كتير مننا مر بتجربة خطوبة فاشلة أو قصة حب ماكملتش ....
اللى مر بحاجة زى كدة ياريت يقولنا ....
الموضوع أتفشكل لية ....
عرض للطباعة
كتير مننا مر بتجربة خطوبة فاشلة أو قصة حب ماكملتش ....
اللى مر بحاجة زى كدة ياريت يقولنا ....
الموضوع أتفشكل لية ....
قصة حب و فشلت عادى اختلاف فى الاراء و التفكير :)
قالت مش قادرة أكمل لآني مش حاسة باي حاجة. وده كان بدون أي مقدمات حتى ب 24 ساعة وكنا بندهن في الشقة
هو خطوبتك اتفشكلت؟
فجأه وبعد ما كنا متفقين علي كل شيء وحب وخطوبة وانا بجهز الشقه والدتها طلبت تضاعف قيمة الشبكة علشان بنتها مش أقل من صاحباتها وطظ في ظروفي ... يمين شمال مفيش فايدة وسط المناقشة وقدام أهلها وقفت وقلت للبنت دي ظروفي ومش جديدة عليكي ومامتك مصممة هل انتي معايا ولا مع أمك؟ قالت انا مع ماما طبعا قولتلها يبقي خلينا أخوات أحسن وسيبتهم بيبصو لبعض و مشيت ......... للأسف كانت بنت خالتي.......وانا ماشي كنت حاسس بقوه كرامتي واعتزازي بنفسي وحتي اليوم فخور بالموقف ده واللي بعدها حسيت في العيله بيعملولي الف حساب واللي ما في حد فيهم الا وكلمني يتوسط علشان أرجع لكن الموضوع كان انتهي بالنسبه لي تماما وعرفت ان ده حصل علشان ربنا بيحبني يمكن لو كنت اتنازلت ساعتها كنت دخلت نفسي في دايرة مشاكل ملهاش أخر علشان خالتي من نوع الستات المستقويه وبعدها سبحان الله ظروفي اتيسرت من حيث لا أحتسب وبدون مقدمات قابلت وخطبت واتجوزت بعدها ب 85 يوم فقط أنسانة هي حب حياتي بجد ربنا يباركلي فيها وفي ولادنا... نسيت اقول ان الكلام ده من 14 سنه ولله الحمد.
كان عصبي جدا و غاوي نكد - على غير العادة - و لما بيتعصب بيبقى اسلوبه *&^&%&^% فا مقدرتش اتعامل معاه ولا اتقبل الاسلوب دا و خاصة لما فكرت لقدام لما يبقى عندي ولاد و ان المعاملة هاتبقى كدا قدامهم يبقى ايه القدوة اللي بندهيلهم ولا بنربيهم على ايه دا غير ان انا نفسي ماقبلش حد يعاملني بالاسلوب دا و كمان عالفاضية و المليانة فا فركشنا بعد 3 شهور بالظبط لعدم التفاهم
عدم تفاهم بين اتنين
ممكن كل واحد يلاقى طريقه مع حد تانى
مش شرط يكون العيب فى حد منهم
هيا لسه ابتدت علشان تفشكل ... كل البنات عايزه تقعد في القاهره او خارج مصر....
ربنا يرزقهم و يرزقنا بالنصيب الصالح :)
متفشكلتش بالرغم من كل المشاكل اللي حصلت
بس احب اطمنك ان موضوعك ده هيتلقي اعجاب كل الناس وهتلاقي مئات الاشخاص داخلين يعيطو وشويه هيتقلب لهجوم علي الستات الوحشين
خدت الشر وراحت
مصلحة :)
فى عامل مهم وكبير جدا وهو القبول
لو ماكنش الاتنين بينهم قبول يبقى كل سنة وانت طيب
كل حاجه بقت بالقبول
المفروض يبقي في تنسيق للجواز
علي فكرة في ظل الظروف الي بنشوفها بعد الجواز الي مبني علي حب ووهم الاعجاب اعتقد ان لازم الانسان يبني وينسق لطريقه حياته وفكرة وتفكيرة ويبني الطريقه والحياه الي عايز يعيشها ويهيأ ليها الانسان الي قرر انه معجب بيها وباخلاقها وادبها والظروف وفقت ما بينهم لان زي ما احنا شايفين كم المشاكل والمعاناه الي بيعانيها اخواتنا المتزوجين وانا اخويا واحد منهم بسبب الحب او الجواز عن تنازل وعدم تحكيم العقل مع العاطفه
لعله خير ان خطوبه اي حد اتفشكلت وبالزات لما بتبقا للاسباب الي بنشوفها دي لان ربنا بيبقا بيحبك وبينقذك وفكروا فيها ان ربنا اكيد عاينلك الاحسن والخير الي مكتوبالك يمكن تكون احسن مليون مرة
لعله خير
مرتبط وباذن الله ربنا يسهل في اجازة نص السنه
ليه يا عم بس بتفكرنا .. ليه؟
وهزعل منك لية ؟؟؟؟
الخطوبة كان لازم تتفشكل ودة للأسباب كتير أوى أهمها :
1 عدم رضا أهلى عن خطيبتى السابقة ومع ذلك تنحت و أصريت على الخطوبة ودة كان غباء منى ....
2 أكبر غلطة ممكن يعملها شاب أو فتاة هى الأرتباط بشخص وأنت مش مقتنع تمامآ أو أنك تحس أنك متردد ....
3 عدم التكافوء فى المستوى الأجتماعى دة بيسبب مشاكل بالعبيط ....
4 تحكيم القلب أو العاطفة فقط وعدم الأستماع إلى صوت العقل ....
نصيحة أخيرة....
عايز أقولها لكل أعضاء المنتدى :
أوعى تتجوز حد تقدر تعيش معاة ....
أتجوز أللى متقدرش تعيش من غيرة ....
طيب ولما الحد ده يطلع مش زي مانت كنت متخيل يبقي ساعتها تموت نفسك بقي ولا ايه؟
ده حتي المثل بيقول خد اللي تحبك ومتخدش االلي انت بتحبها ونفس القصه بالنسبه للبنت
بس طبعا ده مثل انا مش بحبه
انا عن نفسي مش بحب احب حد قوي قوي قوي لدرجة اني مقدرش استغني عنه لانه ممكن يموت في اي لحظه ومعنديش استعداد اموت نفسي كل شويه عشان حد مات
عش ماشئت فانك ميت واحبب من شئت فانك مفارق واعمل ماشئت فانك مجزي به
لما الخناقه تشتغل ابعتولي اي عسل صغير يناديني من علي القهوه
:frown:بمنتهى البساطة عشان مفيش نصيب
عارفين لما بتبقى كل حاجة تمام وماشية وبابا وماما
واهله كمان بيحبوا بعض ومفيش اى اعتراض على اى حاجة وفيه حالة هدوء نفسى رهيب
ومفيش مشاكل تذكر الواحد بيستغرب وبيبقى مستنى مشكلة ف القريب عشان تعكنن علينا شوية لكن اللى حصل معايا فى حتة مفيش نصيب دى
انه ( مات ) الله يرحمه وموتى المسلمين جميعا
والحمد لله على كل شئ شوفت
موضوعك هيخلى الناس تعيط ازاااااى ؟؟؟!!!!:frown:
ماتزعلش نفسك اكييييد ليك نصيب مع واحدة غيرها وان شاء الله اخير منها
اييييييييييية فكرتونى بالذى مضى....
عموما انا كنت ساعتها بشتغل فى مواقع وما فيش وقت اخطب لان اجازتى محدودة وولاد الحلال (طبعا هم كتييير اوى بس قول يا جواز) دلونى على واحدة متدينة وجميلة بس ياعينى مالهاش حظ لانها اطلقت بعد كتب كتابها بكام يوم وان كتب الكتاب دة كان شرط ابوها لاى واحد يتقدم ويتم الاتفاق علشان مابيعترفش بالخطوبة..
قلت ومالة واقنعت نفسى ان فيش مشكلة وشفتها واستريحتلها وتمت الخطوبة (لان ابوها اتعلم الدرس)
وشافوا شقتى اللى فى نفس منطقتى وهى كمان من منطقتى ياعنى المستوى واحد
وفى يوم لاقيت مامتها بتتصل بى وتقولى ان المنطقة مش عجبانى واحنا كمان هنسبها ونروح مكان تانى فبيع شقتك وتعال خدلك شقة جبنا....!
طبعا ساعتها قلت دى اللى عندى ودى امكانياتى (واالله لو حتى اقدر اجيب قصر انا موتى سمى ان حد يرجع معايا فى اى اتفاق)
فلاحظت ان امها هى اللى بتتكلم معايا فى اى طلبات مش ابوها ودة شيىء بينرفزنى جداااااااااا (مع احترامى للامهات لكن بحب الكلام مع راجل البيت)
امها مرتبطة بيها جدا ودة شيىء مايطمنش فعيزاها جنبها رغم ان المسافة بينى وبين مكانهم الجديد مايزدش عن 6 كم وكانت النتيجة الحتمية معلش اصل مافيش نصيب ..... وكان ردى بالسلااااااااااااااااااام ة
وبعدها اعزرونا اصل البنت شكلها معمول لها عمل دى مش اول مرة تحصل لها كدة و...و.... لكن كان خلاص قضى الامر.
نصيحة اخيرة لاى خاطب اوعى تخدك الجنتلة فى اى طلب زيادة عن الاتفاق حتى لو قدرت تجيب اضعافة وان شالله ترسى على فشكلة الموضوع ،المبدأ دة هريحك كتير اوى بعدين .
بنحب بعض من 7 سنين وكنا متعلقين ببعض جدا ومتفاهمين وكانت علاقة صافية.وأهلها كانوا بيحبوني جدا وبيحترموا أهلي.كانت بنت محترمة وبنت ناس وعلي مستوي خلق ودين عالي.وأهلها شرحه...
وأبويا كان معايا لحد 6 شهور فاتوا..وأمي بقي كانت بتسعي بكل جهودها في تخريب الموضوع..بدون أي أسباب شرعية ولا منطقيه.فقط لرغبتها في زواجي من إبنة صديقتها الله يفحرها مطرح ما هي قاعدة.ولما هي فشلت في الفكرة دي إنتقمت مني وبذلت كل جهدها في فشل إرتباطي بالبنت اللي بحبها.وإستعملت معايا أسلوب مهين.وكانت النتيجة إن والد البنت كلمني وحدث ما حدث والموضوع إنتهي.والبنت ضايعة وأنا ربنا يعلم بحالي من ساعتها.......إيه رأيك
بعد حب ومشاعر جميلة...دامت خمس سنوات
وجواز سنين طويلة...ييجي تمن تسع سنوات
ومن علينا ربنا...ورزقنا بأحلى البنات
افترقنا بكل بساطة...لإختلاف الأجندات
ظهرت الحقيقه...وبدأت المشاحنات
وياريتها بطريقة نبيلة...زي مابتقول الروايات
لكن بكل خسة...وخداع ومؤامرات
سألت عالحب اللي بيننا ...انسى الحب مات
وبعد سنين طويلة...اكتشفت أني وسيلة
والعلاقة مجرد...خد وهات
ومنها لله سوزان مبارك...والافلام والتمثيليات
وكل اللي شارك...في خراب عقول الستات والبنات
ويا خسارة العمر اللي ضاع ...يا خسارة العمر اللي فات
اه والله عندك حق المسلسلات والافلام خربو الدنيا والقوانين اللي اتعملت وادت صلاحيات كتير للمرأه
وحسستها ان الراجل حاجه ملهاش لازمه
فالست تتجوز وتخلف ومع اول مطب تطلب منك الطلب مش عاجبك خلاص اروح بيت امي وانته الخسران
ولو مش عاجبك طلقني........ وتعالى طلق بقا تبقا لبست في الحيط وخسرت كل حاجه وهيا اخدت كل حاجه
الولاد والشقه لا وكمان نفقه
عشان كده الواحد لازم يختار واحده بنت حلال وتكون عايزه تعيش وعايزه تكون اسره مش بتتجوز عشان متعتها الشخصيه وعشان تخرج وتصرف وتتدلع