حشو علبة الدريكسيون

**uhlphp** · 17-02-2009 08:14 PM

ارجو التكرم بتوضيح يعنى اية حشو علبة الدركسيون وجلد علبة الدركسيون يعنى يتكون من اية ولو عاوز اغير حشو علبة الدركسيون والجلد تتكلف كام لان عندى خبط فى العلبة بحس بيه فى المطبات فى الشوارع المكسرة ورفعت العجلة فى مرة وحركتها يمين وشمال لاحظت ان دراع علبة الدركسيون بيتحرك وبيعمل خبط مع التحريك

وشكراًً

**uhlphp** · 19-02-2009 10:36 PM

مفيش ولو واحد من السادة الاعضاء اللى يعرفو الموضوع عنده رد

**ahmed1981** · 20-02-2009 12:41 AM

يتم تغيير الحشو الداخلي لعلبة الدركسيون للقضاء على نسبة الفضاوة والبوش الناتجة من التآكل
وحشو علبة الدركسيون إنت وحظك يا ينفع يا يبوظ أكثر حسب الخامة المستخدمة ومهارة العفشجي
أنا حشيت علبة دركسيون ال 128 ومشيت معايا بعدها زي الفل يمكن أكثر من لما كانت جديدة
لكن اللي غير الحشو فنان عفشجي خارج القاهرة تحديداً في المحلة الكبرى حيث كنت هناك في زيارة وبالصدفة رحتله وقام بالواجب

**wkisho2005** · 20-02-2009 03:27 PM

المشاركة الأصلية كتبت بواسطة ahmed1981

يتم تغيير الحشو الداخلي لعلبة الدركسيون للقضاء على نسبة الفضاوة والبوش الناتجة من التآكل
وحشو علبة الدركسيون إنت وحظك يا ينفع يا يبوظ أكثر حسب الخامة المستخدمة ومهارة العفشجي
أنا حشيت علبة دركسيون ال 128 ومشيت معايا بعدها زي الفل يمكن أكثر من لما كانت جديدة
لكن اللي غير الحشو فنان عفشجي خارج القاهرة تحديداً في المحلة الكبرى حيث كنت هناك في زيارة وبالصدفة رحتله وقام بالواجب

طب ياريت يابشمهندس احمد تلحقني بعنوانه او اسمه عشان موضوع الخبط دا عندي بئي مزعج اوي والعلبة الجديدة للعربية عندي ب800 جنيه فيمكن يكون عنده حل العفشجي دا وتبقي عملت فيا معروف جااااااااااااااااامد

**aYaBooY** · 20-02-2009 05:47 PM

المشاركة الأصلية كتبت بواسطة wkisho2005

طب ياريت يابشمهندس احمد تلحقني بعنوانه او اسمه عشان موضوع الخبط دا عندي بئي مزعج اوي والعلبة الجديدة للعربية عندي ب800 جنيه فيمكن يكون عنده حل العفشجي دا وتبقي عملت فيا معروف جااااااااااااااااامد

يا سيدي الفاضل العلبة بتاعت الفورد ملهاش حشو زي ال 128 الفورد تغيرها بواحدة استيراد لو معكش فلوس موضوع الحشو في الفورد ده اشتغالة الاستيراد الكويسة مش هاتلاقيها غالية لو الجديدة عندك ب 800 بس انا بتاعتي 2500 جديدة باور و الاستيراد بحوالي 750 بس

**HeMa_LanCeR** · 20-02-2009 06:04 PM

بص انا كمان قريب هحتاج علبه دركسيون
والعلبه عندي باور وبتعمل حوالي 1200 جنيه
فا انا لما يحصلها حاجه وتبوظ خالص
ها اروح شارع شامبليون وهما يعملوها هناك
بس نصيحه علشان تنزل لازم يكون ليك حد هناك علشان هما بيشتغلو العفريت خلي بالك

**wkisho2005** · 20-02-2009 09:21 PM

الف شكر ياهيما ,و ayabooy علي النصيحة وربنا يسهل بئي واشوف هاعمل فيها ايه

**halimo** · 20-02-2009 10:04 PM

زى ماقالولك اوعى تحشى العلبة دة اشتغالة غير بمستعمل افضل الفيات والروسى فقط هما البينفع معاهم الحشو (واحد صاحبى معاة فيكترا وحشى العلبة ومانفعتش وحيجيب مستعمل دلوقتى)

**uhlphp** · 20-02-2009 11:50 PM

اولاً : انا متشكر جداً على الرد

ثانياً : يعنى انتو ياما محدش يرد ياما اللى يرد يقول نفس الكلام اللى قراته قبل كده فى كذا موضوع يا جماعة انا سالت عن حاجة معينة ( يعنى اية حشو علبة الدركسيون وجلد علبة الدركسيون يعنى يتكون من اية الحشو ده ولو عاوز اغير حشو علبة الدركسيون تتكلف كام )

ارجو الرد على سئوالى تحديداً

**ahmed1981** · 21-02-2009 03:00 AM

المشاركة الأصلية كتبت بواسطة wkisho2005

طب ياريت يابشمهندس احمد تلحقني بعنوانه او اسمه عشان موضوع الخبط دا عندي بئي مزعج اوي والعلبة الجديدة للعربية عندي ب800 جنيه فيمكن يكون عنده حل العفشجي دا وتبقي عملت فيا معروف جااااااااااااااااامد

هو بتاع العفشة مش في القاهرة
هو في المحلة الكبرى وإسمه ميمي
وزي ما الشباب قالوا إن مش كل السيارات يصلح عمل حشو لعلبة الدركسيون الخاصة بها
وكما قلت أنا جربته في ال 128 وكان ممتاز