صيانة لانسر بوما 2008 سوبر اكشن

**ahmed_bq** · 25-09-2011 02:23 PM

السلام عليكم يا اعضاء وخبراء اللانسر بوما

الحمدلله اشتريت عربية لانسر بوما 2008 سوبر اكشن خليجي سعودي

العربية ماشاء الله كويسه جدا وسحبها وكمالياتها كلها ممتازه ..بس انا عايز بس اعرف ايه الحجات اللي المفروض اغيرها وهتتكلف كام علما باني كان معايا كريستاله واكيد الاسعار غير

طبعا هغير سير الكاتينة والبوجيهات وفلتر الهوا والبنزين وتيل الفرامل وغالبا هعمل الطنابير عشان شكلها محتاجه تتجلي

ممكن حد يقولي الحجات دي تتكلف اد ايه ويا سلام لو يقولي الانواع التمام واسعارها .. اكون شاكر جدا
وانا دورت على لينك فيها كل قطع الغيار بتاع البومه بس ملقتش حاجه مجمعه للاسف

**ahmed_bq** · 25-09-2011 03:12 PM

ايه يا جماعه محدش عمل صيانة قبل كده ؟ :)

**kholio** · 26-09-2011 02:36 AM

روح يا باشا التوكيل و قدامك اختيارين
التوكيل القديم الرواس او التوكيل الجديد دايموند موتورز

**ahmed_bq** · 26-09-2011 09:53 AM

ايوه بس التوكيل غالي اوي ودفع كتير على الفاضي ... اساسات العربية الحمدلله تمام ... انا كنت عايز اعرف هل لازم اغير فلتر البنزين عشان طلع غالي اوي في الكريستاله اللي كانت معايا كان ب 20 جنيه وكنت بغيره كل اما الاقي نفسي فاضي :)

انا هعمل الطنابير ريجلاش في اي مخرطة نضيفة دي حاجه
هغير تيل الفرامل قدام ... ايه افضل نوع في السوق اسمه ايه وبكام؟
هغير سير الكاتينة والباور والتكييف ... بكام الحبة دول؟ وايه احسن انواع سيور الكاتينة؟ وهل لازم اغير البلية والشداد وليه؟
فيه عندي كارتيرة العجل قدام مقطوعة ... بتعمل كام جديدة ولا استيراد؟
هغير زيت .. انا من عشاق زيوت شل .. هحط شيل 10000 اسمه ايه وبكام والعربية بتاخد زيت اد ايه اصلا؟
فلتر الزيت ... بكام؟

الحاجات اللي فوق دي تعمل فلوس اد ايه عشان العربية طبعا لما اشتريتها بقيت ع لى الجنط تقريبا :)