الموضوع: مشكله بسيطه بس مش عارف الحل

في ملاحظة مش عارف ممكن تكون تتحمل في ضمنها حل لمشكلتك ولأ لا ...

جاري معاه 2010 2107 .... هيه تاكسي وطبعا اول شهر حط 90 لإن التوكيل رعبه من الــ80 .... بعدين استغلى وحط 80 لقى العربية على طوول عشان تمشي بيمشي على rpm أعلى عشان تدي نفس الأداء بتاع الــ 90 .. و بيقولي العربية بتبقى متعطشة قوي انك تديها بنزين أما الــ 90 العربية كانت أكثر سلاسة وبتستقبل كمية بنزين أقل مقابل الأداء ... مش عارف ان كان الكلام ده صحيح 100% ولا لأ .. لإني ما جربتش أسوق نفس العربية بتغيير البنزين ...

نصيحة عالسريع كده حاول بعد ما التنك يخلص حط 80 كالمعتاد وشوف لو العربية رجعت للطبيعي ولا لأ .... لو ما رجعتش يبقى في مشكلة بس الصراحة مش قادر أحددها ....

المشاركة الأصلية كتبت بواسطة ahmedemad15

السلام عليكم ورحكه الله وبركاته
انا معايا لادا 2015 موديل 1983 المهم طبعا دى بتاخد بنزين 80 من زمان اخر مرا فى ظروف مافيش 80 خالص فولت بنزين 90 المهم العربيه ماشيه تمام ودلوقتى العدا فى النص تقريبا اقل من نص التانك المشكله بقى
ان العربيه انهاردا بتحس كأن البزين وطى جامد كأن العربيه هتفصل لازم كل شويه ازود بنزين وكمان انهاردا بطلت تشتغل غير لما تولعها وتقعد حاطط رجلك على البنزين لحسن تفصل وبدأت تقطع جامد او تنتش كدا والعادم بيطلع دخان اسود كثيف
فايه بقا النظام دى البوجيهات ولا اللاتر ولا الكاربيتداتير

عايزة نظافة وظبط كربياتير

السلام عليكم .. واكمل لك انا الاعراض ولما تيجي طالع بيها مطب تفضل انت حاطط رجلك علي الدبرياج ودايس علي دواسه البنزين عشان العربيه هتفصل منك لو شيلت رجلك عن البنزين صح كده ولا ايه ؟
لو كان كدا يبقي انت حليت المشكله لنفسك يا غالي . اولاً فك البوجيهات واغسلها كويس اوي اوي بجاز واحرق سنها عشان تقبل كهربا معاك كويس ويستحسن تغير وخلاص .. وتعمل عمليه تنفيض كويس اوي للكاربرتير او تفك بيك السرعه وتنضفه انت بنفسك .. دي عمليه سهله اوي وهتلاقي الاداء اتغير .. والاسهر تعطس العربيه لو مش بتعرف روح لكهربائي قولي عطس لي العربيه كويس عشان تنفض الكاربرتير . ولما تظبط قولي عملت ايه ولو مافيش حل كلمني تاني وان شاء الله سهله وما تحملش هم
monzer

ههههههههههههههههه اصله حصلي نفس اللي حصل ده قبل كدا وحصل مع زمايلي . لان البنزين 90 خفيف في المكنه ولما كان بيحط 80 فرسب بعد كده كل الشوائب راحت للكاربتير وكتمت معاه وهو لو بيعرف ينضف البيكات هتلاقيه ميه ميه .. واى خدمه