انت شكلك ابن حلال
ابعتلى ال cv بتاعك على الخاص وفى ظرف 48 سنه هجيبهالك :)
عرض للطباعة
انت شكلك ابن حلال
ابعتلى ال cv بتاعك على الخاص وفى ظرف 48 سنه هجيبهالك :)
اختار ألا تختار ... ودبر ألا تدبر
اولا كلامك متقبله على عيني وراسي
ثانيا انا فعلا مغرور
بس مش مغرور بمعنى متكبر
لا انا مغرور بمعنى اني عارف قيمتي
وقيمتي بالنسبالي ميعلاش عليها واحده بنت ابوها عنده كام نجمه فوق كتقه
ولا بنت خالتي فكرت ان من غيرها مش حقدر اعيش
غير كده انا يا فندم مع احترامي الشديد لكل النجوم والنسور وظباط الشرطه
فانا ضفر ابويا بوزاره الداخليه كلها
وده انا عارفه ومقتنع بيه فمستحيل ( انا ) احس بالدونيه
ويؤسفني اقولك برضو اني مش من النوع اللي بيتلكك يعني لو كنت عايز اخلع كنت خلعت بيس خالص
اللي هو نظام خلينا صحاب وبس :)
لكن تقدر تقول ان الموقف ده كان القشه التي قسمت ظهر البعير
وعلى فكره انا والدي مش مصري انا مكتسب الجنسيه لوالدتي
وده بالنسبالي ميفرقش حاجه مصري هندي امريكي عفريت ازرق
مولود هنا ومتربي هنا
ومن ناحيه انها كلمتني ففعلا اكيد زي ما حضرتك بتقول هي كلمتني وانتيمتها كلمتني وكل صحابها في السكشن بتاعها كلمني كان ناقص تبعتلي دكاتره الكليه علشان خاطر تأنيب الضمير :)
ومن ناحيه الغساله يا سيدي فانا مكنتش حجيب غساله اصلا كنت حخليها تغسل الهدوم في الترعه هههههههه
الموضوعين فيهم تفاصيل اكتر من اللي مكتوب
المكتوب يعتبر خلاصه وجهه نظري
اللي هي صح
ومن ناحيه اني متكلمتش عن نفسي معايا مؤهل ايه ولا جاهز ولا لا
فانا والحمد لله كنت جاهز ساعتها وجاهر اكتر بكتير دلوقتي عن ساعتها والحمد لله انا اقدر افتح بيت من اول ما دخلت جامعه
الا لو انت تقصد افتح فيلا
فانا مقدرش افتح فيلا ممكن بيت بس :)
شباب
أنا ليا تعليق رفيع على كلمة (( إحساسه بالدونية))
بالعكس تماما
ده إحساس بقيمة نفسه , وراجل بيبص لبعيد
مايجبش واحدة تفتكر إن علشان عندها كام واحد ساقطين ثانوية عامة ودفعوا فلوس وعلقوا نجوم , بقت أحسن منه
أنا بالنسبة ليا بعتبره نظره ((إستعباطية))
بمعنــــــــــــــى
لما واحد يحب يرسم نفسه عليا إنه مهم (مهما كان وضعه) بسيبه يخرج عقدته النفسية وأنا مستمتع بكمية سخرية من جوايا
والراجل لما قال إن والده بيصرف أد مرتب ظابط منهم كام مرة , هو حسبها بمقياسهم
طالما هما بيقيسوها بالمناصب أو الإمكانيات , فهو يقدر يشتري 20 واحد زيهم
بسسسسسسسسسس
موضوع حلو فيه عبر ودروس قيمة
دنا ليا فى الجبال علمات ههههههههههههههههههههه على راى اللمبى
مشاهد باستمتاع
احكى على موقفين حصلو ومكنتش عايز اتكلم عنهم لحد ما فتحتونا
واحد صحبى ليه اخت اكبر منوا وما اتجوزتش وطبعا زى اى ام مصريه يولع الولد لحد ما البنت تتجوز وبعدين نشوفوا , كل ما يجيب عروسة تقولوا لا مش نافعة , قالها خلاص اختارى انتى , جبتلوا عروسة وقالتوا دى فل الفل , راح شاف العروسة وعجبتوا وتمام التمام
تانى يوم ها يا ماما هنروح نقرا الفاتحة امتى , قالتوا لا الموضوع فاكس , ليه يا ستى الحاجة اصل اختك تعبت , طب اختى تعبت من ايه , انت ما اخدتش بالك من ابوا العروسة دة بيشرب سجاير
ومال اختى ومال ابوا العروسة يا ستى ما تقعدش جنبوا
تقولوا اصلك انت تافه وبتبص تحت رجليك , بكرة لما تتجوزها وتجيب اطفال ويقعدوا مع جدا مش هيشموا دخان السجاير ويبقوا تدخين سالبى ؟؟؟
قالها انتى كدة عنب العنب
انا بقى ليا نفس ظروف صحبى مع زيادة ان والدى متوفى كل ما اجيب عروسة امى تطلع فيها القطط الفطسانه
اعرض عليها وترفض وتطلع اى حجج
بعيد عنكم جالى السكر واخيرا حنت انها تروح تشوف عروسة عند بيت اهلها وياريتها ما راحت
ضربت البوظ المتين ومكنتش بتتكلم مع ام العروسة نهائى ولا البنوتة قعدت نص ساعة بالظبط وقامت وقفت علشان تمشى انا لما شوفتها كدة روحت قومت ومشينا
جالى الرد قبل ما اوصل للبيت انت مرفوووووووووووض
تيجى تسالها انتى رفضتى ليه تقولك اى كلام
انها كانت بتتكلم معايا فى حضور باباها واخوها ودة عيب
انها وهى قامت تجيب واجب الضيافة جسمها كان بيتهز , شوفتوا بقى احلى من كدةحوارت
ادى الامهات
سؤال بقى اعمل مع امى ايه؟؟؟؟
انا اقولك المفيد تشوفلك كام بنت صايعه وضايعه - او واحده تمثل بيها عليها انها صايعه
ورايح جاي معاهم وترمي من تحت التربيزه انك لافف معاهم حتى لو نازل مع واحد صاحبك
ساعتها هتخاف وتقول الا الواد ينحرف اجوزه احسن ;)
ومتنساش تعزمني بقه :Oc_sun1[1]::Oc_sun1[1]::Oc_sun1[1]:
المشكلة ان الامهات اللي زي والدة حضرتك بيبقى عندهم ثقافة الكيل بمكيالين
يعني لو بنتها اترفضت بسبب ام من نفس الشخصية (ام العريس) بنفس الاسباب ...... انا مش عايز اقول لك رد فعلها هيكون ايه !!!
ب المختصر المفيد
عرفت ب الصدفة البحتة انة بعد ارتباط سنتين
و خطوبة شهرين
اكتشفت انها كل دة مخبية عليا سنها الحقيقيى
كنت عارف انها بتستسهل الكذب و فى نفس الوقت كانت عارفة اد اية انا بكرة الكذابين
و كنت متخيل انها ممكن تكذب على اى حد الا ان
و طلع فى الاخر انا الى مضحوك عليا كل دة
طلعت بتكذب فى الكبيرة قبل الصغيرة
و ب غبائها ضيعت كل الى بينا
و قولتلها قوليلى الحقيقة تصر على الكذب بردو
و بعد ما خلاص الموضوع اتفشكل
تعترفلى انها كانت غلطانة و منكتش تعرف انى ممكن اسيبها
و امها تقولى ممكن تكون غلطت فى الحساب هههههههههههههههههه
دة طبعا ب المختصر المفيد جدا جدا جدا جدا جدا
الموضوع فية تفاصيل كتير
بس يا ترا لو كنت مكانى كنت هتعمل اية ؟؟؟
هتخلونى أحكى
أنا بقى أول مرة أتكلم عن موضوع الخطوبة دة
أنا كنت بحب واحدة وهيا كانت بتحبنى (كانت على طول تقولى بحبك) يعنى كلام مش فعل
هيا إتعرفت عليا عن طريق واحدة صاحبتها ساكنة جنبى كنت واقف ف سنترال بتاع واحد صاحبى وعمال أحكى معاه
الاقى جارتى داخلة تشحن وتقولى إزيك يا أحمد (أنا والله العظيم ساعتها ما كنتش أعرف إنها جارتى) وصاحبى قالى بعد ما مشيت دى ساكنة بعيدك ب 3 أو 4 بيوت
المهم قعدت تتكلم وأنا ومهاودها لحد ما خليت صاحبتها تدخل ترخم عليا بعد ما هى طلعت من السنترال
المهم صاحبتها بعد ما رخمت عليا قالت لجارتى أحمد دة رخم وبارد وقليل الذوق وميتحبش غير عشان شكله
المهم جت الطوبة ف المعطوبة وحبيتها بعد كام شهر وكلمتها وهيا طلعت كانت ميتة على نفسها وعايزة تتكلم معايا
أنا حاولت أسستمها على دماغى وكانت مش بتقبل بكدة هيا كانت محجبة بس حجاب اليومين دول يعنى لبس ضيق وعليه حجاب طبعا زعقت معاها 5000 مرة على اللبس دة وفعلا بدأت تغيره بس كل فترة كنت بحس إنها بتكلمنى بتناكة أو بتكبر شوية عشان باباها ظابط وعمامها كلهم ظباط وإن أنا مش قد المقام عشان أنا بدرس وبشتغل مع الدراسة مش دى المشكلة ..... المشكلة إن وضع والدى الى مكنش عجبها (والدى مساعد مدير عام بأحد البنوك العربية)
(نفس الحركة اللى حصلت معاك يا I Boy) مع العلم إننا الحمدلله عندنا بدل البيت 2 و 3 وظروفنا كويسة ويمكن أحسن منها بمراحل
المهم مرة واحدة قولتلها إنتى بتتكلمى معايا كدة ليه إنتى أبوكى ظابط على نفسه مش عليا ولا على اهلى
عاجبك وضعى أهلا وسهلا مش عجبك بالسلامة وقفلت معاها أكتر من أسبوع ومحاولات كتيرة منها ومن صاحبتها كلهم وبنات خالتها وبنات عمتها وبنات العيلة كلهم .......... المهم قولت أرجع أشوف إيه نظامها لقيتها إتعدلت كتير قولت طب أديها أخر فرصة لقيتها مصاحبة شوية بنات .......................... (خروج وولاد وكازينوهات وديسكوهات ورجوع البيت 3 الفجر) بس هيا مكنتش بتخرج معاهم خالص لكن مش عايزة تسيبهم عايزة تفضل مصاحباهم أجبرتها إنها تسيبهم قالت ماشى وبعدها بفترة كنت بكلمها وأنا برة لقيتها ماشية ف وشى مع العلم إنها كانت قايلة لى أنا ف البيت قولتلها هو دة اللى إنتى ف البيت تروح قايلة مين اللى إنت ماشى معاها دى(كنت ماشى مع إختى الصغيرة رايح أوديها الدرس) قولتلها دى أختى ومش عايز أعرفك تانى سلام وقفلت السكة ف وشها وقفلت موبايلى خالص (المهم قبل الموضوع دة بيوم أو بيومين كنت بكلم والدتى على موضوع الخطوبة وأنا كنت بصلى صلاة إستخارة وقالتلى شوف إنت حاسس بإيه وربنا يوفقك وبعد ما حصل الحوار دة قولت لوالدتى مفيش نصيب )
تالت يوم فتحت الموبايل كمية رسايل بالهبل من رقمها ومن صاحبتها ومن كل عيلتها وأنا ولا الهوا وعلى الايميل بردة
إمبارح أخر حاجة لقيت واحدة بتكلمنى بتقولى أحمد معايا قولتلها أيوة آأمرى قالت أنا فلانة بنت عمة البنت اللى إنت بتحبها قولتلها خير قالتلى البنت تعبانة أوى وعمالة تعيط وحالتها وحشة جدا وأبوها عايز يعرف مين اللى عمل فيها كدة وهيموته قولتلها هيموته دى عايدة عليا أنا مش كدة عموما أنا مش بخاف وإديله رقمى وخليه يعمل اللى هو عايزة فضلت تحكى وتقول أنا مش قصدى حاجة من كدة متزعلش وحوارات المهم قفلت معاها والمكالمات النهاردة طول اليوم شغالة وأنا مش برد على اى حد
بس أنا قولت دى تحت جزمتى ومش هفكر فيها تانى
عشان ما اظلمش البنت بردة كانت بتعمل حاجات حلوة عشان خاطرى بس عيوبها كانت أكتر من مميزاتها من وجهة نظرى
أنا دلوقتى سايب موضوع الخطوبة على ربنا ومش بفكر فيه خالص وقولت اللى ربنا كاتبهالى هتبقى ليا بمزاجى أو غصي عنى
هقول كل حاجة
هقول كل حاجة
ههوهو و صوصو
قصدي هنهق و نونو
بس في النهاية بحب السنونو
ييه هي الخطوبة اتفشكلت ليه
عايزين تعرفوا ليه
علشان مغدونيش
بس انا مش اكول اساسا
بس احزر غضب الحليم
لغز صح - الحمد للة عدد ما كان و ما يكون
مش عارف اقول ايه بجد ياجماعه
ربنا يعيننا سواء ولاد او بنات على اللى بيحصل فينا من بعض لبعض او من اطراف تانيه زى الاهالى
بس برضو حاجه صعبه اوى انك تكون اتعودت على حد وانك تشوفه وتسمع صوته وتتحرم منك سواء فجأه او بالتدريج
والخوف كل الخوف من الندم فوقت متكون كل حاجه راحت
هعمل ايه بعد ماتكون كل حاجة راحت؟؟ظلمتها ليه؟؟مستنتش عليها ليه؟؟ياترى كنت صح ولا لا؟؟ياترى هتحمل اشوفها فأيد غيرى؟؟
احساس صعب انك ممكن بعد كده تكون مع حد وفقلبك حد تانى وربنا يحاسبك على النعمه اللى فأيدك وانت مش حاسسها
معقول بعد ماتكون مع حد تحس بالوحده فجأه وتتمنى يرجع تانى بكل عذابه والمه وكمان ببتسامته وفرحتك بوجوده جنبك حتى لو زعلانين؟؟
ياترى هتعمل ايه لو عارف ومتأكد انه مينفعلكش ابدا ومخبى على كل الناس مينفعلكش ليه؟؟هتعمل ايه؟؟
هتعمل ايه لو كل يوم تتمنى من ربنا انك تموت عشان مش قادر تسيبه؟؟وكل ماتقرر متكملش معاه متقدرش؟؟قلبك ميقدرش يبعد عنه؟؟
الناس القريبه بتقولك متكملش عشان متندمش بعدين وانت كمان عارف كده بس متقدرش عشان مش متخيله بعيد عنك..وكمان عارف انه زى الطفل الصغير مسلمك حياته زى مامته وعايش وملوش غيرك فى الدنيا..هتعمل ايه؟؟
خايف لاتكون براءته دى قناع كان حطه السنين دى كلها وهيشيله لما يكون معاك بجد..وليه لا الدنيا مفيش فيها مستحيل ابدا والحب ممكن بتحول فى ثانيه مهما اديت وعملت
ليه الواحد حاسس انه هيموت من الوحده من غيره؟؟ليه الواحد ضيق حياته ومجتمعه عليه هو وبس وبقى هو حياتك ولو راح من حياتك هتموت لوحدك؟؟
هو احنا ليه كده؟؟
انا اسف ياجماعه انى قلت كلام غريب وكتير بس بجد ده اللى فقلبى
اشكرك يا احمد بجد لردك عليااقتباس:
انا زيك
بس بفكر بعقلى اكتر ومنفض لحجات كتيييييير
وانا حاسك رومانسى جدا جدا
كبر مخك وتعايش
وانت شايف العقل لو عارف ومدرك لكل حاجه بس مش قادر ياخد قرار..تعمل ايه؟؟
وازاى الواحد يكبر مخه ويتعايش؟؟والوحده وازاى تروح منك حاجه اتعودت عليها؟؟
والله ياباشا كلام الناس اللي بتقولك هتندم ده كلام صح وصدقني هتتعب شوية بس هتنسي في الاخر وهتعيش حياتك .....ممكن الزكريات دي مش هتروح من بالك بس صدقني هتبقي انت الكسبان وطول مافي ناس كتير حواليك بيحبوك هيهونوا عليك وهتنسي ....المهم متبقاش لواحدك
انا طبعا معرفش موضوعك ايه بس انا بقول كلام عام يعني ممكن يفيدك وربنا يوفقك
يا جماعة الحكاية إن الواحد يتعب ده لو هو أصلاً عاوز يتعب مدة صغيرة بدل ميتعب العمر كله و يرجع يقول ياريت كنت سمعت كلام فلان أو كذا بدل ما أنا قرفان و الكلام ده ... أنا عن نفسي لسة مفشكل موضوعي علشان أنا مش النوع إللي ينضحك عليه بسهولة ... مش علشان البنت و أهلها عاوزين الجنسية الأجنبية إللي معايا يبقى يستخدموني كوسيلة للحوار ده و على فكرة هما حاولوا مرتين قبل كدة انهم ياخدوا الجنسية و إترفضو فطبعاً أنا كنت بالنسبلهم فرخة بكشك زي ما المثل بيقول