فرامل سيفيك 2010

**hany63** · 22-09-2011 04:46 PM

انا معاى vti 2010 ومش مبسوط من الفرامل يعنى لو ماشى سريع و عايز احود لازم ادوس قبلها بمسافه كبيره و الا abs يفتح زى ما يكون العجل الخلفى فرامله ضعيفه بعكس الالمانى لما تلمس الفرامل تحس بالعربيه بتثبت بالكامل
يا ريت يا جماعه يكون في حل و بالمناسبه معاى كورولا 2006 ما فيهاش abs فراملها احسن شويه منها

**SAMEH_FOUAD** · 22-09-2011 05:55 PM

لأ هو حضرتك ممكن تكون عندك مشكلة فى الفرامل , لان فرامل السيفيك عمرها ماتوصل للحالة دية ابدا وكمان موديل 2010 يعنى لو 2007-2008 كنت ممكن اقولك ماشى عشان الطنابير ورا طبلة مش ديسكات , عموما ممكن يكون عندك مشكلة فى التيل عايز يتغير او لازم تاخد هواء من الفرامل طالما بتقول بتحس ان الدواسة استجابتها بطيئة وعموما اصلا ال abs بيزود زمن الفرملة عن الفرامل العادية بس بيبقى احسن فى الارض الرملية او المبللة لكن لو اسفلت كويس الفرامل العادية بتبقى احسن وبتسعف احسن , وبردة ممكن تشوف حالة الكاوتش

**hany63** · 22-09-2011 08:05 PM

يامساء الخير يا أحمد باشا
انا كنت باقصد انى لو ماشى على سرعه 100 كم ومحتاج اعمل u-turn العربيه بتحتاج مسافه كبيره عشان تتوقف بنعومه قبل ما الف فالموضوع ملوش علاقه ب VSA و يبقى زى حضرتك ما قولت ان دى طبيعة الفرامل

**hany63** · 22-09-2011 08:16 PM

منور يا استاذ سمسم
ملحوظه الفرامل من و العربيه على الزيرو بس ابتدت تضايقنى لما خلصت تليين عشان باحب اسحب بالعربيه شويه و مالقتش الفرامل سلسه زى الباسات اللى كانت معاى قبلها
العربيه عامله 15000 كم دلوقت فنستبعد موضوع الكاوتش و التيل وفى الغالب زى ما قال استاذ احمد ان ده نظام الفرامل