الموضوع: محتار في عربية هاتشباك !!!

المشاركة الأصلية كتبت بواسطة moe86

قصدى أقول إبعد عن البرافو علشان توكيلها سىْ جدا جدا, روح قسم فيات هتلاقى الناس كلها بتشتم التوكيل هناك
و الليون كعربية جامدة جدا بس مشكلتها الفتيس الdsg دة أعطاله واردة و متكررة, برضو هتلاقى ناس كتير فى قسم vw بيشتكوا من مشاكل الdsg
الميجان 3, رغم قلة انتشارها, مافيش فيها عيوب منتشرة خالص, حتى لو دورت على النت هتلاقى عيبها الأساسى سعر إعادة البيع

[youtube]http://www.youtube.com/watch?v=2pkn1zl4rr8[/youtube]

فكرت فى البيجو 308 ؟ دى حلوة برضو
[youtube]http://www.youtube.com/watch?v=ocyoh9uarb4&nr=1[/youtube]



طبعا, عايز أقول إن ميجان 2 كانت عربية محترمة و ميجان 3 بقت أحلى كمان

على فكرة يا باشا انا بحترم اراء حضرتك جدا لأنك من الناس القلائل اللى مش متعصبين للماركة بتاعت عربياتهم و بتقول الصح دايما حتى لو ضد فيات :b4_388:

و الـ 308 اختيار ممتاز برضه و متهيألى اوبشنز اكثر من السى فور

المشاركة الأصلية كتبت بواسطة sehs02

ربنا يخليك يا مهاب على فكرة مش اصغر ولا حاجه انا كمان 22 سنه بصراحه انا بحب العربيه من زمان اصلا من ساعت مشفت شكلها و عاجبني حوار الدريكسيون البيلق و العلامه و المالتي سابتين و حاجات كتيير بس لو البروشور موجود في حتة :@:@ و السي 3 دي بحسها صغيرة اوي انما انت رأيك في العربية السي 4 انها ممتازة و انا كمان رأيي كده بس ربنا يستر بقا لما اجي اشتري كمان شهرين 3 الاقي الشكل ده و احبطنى انت في البانوراما ده :) بس اما نشوف ممكن نجيب واحده 2010 يوزد ولا حاجه و نحوش شوية لما اقوم ان شاء الله و هقلك بعد ما اكلم الراجل ان شاء الله

طيب يا معلم احنا قد بعض تقريبا

الدريكسيون ديه حركة جامدة جدا و على فكرة ليها ميزة غير الشكل و غير ان مكان مفاتيح المالتى ثابتة ان الايرباج لا قدر الله تأثيرها بيبقى افضل لأنها فى مكان ثابت مبتلفش مع الدريكسيون فده مخليهم يقدروا يعملوا الايرباج بشكل يحمى اكثر .. البروشور انا عندى واحد بس عز العرب دايما بيجيب البروشور بتاع بلاد برة و انت اكيد عارف ان الاوبشنز و المواتير بتختلف خالص .. و فيه حركة ثانية بتاعت نور التابلوه بينور زى الفانتازيا و السى كلاس شريط فوق كده و ده بيساعد انه يبين حدود العربية بالظبط للعربيات الثانية اكثر من النور الواطى العادى .. الناس ديه مش بتعمل اى حاجة و خلاص .. كل حاجة بتبقى مدروسة و ليها فايدة

السى 3 مش صغيرة اوى بس هى اكيد اصغر من السى 4 و فى الاخر طبعا اللى يريحك هو الاهم

لو عايز الشكل ده حاول لو ممكن تحجز حتى لو بفلوس رمزية لو ينفع لأنهم اكيد مش هيجيبوا منو جديد لما يخلص الاستوك اللى عندهم ..

حوار البانوراما ده انا اتناقشت فيه مع الناس بتوعهم فى اوتوماك و بصراحة موقفين ناس محترمة و فاهمة ماشاء الله و حاول يقنعنى انهم عملوا كده عشان مشاكل كثير فى السى فور 2011 و ما قبلها و ان البانوراما بتتكلف 15 الف و ممكن زلطة او توبة على الدائرى تخلصلك عليها بس انا بصراحة مقتنعتش يعنى ممكن ينزلوها اوبشن و اللى عايز يجيبها يتحمل .. بس عامة هى برضه فعلا ليها خطورة فى مصر بس هى اوبشن جامد جدا

و يا ريت تطمنى عملت مع الراجل ايه و ان شاء الله تبقى من مالكى الـ c4 قريب

و على فكرة موضوع اليوزد ده ممكن ينفعك فى السى فور عشان بتنزل جامد .. فممكن توفر فلوسك و فيه واحدة كانت هنا بتاعت استاذ سامح كانت معروضة بـ 103 و كانت ماشاء الله زى الزيرو