علبة الدريكسيون فيها بوش

**eng.m7md.ali** · 23-09-2011 03:56 PM

كنت من يومين في التوكيل علشان اغير علبة الدريكسيون ضمان
المهندس هناك وتقريبا اسمه مصطفي طلع جرب معايا العربية وقبل مايسمع الصوت قالي انا عارف انت قصدك على اي صوت بالظبط قولت في نفسي الحمد لله ان في حد فاهم في التوكيل ده
المهم سمع الصوت قالي ده تعديل للعلبة بيتعمل بس مش موجود دلوقتي واحجزه وتعالى بعدين ركبه
قولتله كويس اوي الكلام ده بس مفيش اصلا تعديل لعلبة الواجا يقولي لا فيه تعديل متقلقش انت بس احجز وهنكلمك او مايجي
طبعا خدت الكلام ده ثقة وقولت مفيش مشكلة خصوصا ان المهندس ده شكله كدة خبرة في المجال
قولتله على ملاحظة في علبة الدريكسيون ان فيها بوش جامد وبيبان على السرعات العالية يقولي ده طبيعي
طبعا سمعت الكلمة دي وجيه في بالي المهندس اللي اسمه سيد
ازاي علبة دريكسيون فيها بوش وتبقى سليمة يروح يرد يقولي علشان العربية متتقلبش على السرعات العالية
طبعا اتصدمت من اللي قاله ده واثبتلي انه تقريبا مش فاهم اي حاجة
ازاي علبة فيها بوش ويبقى طبيعي وكمان علشان العربية متتقلبش؟؟
الراجل بصراحة حسسني انه فعلا مش فاهم اي حاجة ومحسسني كمان اني مركبتش عربيات قبل كدة وعارف وفاهم
وحاول يثبتلي ان بروتون دي عربياتها في قمة الثبات والامان واكتر من البي ام كمان

والله مش عارف اعمل ايه خصوصا اني متأكد ان كلامه ده غلط 100 في ال 100

ياترى راي الخبراء ايه هنا : هل كلامه ممكن يكون فيه شئ من الصح؟؟

**mido_soliman** · 23-09-2011 07:32 PM

لاء طبعا بس هما فى التوكيل بيتعاملوا مع العملاء على انهم امييـــــــــــــــــــــ ـــــن
فتلاقية بيقولك اى كلام فاضى مش معقول
عموما لو شفتة تانى قلة
حمادة بالجنزبيل

**eng.m7md.ali** · 24-09-2011 02:55 PM

انا بصراحة ياميدو شكيت في نفسي لاكون اهبل ومش فاهم فعلا

بس افتكرت اي عربية سوقتها قبل كدة ومنها مثلا e46 318 ودي مفتكرش هيبقى فيها غلطة في العفشة ولا علبة الدريكسيون
ساعتها حسيت اني الحمد لله كويس ومخي شغال
يعني انت رايك اني اطلب اغير العلبة ويعمله التعديل؟

**mido_soliman** · 24-09-2011 05:12 PM

المشاركة الأصلية كتبت بواسطة eng f3lix

انا بصراحة ياميدو شكيت في نفسي لاكون اهبل ومش فاهم فعلا

بس افتكرت اي عربية سوقتها قبل كدة ومنها مثلا e46 318 ودي مفتكرش هيبقى فيها غلطة في العفشة ولا علبة الدريكسيون
ساعتها حسيت اني الحمد لله كويس ومخي شغال
يعني انت رايك اني اطلب اغير العلبة ويعمله التعديل؟

من غير كلام