فورد اسكورت و مشكلة في السحب ... سحبها قليل قوي و صوت الماتور و ال ر ب م عالي !!!

**egy_3assy** · 22-09-2011 04:01 PM

يا جماعة انا لسة جايب عربية فورد اسكورت .. عندي مشكلة و محتاج احلها في اسرع وقت .. اولا التكييف ضعيف شوية اعتقد عايز شحن .. انا ساكن في النزهه الجديدة و نفسي في حد قريب , المشكلة التانية والاهم . المارش فيه صوت خشن كدة وانا بدور و لازم اكاركلها كدة عشان تدور ولازم اقفل الكاسيت و اي انوار عشان تدور. ياريت حد يفيدني

بعديها بكام يوم ...

العربية سحبها غريب جدا .. يعني التاني مبيجبش اكتر من 20 و لو جبت 80 بيها لازم انقل علي الخامس و في نفس الوقت جابت 100 بالعافية مع العلم ان عدادها 220 و طبعا دة مش سحبها العادي و دة من غير تكييف.. المشكلة في علبة البيئة ولا فلتر من الفلاتر و لا مشكلة اية بالظبط ولا حاجة في الدبرياج و قلقان جدا من فتي الميكانيكية .. محتاج المساعدة ضروري عشان عندي سفر قريب و لازم تتظبط.. يارب حد يكون عندة خبرة يساعدني او يدلني علي طريق حد كويس. تبع مصر الجديدة او جسر السويس او مدينة نصر.

**gazzar91** · 22-09-2011 06:19 PM

المشاركة الأصلية كتبت بواسطة egy_3assy

يا جماعة انا لسة جايب عربية فورد اسكورت .. عندي مشكلة و محتاج احلها في اسرع وقت .. اولا التكييف ضعيف شوية اعتقد عايز شحن .. انا ساكن في النزهه الجديدة و نفسي في حد قريب , المشكلة التانية والاهم . المارش فيه صوت خشن كدة وانا بدور و لازم اكاركلها كدة عشان تدور ولازم اقفل الكاسيت و اي انوار عشان تدور. ياريت حد يفيدني

بعديها بكام يوم ...

العربية سحبها غريب جدا .. يعني التاني مبيجبش اكتر من 20 و لو جبت 80 بيها لازم انقل علي الخامس و في نفس الوقت جابت 100 بالعافية مع العلم ان عدادها 220 و طبعا دة مش سحبها العادي و دة من غير تكييف.. المشكلة في علبة البيئة ولا فلتر من الفلاتر و لا مشكلة اية بالظبط ولا حاجة في الدبرياج و قلقان جدا من فتي الميكانيكية .. محتاج المساعدة ضروري عشان عندي سفر قريب و لازم تتظبط.. يارب حد يكون عندة خبرة يساعدني او يدلني علي طريق حد كويس. تبع مصر الجديدة او جسر السويس او مدينة نصر.

أولا بالنسبة للتكييف في واحد اسمه مركز الحمد في شارع عمر الدسوقي اللي فيه مسجد الحاجة زاهية في النزهة الجديدة و دي نمرته 0108206899 - 0122881603
لو الـ RPM بيعلى و مافيش سحب يبقى قطعاً طقم دبرياج بيودع و هتلاقيه مرة بتيله الغيار يقولك بححححححح

و للأسف معرفش حد بيشتغل فيها
و على فكرة أنا جارك

في رعاية الله

**egy_3assy** · 25-09-2011 10:07 AM

طب ماشي بس دا كويس في التكييف يعني و اسعارة اية ؟؟ و انا غيرت طقم بوجيهات و فيلتر هوا ... العربية سحبها اتعدل كتير بس بردو مش دا اداء العربية دي .. رايك اشوف الدبرياج؟ علما بان العربية صوتها اتحسن قوي عن الاول بس السحب ممكن يتظبط عن كدة.

**egy_3assy** · 25-09-2011 10:08 AM

وبعدين طلما جيران منتقابل يعني ... ياسلام :] .. انتا ساكن فين اصلا؟

**aYaBooY** · 26-09-2011 05:13 PM

الف مبروك العربية اولا و طبعا هانكون سعداء لما تشرفنا في قسم فورد
عاوز اعرف انت معاك انهي اسكورت
1300 سيدان
1600 سيدان زيتيك
1600 ليفت باك كاربراتير
و نصيحة محدش يلمس العربية ديه غير متخصص فورد
اقرب واحد ليك اسمه احمد فرج في الجراج و ده منصحكش بيه
و فيه ناس في الحرفيين
بس قبل ما نتكلم و نشوف نعمل ايه عاوز اعرف انهي واحدة الي معاك