تيداوي جديد بينكم

**AhmdDomar** · 26-09-2011 02:28 PM

المشاركة الأصلية كتبت بواسطة ahmed.tv

اهلا بيك معانا يا استاذ احمد .. وشرف لينا وجودك معانا فى قسم نيسان .. وشرف لينا انك من ملاك التيدا
والف مليون مبروك استلام للعروسة الهادية التيدا والقوية فى ادائها
اختيار موفق .. التيدا من العربيات المعمرة جدا والمحترمة واعطالها قليلة .. والحمد لله بقا ليها انتشار كويس فى السوق المصرى .. وقطع غيارها متوفرة خارج التوكيل وداخله

ده غير انها العربية 1600 سى سى الوحيدة الواسعة داخليا ومرتفعة من على الارض .. واغلب العربيات اللى بتكون عاملة لغاية 100 الف مش بتشتكى من حاجة فيها .. والكل مش بيعمل غير الصيانات الدورية فقط

بسم الله ماشاء الله .. عربية تستاهل .. وربنا يعطيك خيرها ويكفيك شرها

وان شاء الله تكون معانا بصفة دائمة وتنورنا دايما فى قسم نيسان

تحياتى
احمد مصطفى

الله يبارك لك يا أستاذ أحمد والشرف ليا إني أكون معكم وواحد منكم ، وطبعا الفضل لله ثم لكم أنتم وإخواننا في هذا المنتدى الرائع في إختياري لهذه السياره التي هي بالفعل مثلما تقول سياره ممتازه وفيها كل اللي كنت عايزه واستلمتها كانت عامله 28000 كم فقط والراجل اللي باعها لي كان في غاية الذوق واستلمتها في التوكيل بعدما عملي صيانة ال 30000كم على حسابه بدل ما أكشف على العربية وأدفع فلوس نعمل الصيانه ونسألهم على اللي فيها ويعملوه

شكرا على دعواتك وتقبل منكم ، وإن شاء الله نتقابل على خير

**AhmdDomar** · 26-09-2011 02:30 PM

المشاركة الأصلية كتبت بواسطة ahmed_selmy

الف مبروك يا باشا
وان شاء الله نحصلك
وفى انتظار تقريرك عنها بعد التجربه

الله يبارك لك وشكرا على ذوقك وربنا المستعان أمشي بها شويه وأنقل لكم تجربتي

**Ali_Abo_Amr** · 28-09-2011 12:29 PM

الف الف مبروك يا استاذ احمد على شراء التيدا الواسعة الشديدة :)
ومبروك علينا عضو جديد محترم فى قسم نيسان ونتمنى نشوفك فى المقابلات القادمة باذن الله
ماتنساش تعدل بيانات السيارة فى بيانات العضوية بتاعتك :)
ربنا يرزقك خيرها ويكفيك شرها ...

**AhmdDomar** · 24-10-2011 09:24 PM

المشاركة الأصلية كتبت بواسطة ali_abo_amr

الف الف مبروك يا استاذ احمد على شراء التيدا الواسعة الشديدة :)
ومبروك علينا عضو جديد محترم فى قسم نيسان ونتمنى نشوفك فى المقابلات القادمة باذن الله
ماتنساش تعدل بيانات السيارة فى بيانات العضوية بتاعتك :)
ربنا يرزقك خيرها ويكفيك شرها ...

شكرا لك ، وأنا متشوق لمقابلتكم وشرف لي طبعا وعدلت البيانات زي ما قلت