشرطه من ماركه زى ebc