تشخيص فى السريع

**mazens** · 22-09-2011 01:36 PM

السلام عليكم جميعاً

العربية عندى فيها الأتى :-

1. بتاكل بنزين ( خربت بيتى فى الأسبوعين اللى فاتو )
2. بوجيهات مهببه
3. دخنه سودا خفيفة من ورا
4. سحب ضعيف
5. صوت موتور عالى
6. وانا واقف على الفرامل والعربية على الدى بتفتف وتنتش لما بتمشى مفيش أى حاجة.

ملحوظات :

العربية وهى ماشى على أى سرعة زى الحلاوة مفيهاش الهوا وصوت الماتور ناعم اكاد مسمعوش ( فيما عدا ان بقى سحبها ضعيف )

نضفت الرشاشات اتعدلت شوية لمدة يوم ورجعت اتنيلت تانى بس الدخن السودة فضلت زى ماهى

ناوى انضف الرشاشات بالطريقة اللى عرضها طنانى فى الفيديو ( جامدة )

فيه حد يقدر يقولى سبب ده إيه ؟ ( أنا شاكك فى حاجه بس مستنى الردود متتأخروش عليا )

**tananybasha** · 22-09-2011 02:20 PM

Maf . Nothing else

**mazens** · 22-09-2011 02:44 PM

فيه حاجه نسيت اقولها ان العربية بقت بتغيب فى الدوارة الصبح وهى باردة

فيه عندى فكرة مجنونة !!!

تعديل الفيكترا ايه وهو اننا نلغى الماف اللى موجود ونعمل تعديل فى خرطوم الهوا اللى داخل بحيث يركب ماف بتاع البى الـ 2000 سىسى ؟

ايه رأيك والموضوع هيبقى وصله خرطوم اللى بيركب فيها ماف البى قبل دخله المانيفول زيادة

**mazens** · 22-09-2011 03:24 PM

انت رحت فيييييييييييين يا كبير ؟

**فادى محمد** · 22-09-2011 03:36 PM

هو فعلا الموضوع مش هيخرج عن كولانت او تي بي اس او ماف ..
ابدا دايما بالاسهل ..اعمل الاتي.
-فك الكولانت هتلاقيه صباع نحاس كده صنفره بحته سلك المونيوم لغايه ما يلمع وركبه وضبط دوره الميه تاني واطلع مشوار واقرص علي الغيار وشوف لسه في هباب علي البوجيهات ولا لا؟؟اذا كانت الاجابه نعم يبقي غير التي بي اس لانه مسؤل اساسي عن التفتفه وقله السحب واخر حاجه تشوفها الماف ..جرب اول اللي قولنا عليه لو مفيش تغيير هقولك طريقه تختبر بيها الماف بتاعك اذا كان سليم ولا ضعيف؟؟

**فادى محمد** · 22-09-2011 04:12 PM

المشاركة الأصلية كتبت بواسطة mazens

ان شاء الله هعيش مع الكولانت النهاردة والتى بى اس

ويا ريت تقولى من دلوقت اختبر الماف ازاى عشان اجرب فى اليومين الاجازة دول بالمرة

ورايك ايه فى فكرة التعديل اللى قولتها بما انك من الناس اللى ليها مواضيع جامدة واتعلمت منهم كتيييييير ؟

ربنا يكرم اصلك....

هتحتاج فولتميتر والافضل يكون ديجيتال

اي ماف فيشته ليها 3 اطراف هتلاقي مكتوب عليه a b c
اولا اختبار الفولت
وصل a مع c وشغل الموتور لازم الفولت =5 فولت
ثانيا اختبار الاشاره
وصل b مع اي ارضي ولاحظ الاتي
-القيمه لا تقل عن 4 فولت مع بدايه التشغيل
-القيمه من 1 الي 1.5 فولت مع السلانسيه
-القيمه من 4.5 الي 5 فولت مع الضغط الخفيف علي دواسه البنزين .

السؤال اللي علي لسانك وعاوز تساله هتوصل السلكتين ازاي والفيشه بتاعه الماف راكبه؟؟
هات دبوس ابره سنه رفيع وشك بيه السلك اللي انت عاوز تقيس منه وراس الدبوس وصله بسلك علي الافوميتر علطول .وربنا يوفقك

**tananybasha** · 22-09-2011 05:01 PM

مينفعشى حوار تعديل الماف
و ملهاش حل

-

-

-

الموضوع: تشخيص فى السريع

LinkBack

أدوات الموضوع

عرض

تشخيص فى السريع - انشر الموضوع فى :

-

-

-

-

-

-

المواضيع المتشابهه

محتاج تشخيص مناسب

البيتلز و تشخيص العطل

تشخيص عطل

محتاج تشخيص لعطل فى الفرامل

الكلمات الدلالية لهذا الموضوع

المفضلات

المفضلات

ضوابط المشاركة