الموضوع: محتار في عربية هاتشباك !!!

المشاركة الأصلية كتبت بواسطة rs12

تفكيرك سليم جدا

الليون للأسف مش عارف امتى هينزل الشكل الجديد بالظبط ، بس انا بسمع الكلام ده من فترة ، و ممكن حد من اعضاء قسم سيات يفيدك اكثر

و بالنسبة للـ dsg فأنا مجربتوش بس كل خبرتى فيه من خلال المواضيع هنا فى المنتدى و ناس كثير حذرت منه ، فأكيد حضرتك ادرى منى فى الموضوع ده

الوكيل عامل مهم برضه ، وو ممكن لو مش تمام يسبب لك مشاكل فى المستقبل ، بس كعربية انا شايف البرافو ماشاء الله وحش على الطريق

السى فور الشكل الجديد اكيد هيبقى اغلى ، بس انا معنديش معلومات مؤكدة ، و اظن انها هتنزل بموتور المينى كوبر ( مش متأكد برضه ) بس الطبيعى ان اى عربية لما الشكل الجديد بينزل بتاعها فى مصر بتغلى ..

هدور لحضرتك على لينكات لعربيات ستروين ان شاء الله و هحطهالك اول ما اجيبها ان شاء الله

و ان شاء الله لو ربنا كرم و رحت المعرض هعمل تقرير عنهم فى قسم ستروين ان شاء الله

و بالنسبة للميجان فأنا معايا ميجان 2006 و الحمد لله العربية تمام .. متنساش حضرتك ان فيه فرق موديل اكثر من 10 سنين ، يعنى هيبقى فيه فرق فى التكنولوجيا و جودة الصناعة و كل حاجة

ممكن تشوف الهيونداى الفيلوستر عربية شكلها جديد و جميلة و اوبشنز عالية برضه

و اخيرا سلامتك يا باشا الف سلامة و ان شاء الله تقوم بالسلامة ان شاء الله و ترجع تسوق العربية اللى نفسك فيها

ماشي يا باشا انا معاك فالانت قلتو كلو عن السي 4 لو غليت في حدود المعقول يبقى ممكن بس مثلا متبقاش ب 160 الف يعني بتمن البرافو او الليون .... بالنسبة لليون ايه رأي حضرتك فيها بغض النظر عن الفتيس و الشكل الجديد .. يعني كعربية ..بالنسبة لموضوع الوكيل ده انا بتامل مع مركز خدمة في اكتوبر بتاع واحد جاري هو بيجيبلي الحاجه و الصيانه و الحجات دي هو اصلا بتاع نيسان ... بس كخدمة بيعملي الحاجه لأي عربية انا بوديهالو ... الميجان انا عارف انها احسن بكتيير من زمان بس انت عارف الفي داء يعني مش هبقى مستحمل اني ابقى راكب ميجان تاني .. ولو ان الشكل الجديد عجبني ... الهيونداي انا بتكلم في اوروبي يعني صعب اني اركب كووري والله مش هزار الركب الاوروبي صعب يركب غيرو .. بغض النظر عن حبي لعربيتي النيسان الا ان الجيتا تفوقها بمراحل... و في الاخر الله يسلمك يا باشا و معلش تعبك معايا

المشاركة الأصلية كتبت بواسطة rs12

هو انا شبه متأكد انها هتعدى الـ 160 مش هتقف عندها لو نزلت كاملة و ان كنت اتمنى غير ذلك .. بس انا سمعت من فترة على لسان واحد من التوكيل ان سعرها هيكون 180 الف .. عموما الموضوع مش هيبان الا فى اوتوماك ..

الليون عربية ممتازة فعلا بس مشكلتها ان الموتور مش قوى فعلا .. هو مش ضعيف بس و لا حاجة جمب البرافو .. بس انا شايف بصراحة انك تدفع 160 الف فى عربية شكلها هيتغير خلاص .. بالذات ان واضح من كلام حضرتك انك جايب العربية للاستمتاع بيها يعنى مش عربية تقضى الغرض منها و خلاص .. فحرام تدفع مبلغ كبير فى عربية مش منتشرة و الشكل الجديد على الابواب .. العربية مفيهاش عيوب .. بس فى الظروف اللى الاختيار فيها انا شايف انها متكسبش ..

الميجان مدام مش مرتاح للعربية من الاول متفكرش فيها و وجهة نظرك صح .. لو العربية تمام التمام بس حاسس ان فيها مشكلة هتفضل متضايق منها ..

الاوروبى طبعا يكسب يا باشا .. و والله انا فضلت السى فور على عربيات بضعف ثمنها عشان ملقيتش الا عربيات كورى زيرو بس فى الرينج اللى كنت بفكر فيه .. انا بس كنت بلفت نظر حضرتك ليها مش اكثر ..

انا شايف انك ظالم الصنى فى المقارنة ما بينها و ما بين الجيتا .. متنساش يا باشا ان الجيتا تقريبا بضعف ثمن الصنى

من الاخر انا لو مكان حضرتك : bravo pkg-6 او citroen ds3

و مفيش تعب و لا حاجة يا باشا .. احنا هنا كلنا اخوات و بنساعد بعض

اكيد انا ظالم الصنى هي مينفعش تتقارن مع الجيتا اتا عارف بس انا بتكلم على فكرة البركبوا كل يوم يعني الصني معايا قبل الجيتا بسنتين المفروض اكون اخدت عليها بس والله بعد ماركبت الجيتا نسيت سواقة الصني في فرق في دوسة البنزين يا راجل :) انا كده بميل اكتر واحده واحده للبرافو عشان ال Ds3 دي هتبقى اول نزولة ليها في السوق هو كويس موضوع انك تبقى اول واحد في مصر راكبها بس الخوف تطلع مقلب او حاجه ولا انت رأيك ايه ؟

المشاركة الأصلية كتبت بواسطة rs12

اكيد يا باشا الجيتا احسن ، و الكورى برضه مش وحش .. و اليابانى اكيد كويس برضه ، طبعا الاوروبى اعلى منهم بس كمقارنة شاملة فى كل حاجة حسب

الظروف ممكن الكورى يكسب دا كل اللى انا بتكلم فيه , بس لو مقرانة عربية بعربية من غير اى عوامل ثانية اكيد الاوروبى يكسب

هو طبعا موضوع انك تبقى من اوائل الناس اللى يركبوها ميزة و عيب فى نفس الوقت زى ما حضرتك قلت .. بس انا شايف انها صعب تطلع مقلب لأن حضرتك هتبقى عارف الموتور اللى هو نفس موتور المينى كوبر و عارف الاوبشنز و شايف شكلها و عارف انت مستريح فيها و لا لا قبل ما تشترى و سيتروين مش شركة قليلة فمفيش خوف من الجودة .. كل الخوف من اسعار قطع الغيار بس .. ممكن تسأل فى التوكيل قبل ما تشترى برضه و تطمن .. و ميزة ان العربية مش منتشرة انا شايفها جامدة اوى بالذات لو عربية ستايل

ردك منطقي والله يا باشا انا سعيد بالنقاش معاك :) :) بص هو الخوف مش من سيتروين الخوف هيبقى من الوكيل الممكن اسألوا يقلك كلو هيبقى موجود يا باشا والكلام ده بحكم ان العربية جديده لسه نازلة السوق او بمعني اخر منزلتش ... وفي الاخر يقلك مش موجود لما يحصلك حاجه لا قدر الله .. و على فكرة لو حضرتك اخدت بالك انا كل الانا منقى مش منتشر عارف انها ميزة بس مكنش انا اول من يجرب برضه دي تقيلة شوية

المشاركة الأصلية كتبت بواسطة rs12

و الله و انا اسعد بالنقاش عشان ماشاء الله واضح ان حضرتك فاهم و مش عايز تركب اى حاجة شكلها حلو و خلاص

هو انا بصراحة شايف الخوف من عدم التوافر جوة التوكيل مش اوى يعنى .. الخوف من اسعار قطع الغيار .. حضرتك عارف طبعا ان اسعار قطع غيار عربية عادية زى الـ c4 فى التوكيل اسعار تعتبر عالية .. فالـ ds3 عربية جديدة و مش اى حد هيركبها طبعا فأعتقد ان سعره قطع غيارها هيبقى مشكلة و ان كان الكلام دا مش عن يقين .. انا برضه نفسى اعرف النقطة ديه لأن ان شاء الله لو ربنا كرم ممكن افكر فيها فى المستقبل

اه يا باشا فعلا اختياراتك مميزة و انا شايف كده من اول الموضوع فعلا .. هى فعلا مخااطرة بس زى ما قلت لحضرتك ليها مميزات و ليها عيوب

ربنا يخليك يا ياشا :) و ان شاء الله ربنا يقدم الفيه الخير بما اني تقريبا مش هشترى دلوقتي الا ال 116i لو ربنا كرم يبقى طالما هستنى الشهرين نشوف نظام ال ds3 دي ايه :) بعد سهرين مثلا من المعرض و نظام الاقبال و نقرر بأذن الله :)