الموضوع: مساء الخير عليكوا

المشاركة الأصلية كتبت بواسطة topgun12

المشكلة يا اخ ايهاب ان الموجودين فى المنتدى مبيحبوش يسمعوا غير كلام التوكيل زى ما يكون قران لا يمكن تغييرة ميعرفوش ان بيضحك عليهم زى واحد يقولك المساعدين عندة محجرة وراح التوكيل اقنعوة انهم لازم يبقوا كدة علشان زيت وغاز يا حلاوة اول مرة اسمع عن مساعدين زيت وغاز محجريين ممكن يبقوا ناشفين شوية مش محجرين وراح القطامية حطولوا wd40 بتاع التزيت علشان يلين ويمنع التزييق بدل ما يغيروهم فانا والله مش متحامل على القسم ولا حاجة بس الحكاوى هى اللى تضايق والتوكيل يضايق اكثر تصدق وتامن بالله ياشيخ انى لما بعمل حاجة للعربية بعملها برة قسما برب الكعبة بسبب الصنايعية الكفتجية اللى فى التوكيل واقسم بربى انهم لو عرضوا عليا الاصلاح مجانا وانا اجيب كمان قطعة الغيار من برة مش حصلح عندهم

السلام عليكم ورحمة الله وبركاته
اخي topgun انا الشخص الي اقنعوه ان المساعدين لازم يبقو كده (واحدمن الي ضحكو عليه)
للاسف انا عند عرض مشاركتي قلت ان المساعدين محجرين بس هما مثل ما حضرتك وصفت ناشفين شوية والسبب الي خلاني قلت محجرين هو اني قارنتهم بمساعدين لانوس وسينا وشاهين وحضرتك عارف ان هذه الماركات تستخدم مساعدين زيت فقط فطبعا كان الفرق واضح ومن الممكن ان يكون المساعدين الي انا قارنت بيهم خفاف او بهم عيب لا اعلمه لان هذه العربيات كانت باحد الجراجات ولم يكن اصحابهم موجودين لاسالهم هل بهم اي مشاكل وانا لم اكن اعلم ان المساعدين بسيارتي غاز علي زيت مما يجعل المقارنة غير منصفة وللعلم انا لم يكن عندي اي نوع من التزييق او الخبط اثناء المشي بالسيارة سواء في الطرق الممهدة او المكسرة او المطبات العادية او مطبات الهواء ارجومراجعة المشاركة جيدا الخاصة بذلك
ولعلم حضرتك وجميع الاعضاء اعلمك اني لم اخذ كلام التوكيل علي انه قراءن لايمكن تغييره بل فا علت اكثر مما تتخيل لكي اعلم هل هم صادقين ام ضحكو عليا والله وصل بي الحال في احد المرات ان اوقفت احد سائقين التاكسي في وسط الشارع عند البيت اكتر من ربع ساعة اقارن بين المساعدين عنده وعندي واساله المساعدين عاملين معاه ايه ولما رحت التوكيل بعد هذه المرة باسبوع بقيت ماشي اختبر كل العربيات من ملاكي وتاكسي لاعلم هل هم مثل سيارتي ام لا واسال كل واحد ايه اخبار المساعدين وكلهم اجمعو ان المساعدين ناشفة وان ذلك سبب ثبات العربية في السرعات العالية وان ذلك لا يؤثر في شيء معهم بل فعلت ما هو اكثر من ذلك ذهبت لفرع اسكندرية هذا الاسبوع واكدو لي انه لا يوجد مشاكل عندي في المساعدين ولله الحمد علي ذلك وان شاء الله ربنا يديمها علي كده يارب ولو حضرتك قبل متهاجمني انتظرت التقرير الذي سوف اقوم بعمله عن زيارة فرع لاسكندرية وما تم هناك مع السيارة لوفرت علي نفسك وعلي انا كمان هذا النقاش والتشكيك من حضرتك في عقليتي ومقدرتي علي الحكم علي الامور والاشخاص