جوجل بقى بيشغل عنده عفاريت !!

**Egyzizo** · 23-09-2011 05:46 PM

آخر حاجة كنت أتصورها انى ممكن أبحث عن صورة بدون كلمات دلالية للبحث .. وإنما بواسطة صورة أخرى .. يعنى مثلاً عندك صورة لشخصية عامة أو أحد الفنانين، وعايز تشوف صور أخرى لنفس الشخص ، بتحمل الصورة على صفحة جوجل للبحث عن الصور ، هتلاقيه جاب لك صور كتير لنفس الشخص.
لدرجة انى جربت أحط صورة ممثل أنا ماعرفوش ، لقيته جاب لى اسمه ومعلومات عنه وصور تانية ليه.

وحطيت صورة طفل (مش شخصية عامة) ، لقيته جاب لى نفس الصورة وصور لأطفال آخرين لهم نفس الملامح ..

جربتها كتير وشغالة تمام ..

بتعملها بأنك بتجيب صفحة البحث عن صور وبدل ما تكتب كلمات دلالية كالمعتاد بتضغط على صورة الكاميرا اللى جنب مساحة الكتابة وتحمل الصورة اللى انت عايز تستفسر عنها.

ماقدرش أقول غير ان ده شغل عفاريتى .. بيعرف محتويات الصورة ازاى جوجل ابن الجنية؟؟

images google search - YouTube

**wallace** · 23-09-2011 06:18 PM

دي خدمة نازلة بقالها كام شهر من قريب يعني وفعلاً الخدمة دي تم الإعلان عنها من فترة طويلة وهي جديدة ولما جربتها كانت ممتازة جداً لكن غير دقيقة

الفكرة إن جوجل بيحاول يبحث ببعض المتغيرات المعلومة زي مقاس الصورة عندك + معلومات الصورة إلي لو ضغط علي خيارات الصورة هتقدر تعرفها ومنها تاريخ إلتقاط الصورة وبعد تحديدها بيحاول يعرف أنت بتبحث عن أيه بالظبط ,لكن أكيد فيه متغييرات أخري غير معلومة وفريق جوجل مكتم عليها ..

**Kareem_A** · 23-09-2011 06:23 PM

للأسف دول مش عفاريت , دي ناس بتشتغل بجد

**Donzi** · 23-09-2011 06:26 PM

ايه دا جربتها و ظريفة اوي فعلا

**AboELsoud** · 23-09-2011 06:53 PM

جوجل بقى رهيب جدااااااااااا
(و الصوره الساخره اللي واحد كاتب فيها في مكان البحث اين مفاتيحي و داس بحث قام جوجل رادد عليه وقاله فوق التلاجه ) انا متوقع انها تبقى حقيقه في يوم من الايام :)

**wael ahmed** · 23-09-2011 07:02 PM

بصراحه مخدتش بالى قبل كده من الموضوع ده :)

بس تصدق بالله من زمان وانا نفسى يعملوا حاجه زى كده :))))

**MOUSTAFA_SAAD** · 23-09-2011 07:58 PM

انا مش لاقى صورة الكاميرا اللى بتقول عليها

موجود صورة كيبورد وبتفتح الكيبورد العربى

**dolly13** · 23-09-2011 08:05 PM

المشاركة الأصلية كتبت بواسطة aboelsoud

جوجل بقى رهيب جدااااااااااا
(و الصوره الساخره اللي واحد كاتب فيها في مكان البحث اين مفاتيحي و داس بحث قام جوجل رادد عليه وقاله فوق التلاجه ) انا متوقع انها تبقى حقيقه في يوم من الايام :)

ههههههههههه ... والله نفسنا فى الاختراع ده فعلا انا شخصيا بيضيع منى حاجات كتير

**أبو ياسين** · 23-09-2011 08:12 PM

دورو على حاجه اسمها " ....... based retreival system"
او ....... based image retreival system(CBIR)
دى شغل عادى و عالى جدا

-

الموضوع: جوجل بقى بيشغل عنده عفاريت !!

LinkBack

أدوات الموضوع

عرض

جوجل بقى بيشغل عنده عفاريت !! - انشر الموضوع فى :

-

-

-

-

-

-

-

المواضيع المتشابهه

عيال عفاريت

عفاريت الأسفلت

شوفوا الموقع دا .. عفاريت ولاد عفاريت

إجابات جوجل ,, خدمة جديدة من جوجل

الكلمات الدلالية لهذا الموضوع

المفضلات

المفضلات

ضوابط المشاركة