تجربتى لجين 2 واول تعامل مع توكيل صيانه بروتون

**Europian** · 24-09-2011 02:11 AM

انا الحمد لله بقيت من ملاك جين 2 وحبيت انقل تجربتى يمكن تفيد الناس زى ما انا استفدت من كل البروتوناويه لحد ما استقريت على الجين تو
اولا انا عربيتى جين 2 2011 اوتو
اول ما سوقت العربيه كان يوم ما استلمتها وبجد حمدت ربنا اللى هدانى ليها
اولا العيوب:
1-لمبه الشنطه مش شغاله
2- العربيه بتحدف يمين بعد سرعه 80 كم/ساعه
3-صوت بسيط اوى لما بمشى فى مناطق مكسره
4- العفشه ناشفه شويه على السرعات البسيطه (كنت عارف قبل ما اشترى)
5- الباور تقيل شويه وقطر دورانه صغير (كنت عارف قبل ما اشترى)
6- صوت تزييق فى الفرامل على الغيار الاول (ماكنتش اعرف ان ده عيب كنت فاكر الاوتوماتيك كده)
ثانيا: المميزات:
بسم الله ماشاء حدث ولا حرج
الثبات-قوه الموتور-الاوبشنز-وسائل الامان-متعه ورفاهيه القياده-وحاجات تانيه كتير اوى مش عايز اطول عليكو....
بعد الالف كيلو روحت الصيانه وحبيت انقلكو تجربتى مع الوكيل:
اتصلت بلتوكيل وحجزت ميعاد الساعه 10:30 فى فرع الصحراوى ورحت الساعه 9:30
استقبلنى المهندس محمد عبد الهادى للوهله الاولى تحس بمعامله كويسه بس بعد شويه صغيرين حسيت انى جاى اصرف معاش....المهم...مع انى هغير زيت وفلتر و اظبط زوايا الا انى استلمت العربيه الساعه 2:30
بس بصراحه بقى:
لمبه الشنطه اشتغلت-العربيه ما بتحدفش-الاداء اقوى-صوت الموتور انعم-الصوت اللى كنت بسمعه فى المطبات اختفى-والاهم بقى انى اكتشفت ان صوت الفرامل اللى حكيتلوكو عنه راح تماما ومن غير ما اشكيلهم من اى حاجه وده اللى عرفنى انه كان عيب بسيط فى منظومه الفرامل
اجمالا:
بسم الله ماشاء الله على العربيه والف شكر لكل اللى ادانى رايه وكان سبب انى اشتريها

وعشان كده اى حد بيفكر يجيب جين تو ويحب يسال اى سؤال عن تجربتى انا فى الخدمه بخبرتى المتواضعه مع العربيه وده رد لجميل كل اعضاء بروتون
اسف انى طولت عليكو

**sleepyhammer** · 24-09-2011 03:07 AM

اولا الف مليون مبروك يا باشا وربنا يباركلك فيها ويكفيك شرها
ثانيا هل العربية واسعة من ورا واودام علشان انا معايا بروتون ساجا وجربت اركب فى الجين فى التوكيل حسيت ان الدركسيون لازق فى رجلى مع انى مش طويل بس تحس انه واطى اوى بعكس الساجا بدخل اقعد مرتاح فى الجين بحس انى لازم اعافر شوية لما ادخل اقعد
انا محتار لسه بين الجين والبرسونا وبجد مش عارف اختار لانى بعشق الجين من زمان كشكل انما لما ركبت فى البرسونا حسيت انها افخم من جوه واوسع فى القعدة مش اوسع اوى بس حسيت انها اريح من الجين
انت رايك ايه وهل جربت تركب البرسونا قبل ما تشترى الجين ؟؟
والف الف مبروك يا باشا وعقبال ما تعمل صيانة ال100000

**mooody210** · 24-09-2011 03:14 AM

الف مبرووك .. و الله يبارك لك فيها و يكفيك شرها ..

حضرتك اشترتها منين .. و بكام ؟ .. انا بدور عليها فى كل مكان خلصانة و هل لسه فيه منها مانيوال ؟؟

**SAMEH_FOUAD** · 24-09-2011 03:51 AM

الف مبروك ياباشا

هية فعلا الجين 2 سيارة رياضية وبتمتاز بثباتها ومحركها القوى

**hugan** · 24-09-2011 05:43 AM

10000000مبروك

**sleepyhammer** · 24-09-2011 04:24 PM

المشاركة الأصلية كتبت بواسطة hoko

[gdwl]الف مبروك وعموما سيارات جميله ومحترمه
بالنسبه للعضوsleepyhammer
لما ركبت فى البرسونا حسيت انها افخم من جوه واوسع فى القعدة مش اوسع اوى بس حسيت انها اريح من الجين
[OVERLINE]تمام هذا الكلام[/OVERLINE]

فعلا اريح

**Europian** · 25-09-2011 12:00 AM

ثانيا هل العربية واسعة من ورا واودام علشان انا معايا بروتون ساجا وجربت اركب فى الجين فى التوكيل حسيت ان الدركسيون لازق فى رجلى مع انى مش طويل بس تحس انه واطى اوى بعكس الساجا بدخل اقعد مرتاح فى الجين بحس انى لازم اعافر شوية لما ادخل اقعد
انا محتار لسه بين الجين والبرسونا وبجد مش عارف اختار لانى بعشق الجين من زمان كشكل انما لما ركبت فى البرسونا حسيت انها افخم من جوه واوسع فى القعدة مش اوسع اوى بس حسيت انها اريح من الجين
انت رايك ايه وهل جربت تركب البرسونا قبل ما تشترى الجين ؟؟

بص يا باشا العربيه زى الفل من قدام (انا طولى 180 سم) ومن ورا معقوله مش واسعه قوى ومش ضيقه وبلنسبه للبرسونا اوسع شويه بسيطه من ورا-الدركسيون واطى بس يديك احساس بلرفاهيه مريح جدا
بلنسبه للجين تو او البرسونا الفرق بسيط انت اللى تحدده بناءا على متطلباتك عائليه ولا شبابيه مع العلم ان شنطه الجين تو حلوه جدا

**Europian** · 25-09-2011 12:02 AM

انا اشترتها من عز العرب فرع العجوزه من 3 شهور تقريبا وبصراحه مش عارف ايه الاخبار دلوقتى

الموضوع: تجربتى لجين 2 واول تعامل مع توكيل صيانه بروتون

LinkBack

أدوات الموضوع

عرض

-

-

-

المواضيع المتشابهه

استفسار عن صيانه ال ١٠٠٠ كم لجين ٢

شهاده شكر للعقيد خالد واول صيانه خارج التوكيل

تفاصيل صيانه 40 لف لجين 2 بالتكاليف

استفسار ممن تعامل مع توكيل منصور

الى كل من تعامل مع توكيل متسوبيشى فى مصر

الكلمات الدلالية لهذا الموضوع

المفضلات

المفضلات

ضوابط المشاركة