العربية نزلت الجراج ومطلعتشى :((

**Xlance2010** · 23-09-2011 05:28 PM

انا حصل معايا نفس الموقف بنفس تفاصيله اول ما اشتريت العربية .. فسبحان الله ولكنى ضغطت بنزين جامد والعربية تمام التمام وزى الفل

**dolly13** · 23-09-2011 05:40 PM

هى فكرة الهاند بريك افضل فكرة بالنسبة لك لانها بتمنع العربية من انها تريح لورا .. وعلى فكرة الطريقة دى سهلة جدا بس انت تخلى الار بى ام يعلى شوية وتنزل الهاند بريك واحدة واحدة لحد ماتلاقيها بتتحرك معاك .. والف مبروك على العربية

**gazzar91** · 23-09-2011 06:57 PM

أنا الموقف ده حصل معايا في مرور التتجمع لما كنت بمتحن
و أنا على المطلع اللي قدامي وقف بدون مبرر و أنا وقفت (على المطلع) جيت أطلع بالعربية لقيتها بتريح لورا رحت كابس بنزين قوي ..راحت فاركة جامد..... العسكري اللي واقف قاللي "ارزع يا باشا" :d :d :d :d

**drsemba** · 23-09-2011 09:57 PM

Dddddddddd:
ارزع ياباشا هههههههههههه
هو الفكرة ان الحتة المستوية فى الجراج يدرب اد العربية فمفيش حتة اخد فيها سرعة فهمنى؟

**ashouhdy** · 23-09-2011 10:50 PM

خلى حد يطلعهالك بدل ماتخبطها ... وبعدين لما تطلع جرب وخد عليها تماما واتعود عليها على الاخر ,,,, وانزل و اطلع براحتك بعد كدة

**drsemba** · 24-09-2011 06:28 PM

طلعت يارجالة طلعت الحمد لله
وروحت رخصت النهارده
هو الموضوع كان عايز شوية بنزين عشان كنت خايف اوى على العربية فمكنتش بدرس بنزين كويس.
المهم لما روحت ارخص وبوريهم صورة التوكيل اللى بعت بيه الادا قالولى بردة لازم تدفع ضريبة ترفية
ليه بقى ؟؟
وبعدين لو اللى اشترى منى العربية لو عمل بها مصيبة مين اللى بيبقى مسؤل انا ولا هو على اساس ان المرور كده شايف ان معايا عربيتين

**Abdm** · 25-09-2011 06:39 PM

المشاركة الأصلية كتبت بواسطة drsemba

طلعت يارجالة طلعت الحمد لله
وروحت رخصت النهارده
هو الموضوع كان عايز شوية بنزين عشان كنت خايف اوى على العربية فمكنتش بدرس بنزين كويس.
المهم لما روحت ارخص وبوريهم صورة التوكيل اللى بعت بيه الادا قالولى بردة لازم تدفع ضريبة ترفية

:_alshmokh08[1]:
ليه بقى ؟؟
وبعدين لو اللى اشترى منى العربية لو عمل بها مصيبة مين اللى بيبقى مسؤل انا ولا هو على اساس ان المرور كده شايف ان معايا عربيتين

يا باشا للأسف حضرتك لو حصل حاجة بعربيتك القديمة اللى بعتها قبل ما صاحبها الجديد ينقل ملكيتها لية المرور هيجيبك أنت ويسئلك وأنت المسئول قدامهم لغاية ما توريلهم صورة التوكيل وهو دة اللى بيثبت برئتك مما هو منسوب أليك ويفضل يكون معاك عقد بيع أبتدائى بينك وبينة وأيضا محضر أستلام السيارة ودية ورقة بتعملها بينك وبينة مش فى القسم علشان تضمن انة أستلمها رسمى وبيمضى عليها ويتحمل بها كافة المسئوليات المادية والقانونية .ولو مش معاك محضر الآستلام دة بردة ربنا يستر أولا واخيرا وكفاية التوكيل وعقد البيع الآبتدائى اللى بينك وبينة وعلشان كدة فى ناس كتير بتشترط التسجيل علشان يريحوا نفسهم من وجع الدماغ دة . بس كل دة بيخلص مع مرور الوقت بعد ما الرخصة مدتها تخلص صاحبها بيروح المرور وغصب عنة بينقل ملكيتها لية وأسمك يتلغى من المرور بخصوص ملكيتها ولغاية ما دة يحصل ربنا يسترها معانا كلنا لآننا كلنا فى الهوا سواء وماشين بستر ربنا علينا .