الموضوع: محتار في عربية هاتشباك !!!

المشاركة الأصلية كتبت بواسطة sehs02

بسم الله الرحمن الرحيم

الواحد اتعود امه قبل ما ياخد قرار في العربيات يستشير هنا في المنتدى و الحمدلله القرار البخده مبندمش عليه دلوقتي انا عايز اجيب عربيه هاتشباك تكون حلوة كده و الميزانية كويسة و الحمد لله ممكن توصل كده لل160 الف
فأنا محتار جدا مبين

1 - سيات ليون
2 - فيات برافو
3 - ستروين c4
4 - ميجان هاتشباك
مع العلم اني ميال اكتر لليون عشان سمعت عنها كل خير
مستبعد الجولف عشان سعرها و كمان شكل الجولف 6 مش عاجبني اوي
محتاج مساعده في الأختيار بحيئ اني هشتري في خلال 3 اشهر بس اخلص كام حاجه و ابيع الصني المعايا و يا مسهل يارب

أولا أحيك تحية كبيييييييره جدا جدا على ذوقك و اختياراتك .. أيا كان .. كلهم حلوين جدا و مش هتندم على أي حاجة فيهم بإذن الله...

ندخل في الموضوع .. مع مراعاة إني شايف إنك مش فارق معاك التوكيل و قطع الغيار و ده في حد ذاته مريح .. كده هنقارن عربية بعربية ليس إلا .. و كله أوروبي .. يا سلاااااااااام .. أموت أنا في الحاجات الحلوة دي .. ده كلام الناس العاقلين ... المهم يا باشا :

- ميجان .. تكنولوجيت عفشة متطورة ، و كماليات و أوبشنات عالية جدا ، و أمان جيد جدا ، مريحة جدا في السفر ، اتساع داخلي ممتاز ، ولكن يعيبها الموتور الضعيف ، التكنولوجيا الفيتيس و الموتور الغير متناسبة مع 2012 لرينو فلن تشعر بمتعة القيادة الأوروبية الحقيقة للهاتشباك معاها قد كده.
- سيتروين c4 .. شكل ثوري خاصة الشكل الجديد ، تقفيل جيد جدا ، كماليات مناسبة ، موتورها أقوى من الميجان لكنه أضعف من الليون أو البرافو .
- الليون .. عربية متكاملة بالفعل ، فقط كانت تحتاج إضافة من الكماليات و الأوبشنز و تطوير في شكل التابلوه الداخلي.
- البرافو .. وحش بمعنى الكلمة ، دهان أعلى و صاج مصنع بتكنولوجيا متطورة ، ثبات عالي جدا ، أقوى موتور ، أمان ممتاز ، أوبشنز لا حدود لها .

بصراحه أنا شايف البرافو تتفوق .. تقريبا مش عارف أشوف فيها عيوب .. ده غير إن موتورها أقوى من الكل ، و فيتيسها ممتع جداااااااا .. لو عايز تحس بمتعة الأوروبي الهاتش باك فعلا .. توكل على الله في البرافو.

المشاركة الأصلية كتبت بواسطة scud

يافندم الراجل بيتكلم على 4 عربيات "أصلى" مش شكل وخلاص!! هو عايز european c-segment hatchback
والله نافخ واحدة من أسبوع على الدائرى, زحفته من بعد المعادى.. لحد نفق التجمع, ماشفتش أنا 130 حصان ولا حاجة.. كنت فاكرها أجمد من كده... طلعت "هيونداى"

وجهة نظرى:

- الـc4 الشكل الجديد ممكن تشوفه بعد كام يوم فى أوتوماك! لكن فنيا: العربية هى هى البيجو 308 بالضبط.. عربيات محترمة, لكن يعيبها الوكلاء

- الميجان iii: تمام, بس لو بتدور على أداء مع الشكل.. مش هتعجبك عشان ثقيلة+موتور أقل (105 حصان) وفتيس قديم (4-أوتو)!!

- البرافو: مابينزلش منها غير فئتين pkg5, pkg6 أقلهم 159 ألف.. شكل جامد+موتور فااااااااجر(أقوى من أى 1600 فـ مصر)+فتيس راااااااائع
يعيبها التوكيل: مش qualified أوى لمستوى العربية لكن أسعاره معقولة (الى حد ما), وحاجتها بدأت تنتشر برا التوكيل..

- الليون: بصرف النظر عن أن الشكل الجديد mk iii فى 2012... الأداء هيبقى متواضع جدا, حتى مع الفتيس الـdsg (الفتيس ده عايز tsi يافندم)..
وكمان, لو أنت سواق enthusiast: مش هتلاقى فرق كبير بينها وبين الجيتا اللى معاك.. (الأتنين وااااااااااااحد).. غير لمدرسة تانى!

رأيى الشخصى: برافو تربو 120 dualogic

كل اللي أقدر أقوله بجد بعد كلامك الجميل ده ..... انت رااااااااجل محترمممممممممم ، و يارب يكون بس عندنا 10% من الشعب المصري بيفكر زيك.

المشاركة الأصلية كتبت بواسطة rs12

هو انا شبه متأكد انها هتعدى الـ 160 مش هتقف عندها لو نزلت كاملة و ان كنت اتمنى غير ذلك .. بس انا سمعت من فترة على لسان واحد من التوكيل ان سعرها هيكون 180 الف .. عموما الموضوع مش هيبان الا فى اوتوماك ..

الليون عربية ممتازة فعلا بس مشكلتها ان الموتور مش قوى فعلا .. هو مش ضعيف بس و لا حاجة جمب البرافو .. بس انا شايف بصراحة انك تدفع 160 الف فى عربية شكلها هيتغير خلاص .. بالذات ان واضح من كلام حضرتك انك جايب العربية للاستمتاع بيها يعنى مش عربية تقضى الغرض منها و خلاص .. فحرام تدفع مبلغ كبير فى عربية مش منتشرة و الشكل الجديد على الابواب .. العربية مفيهاش عيوب .. بس فى الظروف اللى الاختيار فيها انا شايف انها متكسبش ..

الميجان مدام مش مرتاح للعربية من الاول متفكرش فيها و وجهة نظرك صح .. لو العربية تمام التمام بس حاسس ان فيها مشكلة هتفضل متضايق منها ..

الاوروبى طبعا يكسب يا باشا .. و والله انا فضلت السى فور على عربيات بضعف ثمنها عشان ملقيتش الا عربيات كورى زيرو بس فى الرينج اللى كنت بفكر فيه .. انا بس كنت بلفت نظر حضرتك ليها مش اكثر ..

انا شايف انك ظالم الصنى فى المقارنة ما بينها و ما بين الجيتا .. متنساش يا باشا ان الجيتا تقريبا بضعف ثمن الصنى

من الاخر انا لو مكان حضرتك : bravo pkg-6 او citroen ds3

و مفيش تعب و لا حاجة يا باشا .. احنا هنا كلنا اخوات و بنساعد بعض

اكيد انا ظالم الصنى هي مينفعش تتقارن مع الجيتا اتا عارف بس انا بتكلم على فكرة البركبوا كل يوم يعني الصني معايا قبل الجيتا بسنتين المفروض اكون اخدت عليها بس والله بعد ماركبت الجيتا نسيت سواقة الصني في فرق في دوسة البنزين يا راجل :) انا كده بميل اكتر واحده واحده للبرافو عشان ال Ds3 دي هتبقى اول نزولة ليها في السوق هو كويس موضوع انك تبقى اول واحد في مصر راكبها بس الخوف تطلع مقلب او حاجه ولا انت رأيك ايه ؟

المشاركة الأصلية كتبت بواسطة ahmedmohamed7

فيات برافو متوفرة الان من خلال طرازين فقط pk5وpk6
5 فى حدود 158
6 فى حدود168
اه طبعا الاسعار نطت مره واحده كده... توكيل فيات_اوماتره_زود اسعار جميع سيارات فيات بما فيهم البرافو و الايفو :)
مثلا سعر برافو pk5 كان 140 و بعدين بقى 145 و دلوقتى 158 !

والله عندك حق الاسعار نطت مر واحده حتى الليون كانت ب140 بقت ب159 لسه سأل امبارح في التوكيل قالي 164 ... الواحد مش عارف يعمل ايه والله

المشاركة الأصلية كتبت بواسطة dawns_mist

أولا أحيك تحية كبيييييييره جدا جدا على ذوقك و اختياراتك .. أيا كان .. كلهم حلوين جدا و مش هتندم على أي حاجة فيهم بإذن الله...

ندخل في الموضوع .. مع مراعاة إني شايف إنك مش فارق معاك التوكيل و قطع الغيار و ده في حد ذاته مريح .. كده هنقارن عربية بعربية ليس إلا .. و كله أوروبي .. يا سلاااااااااام .. أموت أنا في الحاجات الحلوة دي .. ده كلام الناس العاقلين ... المهم يا باشا :

- ميجان .. تكنولوجيت عفشة متطورة ، و كماليات و أوبشنات عالية جدا ، و أمان جيد جدا ، مريحة جدا في السفر ، اتساع داخلي ممتاز ، ولكن يعيبها الموتور الضعيف ، التكنولوجيا الفيتيس و الموتور الغير متناسبة مع 2012 لرينو فلن تشعر بمتعة القيادة الأوروبية الحقيقة للهاتشباك معاها قد كده.
- سيتروين c4 .. شكل ثوري خاصة الشكل الجديد ، تقفيل جيد جدا ، كماليات مناسبة ، موتورها أقوى من الميجان لكنه أضعف من الليون أو البرافو .
- الليون .. عربية متكاملة بالفعل ، فقط كانت تحتاج إضافة من الكماليات و الأوبشنز و تطوير في شكل التابلوه الداخلي.
- البرافو .. وحش بمعنى الكلمة ، دهان أعلى و صاج مصنع بتكنولوجيا متطورة ، ثبات عالي جدا ، أقوى موتور ، أمان ممتاز ، أوبشنز لا حدود لها .

بصراحه أنا شايف البرافو تتفوق .. تقريبا مش عارف أشوف فيها عيوب .. ده غير إن موتورها أقوى من الكل ، و فيتيسها ممتع جداااااااا .. لو عايز تحس بمتعة الأوروبي الهاتش باك فعلا .. توكل على الله في البرافو.

.

تمام تمام يعني انا ابتديت اقتنع بالبرافو فعلا متشكر لحضرتك :)

ممكن استفسر عن الBMW 116i معنديش مانع ان الواحد يزود الفلوس شوبة بس يركب bmw في الاخر انا قريت في السيارات عن الشكل الجديد و عايز اعرف سعرة بحكم اني كلمت الوكيل قالي الsales بكرة في اتوماك و مرضاش يقول السعر زي مايكون سر مثلا ... و بحكم رجلي هبعت اخويا اتوماك بس طبعا مش بكرة هيبقى يوم التلات او الاربع فعايز اعرف السعر لو حد يعرفوا