لو مراتك سابت البيت واخدت الاولاد معاها بدون سبب يذكر
وكمان اهلها قوها على الى هيا فيه
وسبتها شهر واكتر ولا سألت ولا رجعت
تعمل ايه لو الموقف زى ما شرحته كده بدون تأويل او تخمين
لو مراتك سابت البيت واخدت الاولاد معاها بدون سبب يذكر
وكمان اهلها قوها على الى هيا فيه
وسبتها شهر واكتر ولا سألت ولا رجعت
تعمل ايه لو الموقف زى ما شرحته كده بدون تأويل او تخمين
عمرها ما حتدخلة تانى طول مانا عايش
مع احترامي الكامل ليك الموضوع ناقص مفيش حاجة اسمها بدون سبب يذكر لازم يكون في سبب
نعرف السبب وبعدين نقول ممكن يكون رد الفعل ايه ؟
يبقى الوضع على ما هو عليه و اقصاها هاكلمها بالتليفون انصحها ترجع
نص الناس للأسف هتقولك المركب الي تودي
بس أنا رأي إعرف السبب الأول م يمكن يكون عندها حق وإنت مش واخد بالك؟
من غير سبب ماينفعش
عشان ده مقياس لمدى سوء او احقيه الوضع
و مين اللى راكب دماغه و مين اللى لازم يتنازل
السبب مهم فى الموضوع ده
فى مثل بيقول اللى خرجت لوحدها ترجع لوحدها
ولا تسأل
عشان اريح الجميع السبب قلت الفسح والنزولات وكيس عيش ويميش رمضان وكعك العيد والحجات الهايفه دى ..
No comment!!
وهى الستات فى فدماغها حاجة غير الحاجات الهايفة دى ؟
والراجل علية أنة يكع وميفتحش بوءة يا كدة يا تسيب البيت وتمشى ....
على فكرة لو ألحيت أنها ترجع البيت تانى هترجع بس هتسيبة تانى وتالت وعاشر ....
أعمل زى محمد صبحى وطنث خاااااااااااااالث أن شاللة حتى سنة لحد ما تعرف أن اللة حق ....
لأ كده مينفعش معلش هيا لازم تقدر الوضع والمشكلة لو الموضوع إتساب هيكبر على الفاضي مفيش حد هيا بتسمعلة يقدر يفهمها أو يتكلم معاها؟
راجع نفسك
لو انت غلطان ولا زودتها فالرجوع للحق فضيلة وتبقى بتديها وتدي ولادك نموذج للإحتكام للعقل
لو المدام مدية ودانها لأهلها يبقى تعمل خطة إزاي إنك تعدي الموقف ده وفي المستقبل تفصلها عنهم علشان تقدر تعيش بدون مشاكل والخطة دي تبقى سرية من غير ما تقولها ولا تحسسها
لو هي مزوداها وانت حاسس إنك لو روحت حايلتها تبقى بتنكسر قدامها يبقى أفضل لك ولها تسيبها خااااااااالص لغاية ما تتصل عليك وتخلي العيال يكلموك وساعتها ترجعها بكل كرامة لها ومن غير عتاب كتير وهي أكيد هتكون وصلتلها الرسالة
لكن عن تجربة لو انت اتنازلت عن كرامتك قدام مراتك ممكن تتضايق منها بعد كده أو تحاول تنتقم لكرامتك ومن هنا تبدأ المشاكل الصعبة
اقولك بقى على الحل الجامد والنهاءى
بص ياريس حاول توصلها بطريق غير مباشر ان انت زهقت من العيشة واللى عايشنها وحلاص قررت ان انت تتجوز ومش فارقة معاك اى حاجة
تقولها عن طريق التليفون او حد من قرايبها او واحدة صاحبتها المهم يوصلها ان انت حتتجوز
وشوف النتيجة وادعيلى
على فكرة الكلام دة عن تجربة
خلى حد يوصلها معلومه انك بتدور على عروسة تانيه
ودى هتكون ورقة ضغط قوية بس اهم حاجه تخليك جامد
سؤال مهم
هل زعلت قبل كده وأنت رحت جبتها ؟
فى كلتا الحالتين: نعم أو لأ ، نصيحتى لك
أتقل خاااااااااااااااااااالص ومتسألش وهتعرف هى وأهلها أن الله حق !
الموقف ده حصل معايا بالظبط ، بس غلطتى أنى أول مرة زعلت رحت جبتها من عند أهلها ! بعديها حاولت تكرر نفس اللعبة طنشت خالص وقلت زى مامشيت لوحدها ترجع لوحدها ، طبعاً أهلها
حاولوا يتمحكوا فى أى حاجة ويتصلوا بي أنهم يفضوا الموضوع وتنفصلوا بهدوء ( دى بتكون لعبة ويهددوك بيها ) علشان يخوفوك !! أوعى ساعتها تنخ أبداً قوللهم هفكر وربنا يسهل وبرضه تطنش وتسيبهم ! هتلاقيهم بيزقوا عليك طوب الأرض علشان تصطلح وترجع بيتها ! وفى النهاية رجعت برضه لوحدها ! بس طبعاً من ورا ظهرى بتقول للمعارف والأهل أنى أنا اللى رحت جبتها !!
:majd(4):
على فكرة توارد خواطر مش نقل :)))
اية ياعم حسين
هى بقا كدة
ودي ميزة تاني للتعدد
الواحد لو متجوز اتنين عمره ما يتبهدل
اللي عاوزه تروح عند بيت أبوها تبقى فرصة الواحد يقضي شهر عثثل وفسح مع التانية وتبقى على نفسها جنت براقش
ده غير إن الست بتعمل ألف حساب لجوزها لحسن يميل للتانية
فعلا الستات دول صنف أعوج وما حدش يقولي دول اخواتك ولا حاجة من الكلام ده لأن اللي بنشوفه مش قليل خالثثث
اعتقد ان الموضوع ليه ابعاد تانيه غير اللى قلتها ..او ممكن تقول ان دى الاسباب المعلنة او التى قصمت ظهر البعير
يعنى ممكن تكون شايفة انك بتهتم بنفسك اكتر وبالتالى بتقول اشمعنى انا واحنا كمان لينا حقوق عليك
او نفس المشكلة دى اتكررت قبل كده وانت قلت هحلها ومحصلش جديد
ومعنى الاهل موفقين على موقفها ده ان فعلا الاسباب موجوده واكيد حصلت خلافات قبل كده وهما اتدخلو فيها .
لو انت شايف انك تتحمل جزء من المسؤلية فى الخلافات دى لا تتردد فى حل المشكلة حتى لو جيت على حساب نفسك من اجل بيتك واسرتك .( وده اللى انا شايفه )
اطلبها فى التليفون واتفقو تتقابلو خارج البيت وحاول تسمعها بقدر الامكان خليها تقول كل اللى فى نفسها خليها تخرج الشحنة اللى جواها لان مجرد الكلام هيخفف حدة الغضب فيما بعد وبعد كده رد على نقطه نقطة ولو عندك جزء من الخطا اعترف بيه لان ده هيشجعها انها كمان تعترف بأخطائها
خليك انت وهى بس بداخل الدائرة فقط والجميع من الخارج مجرد مشاهد وليس مشارك .
جماعة الخير من الاعضاء الغير متزوجين اللى بيقولو رئيهم فى الموضوع احب اقول كلمة ليهم علشان ادى نصيحة لاازم اكون مريت بها وخصوصا فى المواضيع اللى تتعلق بمصائر اطفال ليس لهم اى ذنب فيما يحدث
على فكرة ممكن لو وصل لها انه بيدور على عروسة البيت يخرب وتطلب الطلاق مش شرط انها حاتخاف و ترجع لان حضرتك بتقول انها عند اهلها من شهر واكتر يعنى مش محتاجة اهلها متكافلين بها وباولاد كمان
انا فى رايا وده من القران الكريم حكم من عندها ومن عند حضرتك قاعدة يعدوا فيها الناس الكبيرة من الاهالى يشوفوا ويحكموا علشان اولاد حضرتك حطهم قدام عينك مش علشان المدام اولادك اكيد نفسيتهم وحشة جدا وبيسمعوا كلام المفروض مايتسمعش عن ابوهم انه متخلى عنهم وسايبهم
المفروض الموضوع يتحل علشان الاولاد وهما حايشوفوا وحايحسوا بحكمة ابوهم لما يكبروا وانه حافظ على بيتهم وانه مش سايبهم وربنا يفعل اللى فيه الخير
كلام حضرتك موزون
وانا بأعتذر وباعترف إني اتسرعت في تعلقي السابق وانفعلت مع الموضوع بتأثير عوامل مؤقتة عندي
يا ريت فعلا تستمع لنصيحة الأخ الغالية دي بس الأفضل إنك تحل المشاكل بطريقة جذرية بحيث تتعود انت وأهلك أن لا تسمحوا لأحد بالتدخل نهااااااااااائيا مهما حصل وتوصلها رسالة إنها لو وضحتلك انك على خطأ فأنت لن تتعالى وستعترف بخطأك وتعطيها كل حقوقها
لا والله بس انا الموقف دة حصل معايا كذا مرة وكنت باجى على نفسى كل مرة :_Alshmokh08[1]:
مش عارف بقى دى طبيعة الستات ولا فى اية
هما لازم يعملوا مشاكل فى اى حاجة حتى لو الموضوع مش مستاهل
فى اخر مرة بقى عملت كدة وفهمتها انى خلاص زهقت وكذا واحدة من صاحباتها وصلولها الكلام دة :bye:
طبعا الغيرة اكلت قلبها وجابت العيال ورجعت على طول :36_7_4[1]:
ومن ساعتها الحياة وردى :ilikeit: ومفيش مشاكل
حضرتك في مفترق طرق و لازم تحدد أي الأتجاهين لأن حياتك الجاية حتتحدد من موقفك في الوضع الحالي
أولا لازم تحدد مع نفسك أن كان الخطأ منك ولا منها
ثانيا هل مبدا أن الست تسيب البيت و تطفش ده مقبول من أساسه ( أي كان السبب بعيد عن الأعراض أو الخيانة )
ثالثا حضرتك أي محاولات لإرجاعها فيها تنازل منك و كمان بتأكدلها أن قرارها بترك البيت كان قرار صائب و بالتالي دي حتكون قصة حياتكم القادمة
رابعا كون أهلها معترفوش بخطأها ده موضوع تاني لأن معناه أنك لازم تاخد حقك بالقوة و تثبت شخصيتك و إلا برضه ده حيكون طريقتها في الضغط عليك علي طول الخط لو رجعتو لبعض
الست لازم تشعر بقوة شخصية زوجها و ليس عضلاته و إلا الزواج حيفشل
قرارات حضرتك في الموضوع ده لازم تكون حاسمة و مينفعش الست ترجع البيت بمزاجها و مينفعش أنت تطلب منها الرجوع للبيت
كلام حضرتك يكون بمنتهي الصرامة مع أهلها و تحديدا الرجال و ليس النساء
اتصال تليفوني من حضرتك للرجل المسئول ( أب أو أخ ) ليس لبحث سبب ترك البيت و لكن حضرتك تخبرهم بأنك منتظر ترجع من الشغل مثلا بكرة تلاقي مراتك في البيت و أي كان المشكلة دي مش مشكلة الأهل و مش من حقهم يتدخلو و هي كده خرجت أسرار بيتها برة و حضرتك مش حتناقش أي حد في أي حاجة غير لما مراتك تكون في البيت
لو مراتك مرجعتش حط علي قلبك حجر و أنسي موضوع العيال اللي بتخللي الست فاكرة أنها ماسكة الراجل من إيده
هدد بالطلاق و أنت تعنيها
أنت لو هددتش بالطلاق دلوقت و أنها مش فارقة معاك من ساعة ما سابت بيتها برضه مسألة وقت و حتسيبلك البيت تاني و مش بعيد تطلب هي الطلاق
ولا ابعاد تانيه ولا غيره ربنا شاهد ازاى انا عايش بيهم وليهم ولكن تقول ايه حسبى الله ونعم الوكيل
وعلى فكره الحياه بسيطه لو انا غلطان بقول انا غلطان واسف كمان
وربنا العالم
بس انا حاخد بإجماع الاراء هنا وحسبها لحد ما حد يتمحك وساعتها ربنا يعمل الى فيه الخير
فى الحالات ديه يفضل سماع رأى الطرفين قبل الحكم
بفتراض أن الطرف الثانى هيتكلم من وجهه نظره ومش هيطلع نفسو غلطان
لو كده يبقى استمتع بالبيت لوحدك و محتاج تزور الموضوع بتاع اتجوز اجنبيه و حسن النسل
بص الموضوع محتاج ميزان حساس
مافيش حد هيقدر يوزنوا غيرك انت
لان انت العارف انت مقصر لغاية فين
و عارف برضه معدن مراتك تستاهل انك تروح تقولها كفايه كده
ده شغل نفس طويل بس لو عايز تبقى انت الكبير يبقى خد خطوتط و من غير تنازل و لا كلام فى اللى حصل
انا عايز مراتى تروح معايا و دمتم
مهما كانت الاسباب الست متسيبش البيت , ممكن انا اسيبه لكن هيه لأ ...
بسم الله الرحمن الرحيم
وإن خفتم شقاق بينهما فابعثوا حكما من أهله وحكما من أهلها إن يريدا إصلاحا يوفق الله بينهما إن الله كان عليما خبيرا
صدق الله العظيم
مش محتاجه كلام والد او عم الزوج يقعد قعده بره مع والدها او اخوها مثلا و توضح الامور
سيب حبيبك علي هواه بكرة ييجي وديله علي قفاه
ماشاء الله تبارك الله صورة حد من عيالك اللي انت حاططها بتقول انها فرحانة بشبابها ومتبغددة بعيالها اللي انت شريك اساسي فيهم ربنا يخليلك عيالك ويهديها لك واللي متخنلها دماغها من اهلها ربنا يهديه ويبطل تهوية عالولعة وبعدين الاسباب بتاعة الياميش والكلام الفاضي ده انت اللي معاك الميزانية وبتبص لقدام ومعظم الناس كله خايف من بكرة لكن تقول ايه لقلة العقل
منكم نستفيد بس برضو كارت الاطفال ده كارت قوى جدا
لانهم ولادك و التشتيت ده صعب عليهم
انا شايفك محتار جدااااااااااااااا
هي هتلعب بكارت العيال ولازم حضرتك تبقى عارف ومتأكد ومتيقن 100% انهم هيكرهو عيالك فيك لازم تبقى واثق من النقطة دي، يعني للأسف القوانين الحالية في صالح الست في موضوع الأطفال وبالتالي هتخسر كتير...هو دا الجواز للأسف مشروع فاشل لما الست تخلف ويبقى معاها مصدر قوتها وهما عيالها.
فحضرتك لو هتاخد قرار الانفصال او التهديد بيه لازم تدور الاول على حلول لموضوع الاطفال دا..دا غير الفيلم بتاع القايمة و المؤخر الخ...
حاول تصلح الامور احسن واديلها فرصة تانية وحاول تأكدلهم وتأكدلها ان لو الموضوع دا اتكرر تاني انك هتطلقها ومش هيهمك حاجة، واهو يبقى عملت اللي عليك و استنيت برضو لربما تكون اعصابها تعبانة من زن اهلها على ودانها.
القرار صعب بصراحة..ربنا يوفقك للخير