مشكله فى فرامل سيفيك ex 92

**honda forever** · 31-05-2012 02:59 PM

عندى مشكله فى الفرامل وعايز أسمع آرائكم
كنت ماشى على سرعة 40 أو 50 وفجأه عربيه أكسنت بأكياسها وقفت قدامى وفرق بينى وبينها مسافه كبيره
وعينكم متشوف إلا النور زحف زحف مسافه كبيره متتناسبش مع السرعه (40) كنت هخبط الأكسنت بس ربنا سبحانه وتعالى ستر
أول مره أفقد الثقه فى عربيه أركبها بالنسبه للفرامل
رحت للأخ بتاع الفرامل عمل رجلاش ورا وأخد هوا من ال 4 عجلات ومشيت
الفرامل إتحسنت بس مش كتير
إكتشفت حاجه إن الفرامل اللى قدام بتضرب كويس لكن العجلتين اللى ورا مع السرعه والضغط المفاجئ على الفرامل مبتمسكش فبتزحف
رجعتله بعدها بفتره قالى كده يبقى الضفدعه (المشترك) لازم يتغير لأن البلوف اللى جواه مسدوده
قلتله هو مش ضغط الزيت ورا كويس
قالى اه بس مع السرعه وكبس الفرامل مره واحده مبيكونش كويس
طلبت منه يكشف على جلد الماستر للعجلتين الخلفيتين (وبصراحه ده اللى أنا شاكك فيه مع إنه مبيجبش زيت ) والزيت برضو لو عايز يتغير وتيل ورا لأنى مغير قدام قريب
قالى الجلد سليم والتيل سليم ومش مأزز والطنابير زى الفل
الفكره إنه عايز يغير المشترك بواحد مفهوش بلوف
طبعا قلتله شكراااااا مش عايز أغير فابريقة العربيه خصوصا إن شكلها متفكتش قبل كده
وبصراحه الموضوع ده هيجننى مش مخلينى أستمتع بالجرى
أنا صحيح بجرى بس قلقااااااااااااان جدا
آسف على الإطاله

**ahmedeihab** · 31-05-2012 04:28 PM

الكاوتش عندك اخباره ايه ؟؟؟

**honda forever** · 31-05-2012 05:03 PM

المشاركة الأصلية كتبت بواسطة ahmedeihab

الكاوتش عندك اخباره ايه ؟؟؟

زى الفل
أكليس بلاتينيوم ماشى تقريبا 10000 كم جبته بعد العيد الصغير اللى فات وتاريخ إنتاج أول 2011
وحالته كويسه

**SAMEH_FOUAD** · 31-05-2012 07:30 PM

شوف ياباشا عيب الزحف دة معناة المساتر الخلفية ضعيفة , هية ممكن ماتكونش بتسرب زيت بس قوتها ضعيفة عشان كدة الحمل كلة على الفرامل الامامية وممكن تلاحظ لو لقيت العربية بتتوطى اوى من قدام

ومعلش سؤال فرامل اليد عندك اخبارها اية ؟؟؟؟؟

**SAMEH_FOUAD** · 02-06-2012 07:12 PM

الضفدعة دية اسمها المشترك اصلا هما اللى طلعوا عليها الاسم دة اللى يخربيتهم دول فى التراوة

والمشترك دة لو بايظ هتلاقية ضرب وبينزل زيت

بالنسبة للمساتر الخلفية فكلها هتتغير عشان ممكن يكون ضعفت , وزى ماقولتلك دوس فرامل جامد شوية وشوف العربية وشها هينزل جامد او امشى فى شارع فاضى سفلت ودوس فرامل جامد وشوف الكاوتش ورا هيعلم فى الارض ولا لأ

وبعدين هو المفروض ميكانيكى المفروض يجرب الماستر يأيدة لازم يلاقية كويس فى ايدة والمفروض يعرف الفرق مابين الماستر الشغال والبايظ

سعر الماستر تايوانى ب60 جنية واستيراد بنفس السعر بس هتلاقية قليل

**SAMEH_FOUAD** · 02-06-2012 08:38 PM

ماهو ياباشا البلوف اللى جواة لو بايظة هتضرب زيت

الماستر سليم شكلا واداء كمان ؟؟؟؟؟؟؟؟ يعنى جربة بأيدة كدة بيرد معاة بسرعة فى الجنبين ؟؟؟؟

طيب شوف ياباشا لو انت متأكد من سلامة المساتر الخلفية مع انى مش مقتنع طالما انت بتقول ان العربية بتحس ان الكاوتش مش بيقفش فى الخلف

طيب بقولك انت غيرت تيل خلفى قريب ؟؟؟؟؟؟؟؟

**SAMEH_FOUAD** · 02-06-2012 09:42 PM

طيب شوف ياباشا بقى اول حاجة كدة :

1- يكشف على المساتر بأيدة ويشوف ضغط الماستر

2- يكشف على التيل ويقارن مابين الاتنين هل فية واحد متاكل عن العجلة التانية ولا لأ

3- يتأكد من الطنابير مايكونش فيها ريجة ويكون ملمسها ناعم لان لو طلع المساتر خفيفة يبقى العيب من الطنابير ممكن تكون متاكلة او مخروطة قبل كدة ومتاكل منها وهو اللى عامل الضعف دة