لو مراتك سابت البيت واخدت الاولاد معاها بدون سبب يذكر تعمل ايه

اقتباس:

---

المشاركة الأصلية كتبت بواسطة egyptiandiver

نفض يا مان

---

ينفض ازاي ؟؟؟؟؟؟ انا مش فاهم
الراجل بيتكلم عن زوجته واولاده .... ينفضلهم ...... امال يهتم بايه ..... النت والعربيات ؟؟؟

اقتباس:

---

المشاركة الأصلية كتبت بواسطة nonetta

الست الخايبة اللي تسيب بيتها
الست الشاطرة ما تسيبش بيتها ابدا ابدا لانها هتبقى هيا الخسرانة بكل المقاييس
الست الشاطرة حتى لو جوزها لاسمح الله غلط تتمسك ببيتها وما تهدوش
انت تعرف مين اكتر حد بتحبه زوجتك وبتقتنع بيه وبرأيه
تكلمه عشان يعقلها ويرجعها لصوابها
مش ترك البيت اللي هيحل المشكلة
وللأسف اهالي خايبين بيعوموا على عوم بنتهم وفاكرين ان كدة بيعززوها ويكبروها
وعلى شئ لا يستحق
خد قرار حاسم
زي ما الاخوة قالوا ..
هيا عارفة ان ليك نقطة ضعف مثلا الاولاد .. بعدها عنك ..اي سبب تاني
بتضغط عليه
تعرفها ان نقطة الضعف دي مش هت\اثر فيه وان هيا اللي قست قلبك
وانها هتندم
سيبها ما تسألش عنها
انا عارفة ان قلبك هياكلك على ولادك
ما تفرطش في حقك فيهم
تروحلهم بانتظام تشوفهم اوعى تبعد عن ولادك عشان ما يتعودوش على بعدك
بس تتجاهلها تماما عشان تندم
الوي انت دراعها بدل ما تلوي هيا دراعك
ونتمنى من الله صلاح الحال وعودة المياه لمجاريها وان يبعد عنكم وسوسة الشيطان

---

انا اما قريت الرد ده وقفت و سقفت و قلت برافو بعلو حسي

ربنا يكمل كل البنات بعقلهم زي حضرتك

سيبان البيت اصلا حرام حرام حرام

و مرة في مرة بيقسي القلب

و هي و اهلها بيبقوا فاهمين انها بقت عزيزة اما يرجع يجيبها و هو مش غلطان اساسا

و مش فاهمة ان بغضها في قلبه بيكبر و النفوس ما بتصفاش

لحد ما في مرة و هي ماشية هيبقى فرحان و مزأطط انها ماشية و نفسه انها ما ترجعش

اقتباس:

---

المشاركة الأصلية كتبت بواسطة نور القمر

في البداية انا ضد ان الست تسيب بيتها لاي سبب وضد الاهل اللي يشجعوا الواحدة على كدة
بس في حاجة مهمة وهي ان اي مشكلة بين اي طرفين حتى لو مش زوجين كل طرف بيحكيها بطريقه من منظوره هو وطبيعي محدش بيشوف نفسه غلطان وإلا مكنش يبقى فيه مشكلة اساسا
واحنا مسمعناش منها يبقى على الاقل المفروض نكون حياديين
انا مش ضدك يا استاذ حسام انا بس بحاول افكر من وجهة نظرها هي واحلل موقفها
دلوقت استاذ حسام بيقول من ضمن الاسباب قلة الفسح احنا مش عارفين قلتها دي يعني مرة في الاسبوع مش عاجباها ول مرة في الشهر ولا مرة كل 6 شهور ولا كل سنة
وطبعا كل افتراض يفرق عن التاني كتير
يعني لو هي شايفة ان مرة في الاسبوع او حتى مرة في الشهر قليلة ممكن نركبها هي الغلط
اما بالنسبة لطلبات البيت كيس العيش وماشابه مش يمكن دي امثلة لعدم الاهتمام بطلبات البيت
يعني مثلا البيت محتاج عيش وهو بينسى او متاخر على الشغل ومجابش الصبح او هايتغدى برة ومنفض مهي في الحالة دي من حقها تزعل لو المواقف متكررة معظم الوقت لان المشكلة مش في العيش المشكلة انها شايفة ان اولوياته مش للبيت ولا للي في البيت

---

انا معاكي مع تاكيد ان المشكلة دي حتى لو هو غلطان فهي أهيف من ان البيت يتساب عشانها

اقتباس:

---

المشاركة الأصلية كتبت بواسطة a.saad

الاول هاعرف السبب
لقيته مش مقنع ولا مالوش لازمة
هاسافر الصعيد
اجيب قلة
واكسرها على باب الشقة

---

برنس و الله ....

بغض النظر عن مين اللي غلطان في الأصل، هي في حكم النشوز بخروجها من البيت
وكونك رجل أحسن لدينك إن تكون في بيتك لك زوجة، إتجوز تاني، وحاول تختار المرة دي وتبعد عن عيوب الزوجة الأولى، وما تطلقهاش إلا إذا طلبت، والطلاق مش حرام، والأولاد حقهم عليك هتؤديه، يبقى شرعا مافيش أي مخالفة
يمكن لما تمشي في جوازه جديده ينصلح حالها لوحده
ويمكن يكون الطلاق أحسن للكل
ورأي شخصي: فسح إيه وكحك إيه يا بشر، الدنيا منفاته على الكام ساعه اللي هنعيشهم فيها

اقتباس:

---

المشاركة الأصلية كتبت بواسطة hossam_elwani

عشان اريح الجميع السبب قلت الفسح والنزولات وكيس عيش ويميش رمضان وكعك العيد والحجات الهايفه دى ..

---

بص يا حسام
انا كتبت الرد اللى فات من غير معرف انه مشكلة محددة
دلوقتى هنتفق على حاجة
الزواج مسئولية
البيت مسئولية
يعنى انت اما تنسى حاجة زى العيش مثلاً
حاجة بتضايق وتعتبر مؤشر على عدم الاهتمام
ممكن لو ظروف شغلك بتاثر فى الجزء ده تجيب كمية تكفى يومين وتتخزن فى الفريزر
لو نسيت يتم استعمالها

الخروج
ده طبع شخصى بينكم
ممكن انت تكون بتخرجهم مرة فى الشهر
فىه ستات عايزة كل يوم او كل يومين
طبعاً معدل مش مقبول منهن خالص
وممكن تكون انت بتخرجها كل سنة 2 ولا 3 مرات وهيا مقتنعة بمرة فى الشهر
او الخلاف على المكان مثلاً
دى نقطة ممكن تحاول توصل ليها بالتفاهم

اشترى الاول واسمع منها
مجتش
دخل الكبير بتعها
وحاول لو التقصير منك تتغير بجد
غير كدة يبقى هتستعمل الحل اللى كتبته فوق
بس مش من الاول زى ما اوضحت فيه

ربنا يهديك للي فيه الصالح ليك و لبيتك و لولادك

انت ادرى شخص بحقيقة المشكلة و تتعالج ازاي لانك اكتر واحد معاشر زوجتك و عارف طبعها و شخصيتها و لو انت شايف ان الخروج و الفسح تلكيكة هايفة منها يبقى تسيبها و ماتسألش فيها زي ما بعض الاخوة قالولك

و لو شايف انك كنت مقصر في حقها و مش مهتم بيها و انها طلبت منك كزا مرة و انت منفضلها او مش واخد طلبتها - حتى و ان كانت صغيرة و هايفة في نظرك - بعين الاعتبار يبقى تعيد حسباتك انت و تشوف حد من اهلك و حد من اهلها يقرب وجهات النظر

و لما ربنا يصلح الحال ان شاء الله و ترجع البيت يبقى في كلام جديد من اول السطر و تفهمها ان سيبان البيت دا غلط و حرام و هايكبر الفجوة بينكم و هايزود الجفاء و لو حصل تاني ماتلومش غير نفسها و يبقى كلامك من موضع قوة مش انك بتحايلها لأن مبدأ سيبان البيت دا اصلا غلط و لو حتى هي مش طايقاك ولا طيقة تبص في وشك يبقى يا اما تستأذنك انها تروح عند اهلها و انت توافق يا أما تطلب منك انكم تبعدوا شوية عشان تفكروا و ساعتها انت اللي تسيب البيت لفترة محددة لكن هي ماتخرجش من بيتها بدون علمك و بدون اذنك

ربنا يهديلكم الحال و يصلح فيما بينكم
و هاقولك نصيحة اخيرة و اعتقد هاتكون صعبة عليك بس نتيجتها مضمونة باذن الله : إنوي انك تصلي 1000 ركعة بنية ان ربنا يصلحلك زوجتك و يهديهالك - دا في حالة ان كلاكما بيداوم على الصلاة اصلا - و ان شاء الله اكيد اكيد مش هاتكمل ال 1000 ركعة الا لما تكون زوجتك ربنا هاديها ليك و لبيتها ( عن تجربة لأخي و نصيحة احد كبار علماء و مشايخ مصر )

روح ياحج كلم مراتك واعزمها في مكان حلو ومتاخدش العيال واقعدو مع بعض وكل واحد يحكي اللي مضايقه للتاني واتفقو علي حل المشاكل بطريقه هاديه ولو الأمور مشت تمام اتفقو ان مفيش خروج من البيت بدون اذن وان مفيش تدخل للأهل من كلا الطرفين لمشاكلكم
لو الدينا مشت تمام خدها وروح خد عيالك وقضي ليلتك وعيش حياتك وخلي مراتك خاتم في صباعك بالطريقه اللي تشوفها مناسبه

متحطش في دماغك انها وحشه وبتعمل ده من دماغها جايز اهلها اللي معصينها او حد لاعب في دماغها خلاها تسيب البيت
ياما ستات بيعملو نفسهم خايفين علي ستات تانيه وهما عايزين يخربو بيوتهم فحاول تشوف جايز متصاحبه علي واحده مطلعه في دماغها موضوع الفسح والخروجات والكلام ده

اما بقي لو هي اللي بتحاول تعمل كده عشان تمشيك علي مزاجها يبقي اولأ تتقل
ثانيا هي طالما مضايقاك اكيد مش هتوحشك قوي لكن ولادك هيوحشوك
روح كل يوم وشوف ولادك وعاملها عادي كان مفيش حاجه وخد العيال لوحدهم وفسحهم وروقهم وهاتلهم اللي هما عايزينه وكانها مش في دماغك

ربنا يهديهالك ويصلح حالكم

لو سمحت يا استاذ حسام .. انا تقريبا عندى نفس مشكلة حضرتك و اى كلمه بتسيب البيت .. يا ترى انت عملت ايه و سيبتها قد ايه و الموضوع رسى على ايه ؟؟