الموضوع: محتار في عربية هاتشباك !!!

المشاركة الأصلية كتبت بواسطة rs12

اولا انا بحييى حضرتك انك فكرت تجيب هاتشباك بالمبلغ ده
ثانيا اختيارات كلها جيدة مااشاء الله , انا هحاول افيدك بالقدر اللى عندى من المعلومات

السيات ليون : عربية ممتازة و طبعا واخدة كثير من الجولف 5 و ماشاء الله تقفيلها جميل بس الشكل الجديد نازل قريب و الفتيس الـ dsg اكثر من حد اشتكى منه عشان المشاكل اللى فيه بس هى اجمالا عربية ممتازة

البرافو : عربية ماشاء الله , شكل مميز جدا , موتور قوى , اوبشنز حلوة ما يعيبهاش غير التوكيل اللى معظم اعضاء فيات بيشتكوا منو , بس هى عربية وحش على الطريق ..

الـ c4 : عربية ممتازة برضه ، بس مش واخدة حقها خالص فى مصر و سعر اعادة البيع فى الارض اصلا ، غير طبعا الشكل الجديد خلاص نازل فى اوتوماك ، فملهاش معنى تجيب عربية شكلها الجديد نزل ، و فى نفس الوقت سعرها اصلا بيقل ، و متهيألى التوكيل هيعمل عروض حلوة على الشكل القديم بعد ما الجديد ينزل عشان هى سوقها مش ماشى اصلا ، بس عربية ممتازة

الميجان 3 : ممتازة برضه ، و شكل جميل من الداخل و الخارج ، يميزها التوكيل الكويس بتاع رينو ، و يعيبها ان موتورها اضعف من البرافو شويتين

رأيى تستنى اوتوماك هيفتح يوم السبت الجاى ان شاء الله ، و فيه عربيات كثير هتنزل ، ففرصة ممتازة انك تشوف كله على الطبيعة فى مكان واحد و وقت واحد و بالتوفيق ان شاء الله

p.s : يا ريت تعدى على عربيات ستروين الجديدة ds3 , ds4 , new c4

+1

المشاركة الأصلية كتبت بواسطة Scud

يافندم الراجل بيتكلم على 4 عربيات "أصلى" مش شكل وخلاص!! هو عايز European C-Segment Hatchback
والله نافخ واحدة من أسبوع على الدائرى, زحفته من بعد المعادى.. لحد نفق التجمع, ماشفتش أنا 130 حصان ولا حاجة.. كنت فاكرها أجمد من كده... طلعت "هيونداى"

وجهة نظرى:

- الـC4 الشكل الجديد ممكن تشوفه بعد كام يوم فى أوتوماك! لكن فنيا: العربية هى هى البيجو 308 بالضبط.. عربيات محترمة, لكن يعيبها الوكلاء

- الميجان III: تمام, بس لو بتدور على أداء مع الشكل.. مش هتعجبك عشان ثقيلة+موتور أقل (105 حصان) وفتيس قديم (4-أوتو)!!

- البرافو: مابينزلش منها غير فئتين Pkg5, Pkg6 أقلهم 159 ألف.. شكل جامد+موتور فااااااااجر(أقوى من أى 1600 فـ مصر)+فتيس راااااااائع
يعيبها التوكيل: مش qualified أوى لمستوى العربية لكن أسعاره معقولة (الى حد ما), وحاجتها بدأت تنتشر برا التوكيل..

- الليون: بصرف النظر عن أن الشكل الجديد Mk III فى 2012... الأداء هيبقى متواضع جدا, حتى مع الفتيس الـDSG (الفتيس ده عايز TSI يافندم)..
وكمان, لو أنت سواق Enthusiast: مش هتلاقى فرق كبير بينها وبين الجيتا اللى معاك.. (الأتنين وااااااااااااحد).. غير لمدرسة تانى!

رأيى الشخصى: برافو تربو 120 Dualogic

+1
another perfect reply :)

المشاركة الأصلية كتبت بواسطة sehs02

انا مسقتش ولا واحده فيهم للأسف بس انا كلهم معجب بيهم جدا بما اني نويت ف بحاول اخد اراء مع اني عارف ان في البلد دي لما تنوي تجيب عربية لو سألت الناس مش هتجيب حاجه خالص ..
و كده حضرتك فاهمني انا عايز اوروبي عشان زي مقلت الركب اوروبي صعب يغيروا .. انا تقريبا استبعدت الميجان من حسبتي خلاص ... كده نفضل السي 4 بعد موضوع انها شكلها اتغير ده يضمنلي 5 سنين مثلا بعربيه شكل جديد عن الليون الهيتغير كمان سنه زي ما بتقولو و كمان ارخص و عربية حلوه .. البرافو انا فعلا كنت ناويها بس سمعت انها غليت عن الاول الكلام ده صح ولا لأ و سعرها كام الpkg5 .... pkg6 و ايه الفرق مبينهم

فيات برافو متوفرة الان من خلال طرازين فقط PK5وPk6
5 فى حدود 158
6 فى حدود168
اه طبعا الاسعار نطت مره واحده كده... توكيل فيات_اوماتره_زود اسعار جميع سيارات فيات بما فيهم البرافو و الايفو :)
مثلا سعر برافو PK5 كان 140 و بعدين بقى 145 و دلوقتى 158 !

اولا انا عايز احى حضرتك على اختيارتك :)
ثانيا انا عايز استفسر عن موتور c4 هينزلوها 1600 تيربو و لا عادى ؟؟؟؟ لو تيربو اعتقدهتبقى موتورها كويس جدا, شكل جديد و امكانيات هايلة ؟ ولا ايه ؟

المشاركة الأصلية كتبت بواسطة Scud

يافندم الراجل بيتكلم على 4 عربيات "أصلى" مش شكل وخلاص!! هو عايز European C-Segment Hatchback
والله نافخ واحدة من أسبوع على الدائرى, زحفته من بعد المعادى.. لحد نفق التجمع, ماشفتش أنا 130 حصان ولا حاجة.. كنت فاكرها أجمد من كده... طلعت "هيونداى"

استاذ scud

انا علقت على شكلها و الاوبشنز اللى فيها و دول اللى انا شايف انها متميزة فيهم

مجبتش سيرة تسارع او موتور لأنى مسوقتهاش و لا شوفتها ماشية .. و انا كنت شبه متأكد ان البرافو تطلع منها و حضرتك أكدتلى الموضوع ده .. انا عارف يعنى ايه برافو و ذكرت فى ردودى قبل كده انها وحش على الطريق ماشاء الله .. و لا يعيبها الا توكيلها و اظن حضرتك متفق معايا فى الكلام ده .. بس انا شايف ان الفيلوستر شكل اجدد و اوبشنز اعلى ده كل ما فى الموضوع .. و انا رشحتها عشان اوسع دايرة الاختيار مش اكثر .. و محتطهاش first choice .. انا لو مكان صاحب الموضوع اكيد مش هجيب فيلوستر ..

و عموما انا بحترم رأى حضرتك جدا لأنك دايما بتتكلم عن فهم و خبرة مش اى كلام و خلاص مع اختلافى شوية فى تعصبك الدائم للاوروبى .. و عدم اعترافك بالكورى خالص .. و على فكرة مفيش اى عربية من اللى عندنا كورى عشان ادافع عنها .. الاوروبى اكيد احسن .. بس الكورى ليه مميزات برضه .. و دا مثبت على ارض الواقع من خلال المبيعات

فى النهاية اتشرف انى اتكلم مع حد فى خبرة حضرتك