للاسكندرانية ، المواصلات عاملة ازاي ؟

**kantalub** · 23-09-2011 10:02 AM

انا نازل اسكندرية في دعوة لمكتبة الاسكندرية ، وكنت عايز ازور كارفور ، فلو ممكن حد يقولي المواصلات المناسبة من المكتبة لكارفور ؟!! ويديني نظرة عامة عن خط المواصلات والترام لو أمكن يعني !

**kantalub** · 24-09-2011 05:16 AM

^
^
^
^

**M.Alaa92** · 24-09-2011 05:21 AM

تاكس من المكتبة لكارفور يقضى الغرض عشان مفيش مواصلات مباشرة من المكتبة لكارفور ( للعلم كارفور الشارع اللى بعد المكتبة ع طوول بس مسافة محترمة لو فكرت بس فكرت تمشيها )

**kantalub** · 24-09-2011 05:33 AM

ماشي يا باشا تشكر علي الرد ، بس ليا سؤال تاني لو عايز اروح المعمورة من المكتبة برضه لو خدت تاكس ياخد كم وهل في سرفيس ولا لا ، وهل هينزلني قريب من بوابة شاطئ المعمورة ؟

**M.Alaa92** · 24-09-2011 05:54 AM

المعمورة من المكتبة سهلة جداااا

اول حاجة تطلع من المكتبة و تمشى ورا كانك رايح محطة الرمل ( مسافة صغيرة ) حتلاقى اشارة اقف عندها و اى مشروع قولو المندرة ( الاجرة معرفهاش كام بس ف حدود 1.50 تقريبا ) و من المندرة مشروع ابوقير و قولو عند البوابة اللى عند المزلقان انزل حتلاقى بنزينة بعد القطر (خلى البنزينة ع شمالك) و طول ف الشارع ده قدامك بوابة المعمورة ( وممكن تلاقى مشروع ابن حلال و يقول ابوقير ع طول )

المواصلة التانية ف اوتوبيس يدخلك المعمورة وش مكتوب علية معمورة الشاطئ لو لقيتو يبقى حظك حلو :)

المواصلة التالتة
لو م لقيتش مشروع المندرة و قالك الساعة بيس ( بس انت و حظك ممكن تركب للمندرة و بعدين تركب ابوقير او من فيكتوريا لابوقير) اركب و ينزلك عند فيكتوريا و من فيكتوريا اركب ابوقير و ينزلك برضو عند المزلقان

نصيحة اوعى تاخد تاكس م المكتبة لابوقير حتعد جامد:)

**kantalub** · 24-09-2011 06:01 AM

يا باشا والله انت زوق وزي الفل ، تسلم ايديك ، بس معلش اسمحلي ازودهم واسالك سؤال زيادة ، بالنسبة لجرين بلازا من محطة الرمل ، ايه الدنيا التاكسي هيشيلني جامد ولا في مشروع ؟

**M.Alaa92** · 24-09-2011 06:14 AM

بص من محطة الرمل اركب ترام رقم 2 اللى هيا النصر و قول للكمسرى انزل سيدى جابر (لو مالقيتش اركب الترام الصفر بس اتاكد انها سيدى جابر المحطة سيدى جابر المحطة مش الشيخ عشان فى مسافة بينهم محترمة )
حتنزل سيدى جابر حتلاقى كوبرى مشاة بسلم كهربا اطلعو و عدى الناحية التانية حتلاقى كبدة فهمى ع شمالك و فى نفق تحت القطر انزل النفق و اطلع منو امشى ع الشمال شوية حتلاقى موقف اوتوبيسات قولو جرين بلازا حيقولك اوتوبيس اركبو و قولو انزل عند جرين بلازا حينزلك قدامو بالظبط
المشوار كلو 75 قرش :)))
.25 ترام
50 اوتوبيس :))

**kantalub** · 24-09-2011 06:18 AM

تقلت عليك معلش ، بس فعلا اثبت ان الاسكندرانية اهل شهامة ، الف شكر

**M.Alaa92** · 24-09-2011 06:20 AM

ولا تقلت ولا حاجة احنا اخوات حبعتلك رقمى ع الخاص عشان لو فى حاجة تكلمنى
و اى خدمة

الموضوع: للاسكندرانية ، المواصلات عاملة ازاي ؟

LinkBack

أدوات الموضوع

عرض

للاسكندرانية ، المواصلات عاملة ازاي ؟ - انشر الموضوع فى :

-

-

-

-

-

-

-

-

المواضيع المتشابهه

المواصلات من القاهرة إلى بنها

روّح دليل المواصلات المصري

ارحموا من في الارض من المواصلات

استكمالا للبيت اللي هتسكن فيه..عربيتك المفروض تكون عاملة ازاي؟؟

الاسلام يحل مشكلة المواصلات والمرور!!!!

الكلمات الدلالية لهذا الموضوع

المفضلات

المفضلات

ضوابط المشاركة