يا جماعة الخير استشارة مهمه جدا فيرنا2007 ولا لانسر 1997

**meado_2005** · 23-09-2011 12:38 PM

انا محتار بين العربيتين دول

فيرنا 1600 موديل 2007 كاملة مانيوال ؟

ولا لانسر 1300 موديل 1997 كاملة اوتوماتيك ؟

العربتين حالتهم حلوة جدا و الاتنين الفرق في السعر بينهم 3000 جنيه بس .

ياريت تقولوا مين منهم احسن و السبب

**shaker_alz** · 23-09-2011 02:09 PM

انا ياباشا كان معايا لانوس وبعتها
وكنت محتار بين كرستالة ولا فرنا ولا نوبيرا
بصراحة الكرستالة برقبتهم كلهم رغم انها موديل اقدم
فعلا ان فاتك اليابانى مش حييجى تانى

**alekhandro007** · 23-09-2011 07:56 PM

بص يا باشا انا معايا اللانسر ال 1997 و العربيه بصراحه ممتازه جدا و اقتصاديه فى البنزين و ثابته على الطريق و قطع غيارها متوفره و مش غاليه قوى يعنى العربيه تمام تمام تما و لو ليك فى الشقاوه هى احلى عربيه تتظبط و يتعمل فيها افتكاسات بس انا لو مكانك افكر برضه فى فرق السنين مهما كان دول 10 سنين فرق يعنى اكيد الاستهلاك بتاع المكنه و البودى بيفرق استخير ربنا و الله المستعان

**husseinthemaster** · 23-09-2011 08:29 PM

الفيرنا عربية بتجري بس لكن الانسر ثبات سرعة راحة قطع غيار سعر اعادة البيع كل حاجة

**elpasha1** · 24-09-2011 12:06 AM

انا كان معايا لانوس وبعتها
والله انا محتار نفس الحيرة خصوصا ان العربيتين قدامى ونفس السعر تقريبا
بصراحة انا ميال للفيرنا علشان موديل بس مش اكترفرق 8 سنوات عمر من 99 الى 07

**prisoner** · 24-09-2011 11:56 AM

هوة المنطق يقول ادفع فرق 3000 جنيه واركب فيرنا موديل حديث مسالتش نفسك ليه السعر قريب كده قوة من 97 ل 2007 اكيد الفرق فى الاصالة اليابانى يابانى فعلا عن تجربة ممكن عربية موديل قديم تدينى اداء اعلى من موديل السنة ده طبعا غير الراحة النفسية زى ما قولتلك فى الاول المنطق يقول الفيرنا والعقل يقول الميتسوبيشى عموما او اليابانى تحياتى

**M.Ayman** · 24-09-2011 04:53 PM

انا رايي الفيرنا برضه علشان متقرفكش بقى قطع غيار و كده ده برضه 2007 .. عيب الفيرنا انها مع انها جرايه بس فراملها مش جامده لموتور زى موتورها و مش ثابته يعنى لو مش ناوى تشد هى عربيه مثاليه بشكل رائع